चेलौ के काम 26:16 - बुक्सा

¹⁶ पर तू उठ और सीदो खड़ो हो जा। मैंनै तेकै इसताँई दरसन देओ है कै तेकै सेवक और उन बातौं को गभा ठैराऔ, जो तैनै मेरे बारे मै देखी हैं और जो बी मैंनै तेकै दिखाओ है, उनकी गभाई तू लोगौ कै देगो।

चेलौ के काम 26:16 Mawu Ofanana

लूका 1:2

बेई बात हमकै उन लोगौं के दुआरा बताई गंई, जिनौनै सुरू सैई होते भए देखी हीं और जो अच्‍छी खबर के परचारक रैहए हे।

चेलौ के काम 1:17

कैसेकै बौ हमरे संगई गिनो गओ और बा सेवा मै बी बौ हमरे संगई हो।”

चेलौ के काम 1:25

कै बौ जा सेवा के काम कै और भेजे भए चेला की जघै कै पूरी करै, जिस्सै आजाद होकै यहूदा सजा काटनै के ताँई चलो गओ जो बाके ताँई चुनी गई ही।”

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

चेलौ के काम 21:19

तब पौलुस नै उनकै नमस्कार कन्‍नै के बाद उन सिगरे कामौ के बारे मै बताओ जिसकै परमेसर नै बाकी सेवा के दुआरा गैर यहूदी लोगौ के बीच मै करबाए।

चेलौ के काम 22:10

“तबई मैंनै बासै पूँछी कै, ‘हे परभु मैं का करौं?’ “तौ परभु नै मैंसै कैई कै, ‘खड़ो हो और दमिसक मै जा, तेकै मैं बहाँ सबई कुछ बता दंगो जिसके ताँई तेकै छाँटो गओ है।’

चेलौ के काम 23:11

बाई रात परभु बाके सामने आओ और कैई कै, “हिम्मत रख, कैसेकै जैसी तैनै ऐरूसलेम मै मेरी गभाई दई है, बैसेई रोम मै बी मेरी गभाई देनी है।”

चेलौ के काम 26:15

“मैंनै कैई, ‘हे परभु, तू कौन है?’ “परभु नै कैई कै, ‘मैं ईसु हौं जिसकै तू सताबै है।

चेलौ के काम 6:4

और हम पिराथना और परमेसर के बचन के परचार मै लगे रैहंगे।”

रोमियो 1:5

और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।

रोमियो 15:16

यानी मैं गैर यहूदिऔं के ताँई ईसु मसी को सेवक बनकै परमेसर की अच्‍छी खबर के ताँई एक पुजारी के हाँई परचार करौं जिस्सै कै गैर यहूदी लोग पबित्‍तर आत्‍मा के दुआरा पबित्‍तर करे जाने के बाद, परमेसर के ताँई गिरैहन जोग भेंट बन सकंगे।

2 कुरन्‍थियों 4:1

कैसेकै परमेसर की दया सै जौ सेवा हमकै मिली है, जिसके ताँई हम हिम्मत ना हारै हैं।

2 कुरन्‍थियों 5:18

जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्‍नै के ताँई सेवा दई है।

गलातिऔ 1:12

जौ अच्‍छी खबर ना तौ किसी आदमी की ओर सै मैंकै मिली, और ना किसी नै मैंकै सिकाओ है, पर बौ ईसु मसी के परकट होनै के दुआरा मैंनै पाई है।

गलातिऔ 2:2

परमेसर नै मैंकै कैई और इसताँई मैं बहाँ गओ और जिस अच्‍छी खबर को मैंनै गैर यहूदी लोगौ के बीच मै परचार करो हो बाके बारे मै उनकै बताओ। हाँ सिरप उनकै बताओ हो जो जानेमाने लोग हे। कैसेकै ऐंसो ना होए कै बे काम जो मैंनै पैले करे हे और जो काम मैं कर रओ हौं बे बेकार ना जाऐ।

इफिसिऔ 3:3

और बानै बौ भेद की बात मेरे ऊपर परकट करी जिसके बारे मै मैं पैले थोड़ो सो लिख चुको हौं।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

कुलुसिऔं 1:25

परमेसर तुमरे फाएदा के ताँई जो बी हुकम मैंकै देवै है, बाके बजै सै मैं बिसवासी लोगौ के बीच एक सेवक बनो हौं, जिस्सै कै मैं परमेसर के बचन को पूरो पूरो परचार करौं,

कुलुसिऔं 1:7

और हमरे संग काम कन्‍नै बारो पियारो भईया इपफरास जो हमरी ओर सै मसी को बिसवासी सेवक है, और तुमकै बाई सै जा अच्‍छी खबर को गियान मिलो है।

1 थिसलुनीकियौ 3:2

और तीमुथियुस जो मसी की अच्‍छी खबर कै फैलानै मै हमरो संगी भईया और परमेसर की सेवा कन्‍नै बारो है, बाकै हमनै तुमरे धौंरे इसताँई भेजो कै बौ तुमकै बिसवास मै मजबूत करकै तुमरी हिम्मत बढ़ाऐ,

1 तीमुथियुस 1:12

मैं अपने परभु ईसु मसी को धन्‍नबाद देवौ हौं, जिसनै मैंकै सकति देई और बिसवासजोग समजकै अपनी सेवा के काम के ताँई चुनो है।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।

2 तीमुथियुस 4:5

और तू सिगरी बातौं मै चौकस रैह, दुख सैह, अच्‍छी खबर के परचार को काम कर और अपनी सेवा पूरी कर।