चेलौ के काम 26:18 - बुक्सा

¹⁸ कै तू उनकी आँखौ कै खोलै जिस्सै कै बे लोग इन्धेरे सै उज्‍जेरे की ओर आँय और जो सैतान के फंदा मै फसे पड़े हैं, उनकै तू परमेसर के राज मै लेकै आय जिस्सै कै उनके पाप माफ हौं, और परमेसर के छाँटे भए बिसवासी लोगौ मै बे अपनी जघै बनाऐ।’

चेलौ के काम 26:18 Mawu Ofanana

मत्‍ती 4:10

तब ईसु नै उस्सै कैई, “हे सैतान दूर हो जा, कैसेकै पबित्‍तर सास्तर मै लिखो है कै, “ ‘तू परभु अपने परमेसर कैई डन्डौत कर और सिरप उसई की सेवा कर।’ ”

मत्‍ती 4:16

जो लोग इन्‍धेरे मै जी रए हे, उनौनै एक बड़ो उज्‍जेरो देखो और जो मौत की छाँई के परदेस मै रैह रए हे, उनके ऊपर रौसनी चमकी।”

लूका 1:77

कै बाके लोगौं कै मुक्‍ति को गियान दे, जो उनके पापौं की माफी सै मिलै है।

लूका 1:79

जिस्सै बौ इन्धेरे और मौत की छाया मै बैठनै बारौ कै जोती दे, और हमरे पाँऐऔं कै सान्‍ति के रस्ता मै सीदे चलाऐ।”

लूका 2:32

कै बौ गैर यहूदिऔं कै परमेसर के रस्ता की रौसनी दैनै के ताँई उज्‍जेरो, और तेरे अपने लोग ईसराइलिऔ की सान है।”

लूका 24:45

फिर पबित्‍तर सास्तरौं कै समजनै के ताँई बानै उनको दिमाक खोल दओ।

लूका 24:47

और ऐरूसलेम सैहर सै लेकै सैरी दुनिया के लोगौं मै मन फिरानै को और पापौं की माफी को सन्देस, बाईके नाम सै करो जागो।

लूका 4:18

“परभु की आत्‍मा मैं मैई समाई है और उसनै मैंकै चुनो है जिस्सै मैं गरीबौ कै अच्‍छी खबर सुनाऔं। और मैं इसताँई भेजो गओ हौं कै कैदिऔ कै छुटकारे को और अन्धौ कै देखनै की अच्‍छी खबर बताऔं और दबे भएऔं कै छुड़ाऔं

यहून्‍ना 17:17

सच के दुआरा उनकै पबित्‍तर कर, तेरो बचन सच्‍चो है।

यहून्‍ना 3:19

और डन्ड की आगियाँ को कारन जौ है, कै जोती दुनिया मै आई है और आदमिऔ नै इन्धेरे कै जोती सै जादा अच्‍छो मानो कैसेकै उनके काम बुरे हे।

यहून्‍ना 4:10

ईसु नै जबाब देते भए उस्सै कैई, “अगर तू परमेसर के बरदान कै जानती और जौ बी जानती कै बौ कौन है जो तुस्सै कैबै है, मैंकै पानी पिबा, तौ तू बासै माँगती और बौ तेकै जिन्‍दगी को जल देतो।”

यहून्‍ना 4:14

पर जो कोई उस जल मै सै पियैगो जो मैं बाकै देंगो, बौ फिर जिन्‍दगी भर कबी पियासो ना होगो, पर जो जल मैं बाकै देंगो, बौ बामै एक सोता बन जागो, जो हमेसा की जिन्‍दगी के ताँई उमड़तो रैहगो।”

यहून्‍ना 8:12

ईसु नै फिर आदमिऔ सै कैई, “दुनिया को उज्‍जेरो मैं हौं। जो मेरे पीछे हो लंगे, बे इन्धेरे मै ना चलंगे, पर जिन्‍दगी को उज्‍जेरो उनकै मिलैगो।”

यहून्‍ना 9:39

तब ईसु नै कैई, “मैं इस दुनिया मै नियाय कन्‍नै के ताँई आओ हौं कै जो ना देखै हैं बे देखंगे और जो देखै हैं बे अन्धे हो जांगे।”

यहून्‍ना 9:5

जब तक मैं दुनिया मै हौं, मैं दुनिया को उज्‍जेरो हौं।”

चेलौ के काम 10:43

परमेसर की ओर सै सिगरे नबिऔ नै बाके बारे मै जौ गभाई दई कै जो कोई बी बाके ऊपर बिसवास करैगो तौ ईसु के नाम सै बा आदमी के पाप माफ हो जांगे।”

चेलौ के काम 13:47

कैसेकै परभु नै हमकै जौ हुकम देर खाओ है कै, ‘मैंनै तुमकै गैर यहूदी लोगौ के ताँई जोती ठैराओ है, जिस्सै कै मुक्‍ति की अच्‍छी खबर धरती के कौने कौने मै फैलै।’”

चेलौ के काम 15:9

और परमेसर नै उनके बिसवास के दुआरा उनके मनौ कै सुद्‍द करो और हम्मै और उनके बीच मै कोई फरक ना रक्‍खो।

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 20:32

“अब मैं तुमकै परमेसर के बचन और बाके किरपा के हात मै सौंप रओ हौं, जो तुमकै पबित्‍तर लोगौ के संग बड़ाई और बारिस होनै को हक दे सकै है।

चेलौ के काम 26:19

“हे राजा अगरिपा, इसताँई मैंनै बा दरसन की बात ना टाली जो मैंकै सुरग सै मिलो हो,

चेलौ के काम 26:23

कै मसी कै दुख झेलनो पड़ैगो और बौई सबई सै पैले मरे भएऔं मैसै जिन्‍दो होकै, यहूदी लोगौ मै और गैर यहूदी लोगौ मै मुक्‍ति के ताँई परचार करैगो।”

चेलौ के काम 3:19

इसताँई तुम गलत कामौ सै अपनो मन फिराऔ और परमेसर की ओर लौहट आऔ जिस्सै कै तुमरे पाप माफ हो जाऐ।

चेलौ के काम 5:31

और बाई कै परमेसर नै परभु और मुक्‍ति दैनै बारो ठैराओ और अपने दाँय हात की ओर बिठाओ, जिस्सै कै बौ सिगरे ईसराइली लोगौ कै उनके गलत कामौ सै मन फिरबाऐ और उनकै माफ करै।

रोमियो 8:17

और अगर औलाद हैं, तौ बारिस बी हैं, और परमेसर के बारिस और मसी संग के बी बारिस हैं, अगर हम उसके संग दुख उठाबै हैं तौ हमकै उसके संग महिमा बी मिलै है।

1 कुरन्‍थियों 1:2

परमेसर के उन बिसवासिऔ की मंडली के लोगौ के ताँई जो कुरन्‍थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्‍तर जिन्‍दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।

1 कुरन्‍थियों 1:30

परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्‍धि ठैरो। मसी की बजै सै हम परमेसर मै सई ठैराए गए और बाके पबित्‍तर लोग बन गए और हमकै पाप सै छुटकारो मिलो।

2 कुरन्‍थियों 4:4

सैतान जा दुनिया को देबता है, और बानै उन लोगौ की बुद्‍धि बन्‍द करर खाई है, और बे मसी मै बिसवास ना करै हैं जो परमेसर को रूप है, जो मसी की अच्‍छी खबर की महिमा की चमक कै ना देख सकै हैं।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

2 कुरन्‍थियों 6:14

जो लोग बिसवासी ना हैं, उनके संग साजे मै कुछ ना करौ। कैसेकै भलाई और बुराई को कोई मेल ना है। और इन्धेरे और उज्‍जेरे को बी कोई साजो ना है।

गलातिऔ 3:14

जौ इसताँई भओ कै, जो आसीस इब्राहिम कै देर खाई ही, बौ मसी ईसु के दुआरा गैर यहूदी लोगौ कै बी मिल सकै और हमरे बिसवास के दुआरा बौ सच्‍ची आत्‍मा मिलै जिसको बादो परमेसर नै करर खाओ है।

गलातिऔ 3:2

मैं तुमसै बस जौ जान्‍नो चाँहौ हौं कै, का तुमकै पबित्‍तर आत्‍मा नियम माननै सै मिलो है, या परमेसर की अच्‍छी खबर सुन्‍नै और बामै बिसवास कन्‍नै सै?

इफिसिऔ 1:11

सबई कुछ अपने मकसद और इच्‍छा के अनुसार काम कन्‍नै बारे परमेसर नै पैलेई तय करो और अपनी योजना के अनुसार मसी मै हमकै बाको लौंड़ा होनै के ताँई छाँटो है।

इफिसिऔ 1:14

जब तक हमरो छुटकारो ना हो जाय तब तक हमरी बिरासत के ताँई जौ पबित्‍तर आत्‍मा बियाने के रूप मै देर खाओ है जिस्सै कै परमेसर की महिमा होए।

इफिसिऔ 1:18

मेरी जौ बी पिराथना है कै तुमरे मन की आँख खुल जाँय और तुम जौ जान सकौ कै बाके बुलानै सै तुमकै कितनी बड़ी आस मिली है, और जिस बिरासत कै बौ अपने पबित्‍तर लोगौ कै देगो बौ कितनो महान और महिमा सै भरी भई है।

इफिसिऔ 1:7

हमकै मसी मै मसी की मौत के दुआरा छुटकारो मतलब पाप की माफी मिली है। जौ परमेसर की भौस्सी किरपा सै मिलो है।

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

इफिसिऔ 4:18

और उनकी अकल मै पत्‍थर पड़ गओ है और समज ना होनै की बजै सै और उनके मन जिद्‍दी होनै की बजै सै बे परमेसर की जिन्‍दगी सै अगल करे गए हैं।

इफिसिऔ 5:11

जो लोग इन्धेरे के गलत काम करै हैं, तुम उनके कामौ मै सात मत देईयो और उनके गलत कामौ कै सबई के सामने लाऔ।

इफिसिऔ 5:14

कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै, “ओ सोनै बारे जगौ, और मरे भएऔं मै सै जिन्‍दे हो जाऔ, और मसी को उज्‍जेरो तुमरे ऊपर चमकैगो।”

इफिसिऔ 5:8

कैसेकै पैले एक बखत हो जब तुम इन्धेरे मै हे। पर अब परभु के चेला बन्‍नै सै तुम जोती मै हौ, इसताँई अब तुम जोती की औलाद के हाँई जिन्‍दगी जिऔ।

इफिसिऔ 6:12

कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्‍मिक सैना सै है जो आसमान मै है।

2 तीमुथियुस 2:26

और सैतान के बा फंदा सै बचकै लिकर सकै, जिसमै सैतान नै लोगौ कै अपने कबजा मै रखर खाओ है।

इबरानिओ 10:10

कैसेकै ईसु मसी को सरीर एकई दफै हमेसा के ताँई बलि चढ़ा दओ और जाई बलि के दुआरा हम पबित्‍तर करे गए हैं।

इबरानिओ 10:14

कैसेकै बानै एकई बलि के दुआरा उनकै जो पबित्‍तर करे जावै हैं हमेसा के ताँई पक्‍को कर दओ।

इबरानिओ 11:6

बगैर बिसवास के परमेसर कै खुस कन्‍नो नामुमकिन है। कैसेकै जो परमेसर के धौंरे आवै है बाके ताँई जौ बिसवास कन्‍नो जरूरी है, कै परमेसर है और जो बाकै ढूंड़ै है उनकै बौ ईनाम देवै है।

इबरानिओ 9:15

इसताँई मसी नए करारनामे को बिचौंदिया बनो। जिस्सै कै जिन लोगौ कै बुलाओ गओ है बे लोग परमेसर के बादे करे भए हमेसा की बिरासत के हकदार बनै कैसेकै जिन्‍नै पैले करारनामे के हक मै रैहते भए पाप करो है उनकै बासै छुटकारे के ताँई मसी नै अपनी जान दे दई।

याकूब 2:5

हे मेरे पियारे भईयौ सुनौ; का परमेसर नै जा दुनिया के गरीब लोगौ कै ना चुनो कै बे बिसवास मै पक्‍के और मसी के राज के अधकारी हौं, जिसको बादो बानै अपने पियार कन्‍नै बारौ से करो है?

1 पतरस 1:4

जो धन-दौलत तुम लोगौं के ताँई सुरग मै है, बौ कबी नास ना होगी और ना खराब होगी और ना बामै दाग लगैगो और ना बाकी चमक कबी कम होगी।

1 पतरस 2:25

कैसेकै तुम लोग पैले भेड़ौ के हाँई भटक गए हे, मगर अब तुम अच्‍छे गड़रिया और आत्‍माऔ की रखबारी कन्‍नै बारे के धौंरे बापस लौहट आए हौ।

1 पतरस 2:9

पर तुम एक चुनो भओ बंस, राज कन्‍नै बारे बड़े पुजारी को समाज, पबित्‍तर लोग, और परमेसर के अपने लोग हौ। इसताँई तुम परमेसर की अच्‍छाई के बारे मै बोलौ, जिसनै तुमकै इन्धेरे सै अपनी एक अनौखी जोती मै बुलाओ है।

1 यहून्‍ना 1:9

हम अगर अपने पापौं कै मान लेबै हैं, तौ बौ हमरे पापौं कै माफ कन्‍नै, और हमकै सब अधरम के कामौ सै सुद्‍द कन्‍नै मै बिसवासजोग और धरमी है।

1 यहून्‍ना 2:12

पियारे बालकौ, मैं तुमकै इसताँई लिख रओ हौं, कैसेकै तुमरे पाप ईसु मसी के नाम की बजै सै माफ भए हैं।

1 यहून्‍ना 3:8

जो पाप करतोई रैहबै है, बौ दुसट की ओर सै है, कैसेकै दुसट सुरू सैई पाप करतो आओ है। पर परमेसर को लौंड़ा इसताँई आओ है, कै दुसट के कामौ कै नास करै।

1 यहून्‍ना 5:19

हम जानै हैं कै हम परमेसर सै हैं। मगर जौ सिगरी दुनिया बा दुसट के बस मै है।

यहूदा 1:1

ईसु मसी के सेवक और याकूब को भईया, यहूदा की ओर सै उन बुलाए भए लोगौ के नाम जो परमेसर के पियारे और जिनकै ईसु मसी के ताँई समार कै रक्‍खो है।

परकासन 21:27

और कोई बी असुद्‍द चीज, बुरे काम कन्‍नै बारे, झूँट बोलनै बारे, किसी बी तरीका सै भीतर ना जा सकै हैं, पर बेई जा सकै हैं जिनके नाम मैमना के जिन्‍दगी की किताब मै लिखे हैं।