चेलौ के काम 21:3 - बुक्सा

³ जब हमकै कुपरूस टापू दिखाई दओ तौ हम बाकै बाँऐ हात की ओर छोड़कै सीरिया की ओर मुड़ गए कैसेकै सूर सैहर मै जिहाज को सामान उतारनो हो इसताँई हम बी बहाँ उतर गए।

चेलौ के काम 21:3 Mawu Ofanana

मत्‍ती 11:21

हाय, खुराजिन और बैतसैदा सैहर के लोगौ, जो चमत्कार के काम तुमरे बीच मै करे गए हैं, अगर बे सूर और सैदा सैहरौं के लोगौ के बीच मै करे जाते तौ, बे ना जानै कब के बोरी पैहरकै और छार लगाकै अपने पापौं सै मन फिरा लेते।

मत्‍ती 4:24

और सैरे सीरिया मै उसकी खबर फैल गई और लोग सब बेमारौं कै, जो तरै-तरै की बेमारिऔ और दुखौ मै जकड़े भए हे और जिनमै दुसट आत्‍मा हीं, और मिरगी बारौ और फालस के मारे भएऔं कै उसके धौंरे लाए और ईसु नै बे ठीक करे।

लूका 10:13

“ऐ खुराजिन तेकै धिक्‍कार! बैतसैदा तेकै बी धिक्‍कार! जो चमत्कार तुम्मै करै गए, अगर बे सूर और सैदा सैहर मै करै जाते, तौ ना जानै कब को मन फिरा लेते। और बे मन फिरानै के चिन्‍न के रूप मै टाट के सोक-लत्‍ता पैहरकै छार मै बैठ जाते।

लूका 2:2

जौ पैली जनगड़ना उस टैम की है जब किबरनस रोम के सीरिया राज को राजपाल हो।

चेलौ के काम 11:19

सितेफनुस के मरनै के बाद जो मुसीबत सुरू भंई हीं और जिसकी बजै सै जो बिसवासी लोग इतै-उतै बिखरे पड़े हे, बे फिरते फिरते फिनीकिया, कुपरूस और अन्‍ताकिया सैहरौं मै जा पौंचे हे, पर जे यहूदी लोगौ कै छोड़कै किसी दूसरे कै बचन ना सुनावै हैं।

चेलौ के काम 12:20

हेरोदेस सूर और सैदा के लोगौ सै भौत नाराज हो। इसताँई बे लोग इखट्‍टे होकै बाके धौंरे आए और राजा को सेवक जिसको नाम बलास्तुस हो बाकै मना कै हेरोदेस सै मेल कन्‍नै के ताँई बिनती करी। कैसेकै उन लोगौ कै खानै पीनै की चीजौ कै बाई देस सै लेजानो होवै हो।

चेलौ के काम 13:4

पबित्‍तर आत्‍मा नै बरनबास और साऊल कै सिलुकिया नाम की जघै मै भेजो और बे बहाँ सै पानी के जिहाज मै बैठकै कुपरूस नाम के टापू मै पौंचे।

चेलौ के काम 15:23

जो चिट्‌ठी उनके हातौ सै भेजी ही बामै जौ लिखो हो कै, अन्‍ताकिया, सीरिया और किलिकिया के गैर यहूदी भईयौ कै भेजे भए चेलौ और बिसवासिऔ की मंडली के मुखियौं की ओर सै नमस्कार।

चेलौ के काम 15:39

इस बात की बजै सै दौनौ मै फूट पड़ गई और बे अगल अगल हो गए। बरनबास नै अपने संग मरकुस कै लओ और पानी के जिहाज सै कुपरूस मै चलो गओ।

चेलौ के काम 15:41

बे सीरिया, किलिकिया के इलाकेऔ सै जाते भए बिसवासिऔ की मंडली के लोगौ कै मजबूत करतो चलो गओ।

चेलौ के काम 18:18

पौलुस भौत दिनौ तक कुरन्‍थ मै रैहओ। फिर बौ बिसवासी भईयौ सै बिदा ले कै किंखिरीया सैहर मै अपने बार इसताँई उतारे, कैसेकै बानै मन्‍नत माँगी ही। बौ इसके बाद पानी के जिहाज सै सीरिया कै चलो गओ और बाके संग पिरसीला और अकुला बी हे।

चेलौ के काम 21:16

केसरिया के कुछ चेला बी हमरे संग आए, और बे हमकै कुपरूस के एक आदमी मनासोन के धौंरे लाए जो एक पुरानो चेला हो और हम बाके संग रैहए।

चेलौ के काम 21:2

बहाँ हमकै फिनीके सैहर जानै बारो पानी को जिहाज मिलो और तबई हम बामै बैठ गए।

चेलौ के काम 21:7

जब हम सूर सैहर सै पानी को सफर पूरो करकै पतुलिमईस सैहर मै पौंचे, और बहाँ के बिसवासी लोगौ कै नमस्कार करकै उनके संग एक दिन रुके।

चेलौ के काम 27:4

फिर हम बहाँ सै चले पर हवा के उल्‍टी चलनै की बजै सै हम कुपरूस टापू की आड़ सै होते भए अग्गे बढ़ते गए।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”