चेलौ के काम 3:19 - बुक्सा

¹⁹ इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।

चेलौ के काम 3:19 Mawu Ofanana

मत्‍ती 13:15

कैसेकै इन लोगौ की बुद्‍धि मारी गई है, इनौनै अपने कान बन्‍द करर खाए हैं, और अपनी आँख मूँद लंई हैं, ना तौ अगर बे आँखौ सै देखते, और कानौ सै सुनते, बुद्‍धि सै समजते और मेरी ओर लौहट आते तौ मैं इनकै भलो चंगो कर देतो।’

मत्‍ती 18:3

और कैई, “मैं तुमसै सच कैरओ हौं, अगर तुम ना बदलौ और बालकौ के जैसे ना बनौ, तौ सुरग के राज मै दाखिल ना हो पाऔगे।

लूका 1:16

और बौ ईसराइल के भौस्से लोगौ कै उनके परभु परमेसर की ओर लौहटा ले आगो।

लूका 22:57

पर पतरस नै जौ कैह कै इनकार करो, “बहन, मैं उसकै ना जानौ हौं।”

चेलौ के काम 1:6

जब बे एक संग इखट्‍टे भए तौ उनौनै बासै पूँछी, “हे परभु, का तू इसई बखत ईसराइल राज कै फिर सै बना देगो?”

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 11:21

परभु की सकति उन लोगौ के संग ही और भौस्से लोगौ नै बिसवास करो और परभु की रस्ता मै चले।

चेलौ के काम 15:3

जब बिसवासिऔ की मंडली के लोगौ नै उनकै बिदा करो तौ बे फिनीकिया और सामरिया सै होते भए गैर यहूदी लोगौ कै पापौं सै मन फिरानै की अच्‍छी खबर सुनाते भए गए। जा खबर कै सुनकै सिगरे बिसवासी लोग भौत खुस भए।

चेलौ के काम 17:26

बानै एकई आदमी सै दुनिया के सिगरे लोग पैदा करे, कै बे धरती मै बसैं, और बानै उनके ताँई बखत और जघै की हद ठैराई,

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 28:27

कैसेकै इन लोगौ की अकल मै पत्‍थर पड़ गओ है, और इन्‍नै अपने कान मै गुट्‍टा लगा लओ है, और इन्‍नै अपनी आँखौ कै बन्‍द कर लओ है, कै कहीं ऐंसो ना हो जाऐ कै जे अपनी आँखौ से देख लैं और कान सै सुन लैं, और मन सै समजैं, और बे मेरे पिच्‍छे चलैं, और मैं उनकै ठीक करौं।’

चेलौ के काम 3:20

जब परभु के सामने तुमरे सुक और चैन के दिन आंगे। तबई बौ बा मसी ईसु कै भेजैगो जो तुमरे ताँई पैलेई सै चुन लओ गओ है।

चेलौ के काम 3:21

“मसी कै बा बखत तक सुरग मै रैहनो होगो जब तक कै सबई बात पैले जैसी ना हो जाऐ जिनके बारे मै भौत पैलेई सैई परमेसर नै अपने पबित्‍तर नबिऔ के दुआरा बता दओ हो।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

2 थिसलुनीकियौ 1:10

जौ बा दिन होगो जब बाकै अपने पबित्‍तर लोगौ की ओर सै महिमा मिलैगी, और सिगरे बिसवास कन्‍नै बारे लोग बाकी इज्‍जत करै हैं। तुम बी जामै सामिल हौ, कैसेकै तुमनै हमरी गभाई मै बिसवास करो है।

2 थिसलुनीकियौ 1:7

और तुम जो कसट झेल रए हौ बाकै परमेसर हमरे संग आराम मै बदल देगो। और जौ तब होगो जब परभु ईसु अपने सकतिसाली सुरगदूतौं के संग सुरग सै,

2 तीमुथियुस 2:25

जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

इबरानिओ 4:1

इसताँई जब तक परमेसर की ठैराई भई आराम कन्‍नै की जघै मै जानै को बादो अबी बी बनो भओ है तब तक हमकै चौकस रैहनो चँईऐ जिस्सै कै कोई बी आदमी बा बादे सै छुट ना जाऐ।

1 पतरस 2:25

कैसेकै तुम लोग पैले भेड़ौ के हाँई भटक गए हे, मगर अब तुम अच्‍छे गड़रिया और आत्‍माऔ की रखबारी कन्‍नै बारे के धौंरे बापस लौहट आए हौ।

2 पतरस 3:8

पियारे लोगौं, पर जा एक बात कै भूलिओ मत कै परभु के ताँई एक दिन हजार बरस के बराबर है और हजार बरस एक दिन के बराबर है।

परकासन 21:4

और बौ उनकी आँखौ सै सब असुआ पछौन डारैगो। फिर ना कोई मौत होगी, ना कोई दुख के कारन रोनो और नाई कोई दरद, कैसेकै जे सब पुरानी बात अब खतम हो चुकी हैं।”