चेलौ के काम 20:6 - बुक्सा

⁶ और हम बिना खट्‍टे चून को तौहार के बाद फिलिप्‍पी सै पानी के जिहाज मै पाँच दिन मै तरोआस सैहर मै उनके धौंरे पौंचे और उनके संग सात दिन तक रुके।

चेलौ के काम 20:6 Mawu Ofanana

चेलौ के काम 12:3

जब बानै जौ देखो कै ऐंसो कन्‍नै सै यहूदी लोग खुस होवै हैं, तौ तबई बानै पतरस कै बी पकड़ लओ। बे दिन बिना खट्‍टे चून की रोटी के तौहार के चल रए हे।

चेलौ के काम 16:10

बाके जौ दरसन देखनै के बाद हमनै तबई मकिदुनिया जिला जानै की सोची कै, परमेसर नै हमकै बहाँ अच्‍छी खबर सुनानै के ताँई बुलाओ है।

चेलौ के काम 16:12

और बहाँ सै हम फिलिप्‍पी मै पौंचे जो मकिदुनिया जिला को खास सैहर हो और जहाँ रोमी लोग रैहबै हैं बहाँ हम कुछ दिन रुके।

चेलौ के काम 16:8

तौ बे मूसिया जिला सै होते भए तरोआस सैहर मै पौंचे।

चेलौ के काम 20:16

कैसेकै पौलुस नै पिन्‍तेकुस तौहार के दिन ऐरूसलेम मै पौंचनै की सोची ही, इसताँई बानै ठानी कै इफिसुस की रस्ता सै जाऐ जिस्सै कै मैंकै एसिया इलाके मै रुकनो ना पड़ै।

चेलौ के काम 20:5

जे लोग अग्गे जाकै तरोआस सैहर मै हमरो पैंड़ो देखते रैहए।

चेलौ के काम 21:4

और बहाँ चेलौ सै मिले जिनके संग हम सात दिनौ तक संग रैहए। तबई उन्‍नै पबित्‍तर आत्‍मा की सायता सै पौलुस सै कैई कै, “तू ऐरूसलेम मै ना जईए।”

चेलौ के काम 21:8

दूसरे दिन हम सफर करकै केसरिया मै पौंचे और बहाँ हम फिलिप्‍पुस के घर गए जो अच्‍छी खबर को परचार करै हो। बौ ऐरूसलेम की बिसवासिऔ की मंडली के उन सात सेवकौ मै सै एक हो जिसकै काम कन्‍नै के ताँई छाँटर खाओ हो।

चेलौ के काम 28:14

बहाँ कुछ बिसवासी भईया हमकै मिले और उन्‍नै हमकै अपने संग रुकनै के ताँई कैई और हम उनके संग सात दिन रुके और इस तरै सै हम रोम मै पौंचे।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,

1 थिसलुनीकियौ 2:2

और तुम जौ बात बी जानौ हौ कै तुमरे धौंरे आनै सै पैले फिलिप्‍पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्‍छी खबर कै सुनाओ है।

2 तीमुथियुस 4:13

और जब तुम आऔ तौ बौ कुरता, जो मैं तरोआस सैहर मै करपुस के घर छोड़कै आओ हो, बाकै और मेरी उन किताबौ कै जो चमड़ा मै लिखी भई हैं जरूर लईए।