चेलौ के काम 3:12 - बुक्सा

¹² जौ देक्‍कै पतरस नै लोगौ सै कैई, “हे ईसराइल के लोगौ, तुम जा आदमी कै देक्‍कै काए अचम्बो करौ हौ? और हमरी ओर काए ऐंसे देख रए हौ कै मानौ हमई नै अपनी सकति या भक्‍ति के दुआरा जा आदमी कै चलनै फिरनै के लायक बना दओ है?

चेलौ के काम 3:12 Mawu Ofanana

यहून्‍ना 7:18

जो अपनी ओर सै बोलै है बौ अपनी बड़ाई चाँहबै है, पर जो अपने भेजनै बारे की बड़ाई चाँहबै है बौई सच्‍चो है, और बामै कोई खोट ना है।

चेलौ के काम 13:26

“हे इब्राहिम के खानदान के भईयौ, और परमेसर सै डरनै बारे गैर यहूदी लोगौ, मुक्‍ति पानै के ताँई जौ बचन तुमरे धौंरे भेजो गओ है।

चेलौ के काम 2:22

“हे ईसराइल के लोगौ इन बचनौ कै सुनौ, परमेसर नै ईसु नासरी के दुआरा तुम लोगौ के बीच मै ताजुब के काम करे और चिन्‍न, चमत्कार दिखाए जिस्सै कै जौ पतो लगै है कै ईसु कै परमेसर की ओर सै तुमरे धौंरे भेजो गओ है और तुम खुद बी जानौ हौ।

चेलौ के काम 3:11

जब बौ पतरस और यहून्‍ना के संग-संग हो, तौ सबई आदमी चौंक गए और भाजते भए बा दैहरी के धौंरे आए जो सुलेमान को कैलाबै है।

चेलौ के काम 3:13

इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।

रोमियो 11:1

इसताँई मैं पूँछौ हौं, “का परमेसर नै अपनेई लोगौ कै छोड़ दओ है?” बिलकुल ना, कैसेकै मैं बी एक ईसराइली हौं, मैं इब्राहिम की औलाद और बिन्यामीन के गोत को हौं।

रोमियो 9:4

जो ईसराइली हैं और जिनकै परमेसर की औलाद होनै को अधकार है, जे परमेसर की महिमा कै देख चुके हैं, और परमेसर नै इनके संग करारनामो करो है। जिनकै मूसा के दुआरा देए भए नियम, सच्‍ची आराधना, और बचन दओ है।

2 कुरन्‍थियों 3:5

हम ऐंसो ना सोचै हैं कै हम खुद अपनी तागत सै कुछ कर सकै हैं, पर हमकै तागत दैनै बारो परमेसर है।

परकासन 7:13

फिर बुजरगौं मै सै एक नै मैंसै कैई, “जे सपेद लत्‍ता पैहरे भए कौन लोग हैं? और कहाँ सै आँए हैं?”