चेलौ के काम 27:12 - बुक्सा

¹² कैसेकै बौ जघै जाड़े काटनै के ताँई सई ना ही, इसताँई भौस्से लोगौ की जौ सला ही कै फीनिक्‍स मै पौंच कै जाड़ो काटैं। जौ करेत के जिहाज रुकनै को ऐंसो अड्‍डा है जिसकी रस्ता दक्‍खन, पच्छिम और उत्तर, पच्छिम की ओर खुलै है।

चेलौ के काम 27:12 Mawu Ofanana

चेलौ के काम 2:11

यानी यहूदी और यहूदी धरम कै अपनानै बारे और करेत और अरब के रैहनै बारे सबई लोग अपनी अपनी भासा मै उनसै परमेसर के बड़े-बड़े कामौ के बारे मै सुन रए हैं।”

चेलौ के काम 27:13

जब दखनैर हवा चलल लगी और उन्‍नै सोची कै हम अग्गे बढ़ सकै हैं इसताँई तबई पानी के जिहाज कै रोकनै बारे लंगरौ कै उठा लओ और जिहाज कै करेत टापू की आड़ सै होते भए अग्गे लेजाल लगे।

चेलौ के काम 27:21

जब कई दिनौ तक भूँके रैहनै के बाद पौलुस नै उनके सामने खड़े होकै जौ कैई, “हे लोगौ, अच्‍छो तौ जौ है कै तुम मेरी बात सुनते और करेत सै ना आते, तौ ना तौ जौ मुसीबत आती और नाई नुकसान होतो।

चेलौ के काम 27:7

जब हम हौले हौले जाते भए कई दिनौ के बाद बड़ी मुसकल सै कनिदुस के सामने पौंचे। कैसेकै हवा उल्‍टी चल रई ही इसताँई हम सालेम के एक करेत टापू की आड़ सै होते भए अग्गे बढ़े।

चेलौ के काम 27:8

और बाके किनारे किनारे बड़ी मुसकल सै हम एक जघै मै पौंचे जिसको नाम सुन्‍दर जिहाज को अड्‍डा हो और बहाँ सै लसया सैहर धौंरेई हो।

तीतुस 1:12

उनई मै सै एक भबिसबानी कन्‍नै बारे किरैती आदमी नै कैई है, “किरैती के लोग हमेसा झूँटे, जंगली जनाबर और आलसी और पेटू होवै हैं।”

तीतुस 1:5

मैं इसताँई तेकै करेत सैहर मै छोड़ आओ हो, कै तू बाकी बची भई बातौं कै सुदारै और मेरी आगियाँ के अनुसार हर सैहर मै बिसवासिऔ की मंडली के ताँई मुखियौं कै चुनकै खड़ो करै।