चेलौ के काम 25:6 - बुक्सा

⁶ बौ उनके संग आठ दस दिन रैहनै के बाद केसरिया कै चलो गओ। और दूसरे दिन कचैरी मै आकै पौलुस कै लानै को हुकम दओ।

चेलौ के काम 25:6 Mawu Ofanana

मत्‍ती 27:19

पीलातुस जब नियाय के आसन मै बैठो हो तौ बाकी बईयर नै बाके धौंरे एक सन्‍देसो भेजो कै, “तू बा धरमी आदमी के मामले मै कुछ मत कर बैठिए। मैंनै उसके बारे मै एक सपनो देखो है, जिस्सै आज सैरे दिन मै बेचैन रैहई।”

यहून्‍ना 19:13

जब पीलातुस नै जे बात सुनी तौ बौ ईसु कै बाहार बा जघै मै ले गओ और “पत्‍थर को चबूतरा” नाम की नियाय की गद्‍दी मै बैठो। जाकै इबरानी भासा मै “गब्बता” कैओ गओ है।

चेलौ के काम 25:1

जब फेस्तुस राजपाल कै बा मुलक मै आए भए तीन दिन हो गए तबई बौ केसरिया सै ऐरूसलेम गओ।

चेलौ के काम 25:10

तबई पौलुस नै कैई कै, “मैं रोमी राजा के कचैरी मै खड़ो हौं और मेरे मुकदमा को फैसला बी जहीं होनो चँईऐ। तू जा बात कै अच्‍छे सै जानै है कै मैंनै यहूदी लोगौ को कुछ बी बुरो ना करो।

चेलौ के काम 25:17

इसताँई जब बे मेरे संग हिंया आए तबई मैंनै बगैर देर करे दूसरे दिन कचैरी मै जाकै बा आदमी कै लानै को हुकम दओ।

चेलौ के काम 25:4

फेस्तुस नै कैई कै, “पौलुस केसरिया की जेल मै कैद है। मैं जल्दीई जांगो।”

चेलौ के काम 25:5

तबई बानै फिर कैई कै, “तुम्मै सै जो मुखिया लोग हैं बे मेरे संग चलैं और अगर बा आदमी की गलती है, तौ बाके ऊपर मुकदमा चलाओ जागो।”

चेलौ के काम 8:40

पर फिलिप्‍पुस नै खुद कै असदोद नाम की जघै मै पाओ और जब तक केसरिया जघै मै ना पौंचो तब तक सिगरे सैहरौं मै अच्‍छी खबर को परचार करतो गओ।

2 कुरन्‍थियों 5:10

हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

याकूब 2:6

पर तुमनै बा गरीब आदमी की बेजती करी है। का सेट आदमी तुमरे ऊपर जुलम ना करै है और का बे तुमकै अदालतौं मै ना ले जावै हैं?