चेलौ के काम 20:1 - बुक्सा

¹ जब दंगा फसाद थम गओ तबई पौलुस नै चेलौ कै बुलबाकै उनकी हिम्मत बढ़ाई और बिदा लेकै मकिदुनिया की ओर चल पड़ो।

चेलौ के काम 20:1 Mawu Ofanana

चेलौ के काम 11:26

जब बौ बासै मिलो तौ तबई बाकै बी अन्‍ताकिया मै लिआओ और बे एक साल तक बिसवासिऔ की मंडली के लोगौ सै मिलते रैहए और भौस्से लोगौ कै सिकाते रैहए और सबसै पैले चेलौ कै अन्‍ताकिया मै “मसी” कैओ गओ।

चेलौ के काम 16:12

और बहाँ सै हम फिलिप्‍पी मै पौंचे जो मकिदुनिया जिला को खास सैहर हो और जहाँ रोमी लोग रैहबै हैं बहाँ हम कुछ दिन रुके।

चेलौ के काम 16:9

रात मै जब पौलुस सो रओ हो तौ बानै सपने मै देखो कै एक मकिदुनिया जिला को आदमी जौ बिनती करकै कैरओ है कै, “तू मकिदुनिया जिला मै आ और हमरी सायता कर।”

चेलौ के काम 19:21

जौ सब होनै के बाद पौलुस नै अपने दिल मै मकिदुनिया और अखाया इलाके सै होते भए ऐरूसलेम जानै की ठान लई और कैई कै, “बहाँ जानै के बाद मेरो रोम मै जानो बी सई होगो।”

चेलौ के काम 20:10

तबई पौलुस उतरो और बाके धौंरे जाकै गले सै लगाकै कैई, “डरिओ मत जौ जिन्‍दो है।”

चेलौ के काम 20:2

बौ बहाँ के सिगरे देसौ के चेलौ की हिम्मत बढ़ाते भए यूनान देस मै आओ।

चेलौ के काम 20:3

बहाँ तीन महीना रैहनै के बाद बौ पानी के जिहाज सै सीरिया जानै के ताँई सोच रओ हो, तौ जबई बा बखत मै कुछ यहूदी लोगौ नै बाके बिरोद मै चाल चली, इसताँई बानै मकिदुनिया सै होते भए लौहट जानै की सोची।

चेलौ के काम 20:37

तबई बे सबई जनी खूबई रोए और बासै मिलकै बाकै बिदा करो।

रोमियो 15:19

सकतिसाली चिन्‍नौ, चमत्कारौं और पबित्‍तर आत्‍मा की सकति सै, मेरे दुआरा ऐरूसलेम सै लेकै इलुरिकुम तक मसी की अच्‍छी खबर को काम पूरो करो।

रोमियो 16:16

तुम लोग पियार सै नमस्ते के संग आपस मै गले मिलते भए एक दूसरे को सुआगत करौ। तुमकै सबई मसी बिसवासिऔ की मंडलिऔ की ओर सै नमस्कार।

1 कुरन्‍थियों 16:20

और सिगरे बिसवासी लोग तुम सबई कै नमस्कार कैबै हैं। सबई एक दूसरे सै पियार सै नमस्ते के संग आपस मै गले मिले करौ।

1 कुरन्‍थियों 16:5

मैं मकिदुनिया जिला होकै तुमरे धौंरे आंगो, कैसेकै मैंकै मकिदुनिया होते भए जानो बी है।

2 कुरन्‍थियों 13:12

एक दूसरे सै पियार सै नमस्ते के संग आपस मै गले मिले करौ। और परमेसर के सबई लोगौ की ओर सै जो हिंया हैं तुमकै नमस्कार कैबै हैं।

2 कुरन्‍थियों 7:5

जब हम मकिदुनिया मुलक मै आए हे, तब्बी हमकै आराम ना मिलो, हमकै हर तरै को दुख झेलनो पड़ रओ हो, और बाहार लड़ाई हीं, और दिल के भीतर डर हो।

1 थिसलुनीकियौ 5:26

सबई बिसवासी लोग पियार सै नमस्ते के संग आपस मै गले मिले करौ।

1 तीमुथियुस 1:3

जैसो मैंनै मकिदुनिया मुलक मै जाते दफै तुम लोगौ सै इफिसुस सैहर मै रैहनै की बिनती इसताँई करी कै जो लोग इफिसुस मै गलत सिक्‍छा दे रए हैं, उनकै समजाऔ कै बे ऐंसो ना करैं।