चेलौ के काम 22:4 - बुक्सा

⁴ ईसु कै माननै बारे लोगौ कै मैंनै ऐंसो सताओ कै का आदमी और का बईयरैं दौनौ कै जेल मै डार दओ और कुछ कै मरवा दओ।

चेलौ के काम 22:4 Mawu Ofanana

चेलौ के काम 16:17

बौ पौलुस और हमरे पीछे-पीछे चिल्‍लाते भए जौ कैते आवै ही कै, “जे आदमी परम पिता परमेसर के सेवक हैं और जो हमकै मुक्‍ति पानै की रस्ता की कथा सुनावै हैं।”

चेलौ के काम 18:26

बौ बिना डरे यहूदी पिराथना घर मै बोलल लगो, और जब पिरसीला और अकुला बाकी बात सुन रए हे तबई उन्‍नै अपोलुस कै अगल ले जाकै परमेसर की रस्ता के बारे मै अच्‍छे सै बताओ।

चेलौ के काम 19:23

बा बखत मै इफिसुस मै परभु की रस्ता के बारे मै दंगा फसाद हो रओ हो।

चेलौ के काम 19:9

पर कुछ अपनी चलानै बारे लोगौ नै बाकी बात ना मानी, और सिगरे लोगौ कै सामने परभु की रस्ता कै गलत बता कै बुरो कैललगे, तबई पौलुस नै चेलौ कै उनसै अगल कर दओ और तुरनुस नाम की एक जघै मै रोज सिक्‍छा देवै हो।

चेलौ के काम 24:14

पर मैं तेरे सामने जा बात कै मान लेबौ हौं कै मैं अपने बापदादौं के परमेसर की आराधना ईसु की रस्ता के हिसाब सै करौ हौं जिसकै जे बेकार कैबै हैं, और जो कुछ मूसा के नियम मै और नबिऔ की किताबौ मै जो लिखो है, उनके ऊपर मैं बिसवास करौ हौं।

चेलौ के काम 7:58

बे आरोप लगानै बारे सितेफनुस कै खचेड़ते भए ऐरूसलेम सैहर सै बाहार लिआए, और पत्‍थर मारनै के ताँई उनौनै अपनी ऊपर की फतँईऔ कै लिकारकै साऊल नाम एक जमान बालक के पाँऐऔं मै रख दओ।

चेलौ के काम 9:21

सिगरे सुन्‍नै बारे लोग चौंक गए और कैललगे कै, “का जौ बौई आदमी ना है, जो ऐरूसलेम मै ईसु के नाम लैनै बारौ कै नास करै हो और हिंया बी जौ जाई ताँई आओ हो कै हमकै बांधकै मुक्‍ख पुजारिऔं के धौंरे ले जाऐ?”

1 कुरन्‍थियों 15:9

कैसेकै मैं भेजे भए चेलौ मै सबई सै छोटो हौं, पर भेजो भओ चेला बन्‍नै के लायक ना हौं, कैसेकै मैंनै परमेसर के बिसवासिऔ की मंडली के लोगौ कै सताओ हो।

गलातिऔ 1:13

तुमनै जौ बात बी सुनी होगी कै जब मैं यहूदी रीती रिबाज के हिसाब सै जिन्‍दगी जीवै हो तौ मेरो चाल-चलन कैसो हो। मैंनै परमेसर के बिसवासिऔ की मंडली के लोगौ कै भौत सताओ और उनकै नास कन्‍नै की कोसिस करी।

फिलिप्‍पीऔ 3:6

मेरे भीतर इत्‍तो जादा हौसला हो कै मैं बिसवासिऔ की मंडली के लोगौ कै सताबै हो, और धारमिकता के बारे मै सबई नियम, और रीती रिबाजौ कै ऐंसे मानै हो कै मेरे ऊपर कोई दोस ना लगा सकै हो।

2 पतरस 2:2

और भौस्से लोग उन बुरे सिकानै बारौ की बजै सै गलत रिस्ता बनांगे, इनई की बजै सै लोग सच्‍चाई की रस्ता कै बुरो कैंगे।