चेलौ के काम 2:45 - बुक्सा

⁴⁵ और बे अपनी अपनी जमीन जायदात कै बेचकै जैसी जिसकी जरूरत होवै ही बाँट देवै हे।

चेलौ के काम 2:45 Mawu Ofanana

मत्‍ती 19:21

ईसु नै उस्सै कैई, “अगर तू सिद्‍द होनो चाँहै है, तौ जा, अपनो सब कुछ बेचकै गरीबौ मै बाँट दे, और तेकै सुरग मै धन मिलैगो, और आकै मेरे पीछे हो ले।”

लूका 16:9

और मैं तुमसै कैरओ हौं, इस बुरी दुनिया के धन-दौलत सै अपने ताँई दूसरौं कै दोस्त बनाऔ, ताकि जब तुमरी धन-दौलत किसी काम की ना रैहगी तब तुमरो सुआगत सुरग मै होगो।

लूका 18:22

जौ सुन ईसु नै उस्सै कैई, “तैमै अबी बी एक बात की कमी है, अपनो सब कुछ बेचकै बौ पैसा गरीबौ मै बाँट दे; इस्सै तेकै सुरग मै धन मिलैगो।”

लूका 19:8

पर जक्‍कई खड़ो भओ और ईसु सै बोलो, “हे परभु ईसु, देख, मैं अपनी सैरी धन-दौलत को आधो हिस्सा गरीबौ कै दे दंगो और अगर मैंनै किसी को छल सै कुछ बी लओ है तौ उसकै चार गुना करकै लौहटा दंगो।”

चेलौ के काम 11:29

तबई चेलौ नै फैसला करो कै यहूदिया मुलक मै बिसवासी भईयौ की सायता के ताँई अपनी कमाई मै सै कुछ भेजैं।

चेलौ के काम 4:34

उनमै सै किसी कै बी कुछ की कमी ना ही कैसेकै जिस किसी के धौंरे खेत या घर होवै हे, तौ बे उनकै बेचकै जित्‍ती रकम मिलै ही बाकै भेजे भए चेलौ के पाँऐऔं मै रख देवै हे। और जिसकै जैसी जरूरत होवै ही बैसेई उनकै बाँट देवै हे।

2 कुरन्‍थियों 9:1

अब बा दान की सेवा के काम के बारे मै जो तुम ऐरूसलेम मै रैहनै बारे परमेसर के लोगौ की सायता कन्‍नै के ताँई करौ हौ, बाके बारे मै मैंकै फिर सै तुमरे ताँई लिखनो जरूरी ना है।

2 कुरन्‍थियों 9:9

जैसो पबित्‍तर सास्तर मै लिखो है, “जो गरीबौ कै खुले दिल से देवै है, बाकी सच्‍चाई हमेसा-हमेसा बनी रैहबै है।”

1 यहून्‍ना 3:17

अगर किसी आदमी के धौंरे दुनिया की दौलत है और बौ अपने भईया की जरूरत कै देक्‍कै बाके ऊपर तरस ना खावै है, तौ बामै परमेसर को पियार कैसे बनो रैह सकै है?