चेलौ के काम 2:43 - बुक्सा

⁴³ और सबई लोगौ मै डर छा गओ, कैसेकै भेजे भए चेलौ नै बड़े-बड़े चमत्कार के काम और चिन्‍न दिखाए हे।

चेलौ के काम 2:43 Mawu Ofanana

मरकुस 16:17

बिसवास कन्‍नै बारे जे चमत्कार दिखाय करंगे। बे मेरो नाम लेकै दुसट आत्‍माऔ कै लिकारंगे, और नई नई भासा बोलंगे,

लूका 7:16

इसके बाद बे सबई डर गए, और बे परमेसर की बड़ाई करकै कैललगे कै हमरे बीच मै एक बड़ो भबिसबानी कन्‍नै बारो उठो है, “और परमेसर के लोगौं की सायता कन्‍नै के ताँई आ गओ है”

लूका 8:37

तब गिरासेनिओ परदेस के आस पास के सब लोग डर गए, इसताँई ईसु सै बिनती करी, कै हमरे हिंया सै चलो जा, तब ईसु बापस जानै के ताँई किसती मै चढ़ गओ।

यहून्‍ना 14:12

“मैं तुमसै सच-सच कैबौ हौं, कै जो मेरे ऊपर बिसवास करै है, बे काम जो मैं करौ हौं, बौ बी करैगो और इनसै बी महान काम करैगो, कैसेकै मैं अब्बा के धौंरे जा रओ हौं।

चेलौ के काम 2:22

“हे ईसराइल के लोगौ इन बचनौ कै सुनौ, परमेसर नै ईसु नासरी के दुआरा तुम लोगौ के बीच मै ताजुब के काम करे और चिन्‍न, चमत्कार दिखाए जिस्सै कै जौ पतो लगै है कै ईसु कै परमेसर की ओर सै तुमरे धौंरे भेजो गओ है और तुम खुद बी जानौ हौ।

चेलौ के काम 4:33

बे भेजे भए चेला बड़ी हिम्मत सै परभु ईसु के फिर सै जी उठनै की गभाई देते रैहए और सबई के ऊपर परमेसर की किरपा बनी रैहबै ही।

चेलौ के काम 5:5

जौ बात सुनकै हननियाह गिर पड़ो और मर गओ। और जौ बात जिन लोगौ नै सुनी ही बे भौतई डर गए हे।

चेलौ के काम 9:34

पतरस नै बासै कैई कै, “हे अनियास, ईसु मसी तेकै सई कर देगो, तू खड़ो हो जा और अपनो सितरो सई कर।” तबई बौ तुरन्‍त खड़ो हो गओ।

चेलौ के काम 9:40

तबई पतरस नै सिगरे लोगौ कै बाहार लिकार दओ और घूंटेऔ के बल पिराथना करल लगो और लाहस की ओर देक्‍कै कैई कै, “हे तबीता, उठ खड़ी हो जा।” तबई बानै अपनी आँख खोलीं और पतरस कै देक्‍कै उठकै बैठ गई।