चेलौ के काम 23:6 - बुक्सा

⁶ जब पौलुस कै जौ पतो लगो कै बड़ी सभा मै आधे फरीसी और आधे सदूकी लोग हैं, तबई बौ जोर सै बोलल लगो कै, “हे भईयौ, मैं फरीसी और फरीसिऔं के बंस को हौं। मेरे ऊपर इसताँई मुकदमा चल रओ है कै मैं जौ बिसवास करौ हौं कै आदमी मरनै के बाद फिर सै जिन्‍दो होवै है।”

चेलौ के काम 23:6 Mawu Ofanana

मत्‍ती 10:16

“देखौ, मैं तुमकै भिड़ियौ के बीच भेड़ौ की हाँई भेज रओ हौं, इसताँई साँप के हाँई चालाँक और कबूतर के हाँई भोले बनौ।

मत्‍ती 22:23

उसई दिन कुछ सदूकी ईसु के धौंरे आए। उनको माननो है कै आदमी फिर सै जिन्‍दो ना होवै है।

मत्‍ती 3:7

जब यहून्‍ना नै देखो कै भौत से फरीसी और सदूकी उसके धौंरे जल संस्कार लैनै आ रए हैं तौ बौ उनसै बोलो “ओ, साँप की औलादौं! तुमकै किसनै जता दओ, कै परभु के आनै बारे घुस्सा सै भाजौ?

चेलौ के काम 22:3

“मैं तौ एक यहूदी आदमी हौं जो किलिकिया के तरसुस मै पैदा भओ, पलो और ऐरूसलेम मै गमलीएल के धौंरे पढ़ो और अपने बापदादौं के नियमौ कै अच्‍छे सै सीको। मैं बी परमेसर को ऐंसो भक्‍त हौं जैसे तुम अब हौ।

चेलौ के काम 22:30

अगले दिन सच्‍चाई को पतो लगानै के ताँई कै पौलुस के ऊपर यहूदी लोगौ नै इलजाम काए लगाए हैं, सैनापति नै पौलुस कै रिहा कर दओ और मुक्‍ख पुजारिऔं, और यहूदी लोगौ कै इखट्‍टे होनै को हुकम दओ और पौलुस कै उनके सामने लाकै खड़ो करो।

चेलौ के काम 22:5

और जा बात के गभा बड़ो पुजारी और तुमरे सिगरे मुखिया हैं। मैंनै उनसै दमिसक के यहूदी भईयौ के ताँई चिट्‌ठी लिखबाई कै मैं बहाँ के ऐंसे लोगौ कै बन्‍दी बनाकै ऐरूसलेम मै लाकै सजा दौं।

चेलौ के काम 23:1

बड़ी सभा के लोगौ की ओर देखते भए पौलुस नै कैई कै, “हे मेरे भईयौ, मैंनै आज तक परमेसर के ताँई सच्‍चे मन सै जिन्‍दगी जीई है।”

चेलौ के काम 23:15

इसताँई अब तुम यहूदी सभा और सैनापति कै कैऔ कै, ‘सई तरीका सै जाँच पड़ताल कन्‍नै के ताँई पौलुस कै हमरे धौंरे लिआऐ,’ हम बाकै बहाँ पौंचनै सै पैले मार दंगे।”

चेलौ के काम 23:20

बा लौंड़ा नै कैई कै, “यहूदी लोगौ नै सला बनाई है कै बे तेसै जौ बिनती करंगे कै तू पौलुस के बारे मै और अच्‍छे सै जाँच कन्‍नै के ताँई बाकै बड़ी सभा मै लेकै आय।

चेलौ के काम 23:7

जब बानै जौ बात कैई तौ फरीसी और सदूकी लोगौ मै लड़ाई होल लगी और सभा मै फूट पड़ गई।

चेलौ के काम 24:15

और मैं परमेसर सै बैसीई आस रक्‍खौ हौं जैसी जे खुद रक्‍खै हैं, कै सिगरे धरमी और अधरमी दौनौ मर कै फिर सै जिन्‍दे होवै हैं।

चेलौ के काम 24:21

सिरप एक बात कै छोड़कै जो मैंनै उनके बीच मै खड़े होकै कैई ही कै, ‘मर कै फिर सै जिन्‍दे होनै के बारे मै आज तुमरे सामने मेरे ऊपर मुकदमा चलाओ जा रओ है।’”

चेलौ के काम 28:20

और जाई बजै सै मैंनै तुमसै मिलनै और बातचीत कन्‍नै की सोची। कैसेकै मैं साँकर मै मसी की बजै सै बंधो, जो ईसराइल की आस है।”

फिलिप्‍पीऔ 3:5

जब मेरो खतना भओ तौ मैं आठ दिन को हो; ईसराइल के खानदान और बिन्यामीन गोत को हौं, इबरानिओ को इबरानी हौं, और अगर नियम के बारे मै कैंऐ तौ मैं फरीसी हौं।

कुलुसिऔं 1:5

कैसेकै जो आस तुमकै है, बौ सुरग मै तुमरे ताँई रक्‍खी पड़ी है। तुमनै जा आस के बारे मै तब सुनो जब सच्‍च की अच्‍छी खबर तुमरे धौंरे पौंची।

इबरानिओ 6:19

ऐंसी आस हमरे पिरान के ताँई भरोसेमंद और सुरक्‍छित है और जौ आस हमकै सच्‍चे परमेसर के मौजूदगी मै ले जावै है।