चेलौ के काम 22:5 - बुक्सा

⁵ और जा बात के गभा बड़ो पुजारी और तुमरे सिगरे मुखिया हैं। मैंनै उनसै दमिसक के यहूदी भईयौ के ताँई चिट्‌ठी लिखबाई कै मैं बहाँ के ऐंसे लोगौ कै बन्‍दी बनाकै ऐरूसलेम मै लाकै सजा दौं।

चेलौ के काम 22:5 Mawu Ofanana

लूका 22:66

जब दिन भओ तौ मुक्‍ख पुजारिऔं और सास्तरिऔं और यहूदी बुजरग मुखिया इखट्‍टे भए, और ईसु कै अपनी पंचात मै ले गए और उस्सै पूँछी,

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 13:26

“हे इब्राहिम के खानदान के भईयौ, और परमेसर सै डरनै बारे गैर यहूदी लोगौ, मुक्‍ति पानै के ताँई जौ बचन तुमरे धौंरे भेजो गओ है।

चेलौ के काम 2:29

“ओ मेरे भईयौ, मैं जौ बात पूरे बिसवास के संग कैबौ हौं कै, हमरो पूरबज दाऊद जो मर गओ और बाकै कबर मै दफनाओ गओ, और बाकी कबर आज बी हमरे हिंया है।

चेलौ के काम 22:1

“हे भईयौ, और बुजरगौं, अब जो मैं कैरओ हौं बाकै सुनौ।”

चेलौ के काम 23:1

बड़ी सभा के लोगौ की ओर देखते भए पौलुस नै कैई कै, “हे मेरे भईयौ, मैंनै आज तक परमेसर के ताँई सच्‍चे मन सै जिन्‍दगी जीई है।”

चेलौ के काम 23:6

जब पौलुस कै जौ पतो लगो कै बड़ी सभा मै आधे फरीसी और आधे सदूकी लोग हैं, तबई बौ जोर सै बोलल लगो कै, “हे भईयौ, मैं फरीसी और फरीसिऔं के बंस को हौं। मेरे ऊपर इसताँई मुकदमा चल रओ है कै मैं जौ बिसवास करौ हौं कै आदमी मरनै के बाद फिर सै जिन्‍दो होवै है।”

चेलौ के काम 26:10

और मैंनै ऐरूसलेम मै ऐंसोई करो कै मुक्‍ख पुजारिऔं के धौंरे सै अधकार की चिट्‌ठी लेकै परमेसर के लोगौ कै जेल मै डारो, और जब उनकै जान सै मारै हो तौ मैं बी बा बात मै संग हो।

चेलौ के काम 26:11

और मैं यहूदी लोगौ के पिराथना घरौं मै जाकै बिसवासी लोगौ कै डरा धमकाकै ईसु के बिरोद मै बोलनै के ताँई उनकै मजबूत करै हो और मैं घुस्सा सै पागल होकै उनकै सतानै के ताँई दूसरे सैहरौं मै बी जावै हो।

चेलौ के काम 26:12

“जब मैं मुक्‍ख पुजारिऔं के धौंरे सै अधकार और हुकम ले कै दमिसक सैहर मै जा रओ हो,

चेलौ के काम 28:17

तीन दिनौ के बाद पौलुस नै यहूदी नेताऔं कै बुलाओ और बे इखट्‍टे भए तबई पौलुस नै उनसै कैई कै, “हे भईयौ, मैंनै अपने देस के लोगौ के या अपने बापदादौं के नियम के खिलाप कुछ ना करो तब्बी मैंकै ऐरूसलेम मै बन्‍दी बनाकै रोमी लोगौ कै सौंप दओ।

चेलौ के काम 28:21

यहूदी नेताऔं नै पौलुस सै कैई कै, “ना तौ तेरे बारे मै यहूदिया सै कोई चिट्‌ठी आई और ना किसी भईया नै बहाँ सै आकै हमकै खबर दई और नाई तेरे बारे मै कोई बुरी बात कैई।

चेलौ के काम 3:17

“हे भईयौ, अब मैं जानौ हौं कै जौ काम तुमनै मूरखता सै करो है, बैसेई तुमरे नेताऔं नै बी करो।

चेलौ के काम 4:5

दूसरे दिन ऐंसो भओ कै जब ऐरूसलेम मै उनके यहूदी नेता, बड़े बुजरग और सास्तरी लोग इखट्‍टे भए।

चेलौ के काम 5:21

जौ बात सुनकै बे सकारे पड़े मन्‍दर मै जाकै लोगौ कै उन बातौं कै सिकाल लगे। बड़ो पुजारी और बाके सातिऔं नै आकै यहूदी और ईसराइल के लोगौ कै इखट्‍टो करो, और जेल मै भेजे भए चेलौ कै लैनै के ताँई आदमी भेजे।

चेलौ के काम 9:14

और जहाँ बी जौ मुक्‍ख पुजारिऔं की ओर सै अधकार लेकै आओ है कै तेरे नाम मै बिसवास रखनै बारौ कै पकड़कै ले जाऐ।”

गलातिऔ 1:13

तुमनै जौ बात बी सुनी होगी कै जब मैं यहूदी रीती रिबाज के हिसाब सै जिन्‍दगी जीवै हो तौ मेरो चाल-चलन कैसो हो। मैंनै परमेसर के बिसवासिऔ की मंडली के लोगौ कै भौत सताओ और उनकै नास कन्‍नै की कोसिस करी।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

1 तीमुथियुस 4:14

तुमकै जो बरदान मिलो है बाको तुम इस्तमाल करौ कैसेकै जौ तुमकै भबिसबानी के दुआरा और अगुबौं के हात रखनै सै मिलो है।