चेलौ के काम 18:8 - बुक्सा

⁸ तबई किसपुस नै जो यहूदी पिराथना घर को मुखिया हो, बानै अपने सिगरे टब्बर के संग परभु मै बिसवास करो। और उन भौस्से कुरिन्‍थुस के लोगौ नै जिनौनै पौलुस सै बचन सुनो हो, बिसवास करो और जल संस्कार लओ।

चेलौ के काम 18:8 Mawu Ofanana

मत्‍ती 28:19

इसताँई तुम जाकै सब जातिऔं के लोगौ कै चेला बनाऔ और उनकै अब्बा और पुत्‍तर और पबित्‍तर आत्‍मा के नाम सै जल संस्कार दो।

मरकुस 5:22

उस बखत यहूदी पिराथना घर को एक मुखिया जिसको नाम याईर हो बहाँ आओ, और बौ ईसु कै देखकै उसके चरनौ मै गिर पड़ो।

मरकुस 5:35

ईसु जौ कैई रओ हो कै, तबई यहूदी पिराथना घर के मुखिया याईर के घर सै कुछ लोग आए और बोले, “तेरी लौंड़िया मर गई है, अब तेकै गुरू कै कसट दैनै की जरूरतई का है?”

चेलौ के काम 10:2

बौ और बाके टब्बर के लोग परमेसर के भक्‍त हे, बौ यहूदी गरीब लोगौ कै दान देवै हो और हमेसा पिराथना करै हो।

चेलौ के काम 11:14

और बौ तुमकै ऐंसी बात सुनागो जिस्सै तू और तेरो सिगरो टब्बर मुक्‍ति पागो।”’

चेलौ के काम 13:15

मूसा के नियम और नबिऔ की किताब पढ़नै के बाद पिराथना घर के सिआने लोगौ नै उनसै जौ कैई कै, “हे भईयौ, तुमरे धौंरे कुछ सिकानै के ताँई कोई बचन है तौ तुम सुनाऔ।”

चेलौ के काम 16:34

और फिर बौ पौलुस और सीलास कै अपने घर लिआओ और उनकै रोटी खवाई और सिगरे टब्बर नै परमेसर मै बिसवास कन्‍नै की खुसी मनाई।

चेलौ के काम 18:1

इसके बाद पौलुस एथेन्स सैहर कै छोड़कै कुरिन्‍थुस सैहर मै आओ।

चेलौ के काम 18:17

तबई सिगरे लोग पिराथना घर के मुखिया सोस्‍थिनेस कै पकड़कै कचैरी के सामने पीटल लगे। पर राजपाल गललिओ नै जा बात की परवा ना करी।

चेलौ के काम 19:1

जब अपोलुस कुरिन्‍थुस मै हो तौ पौलुस दूसरे मुलक सै घूम कै इफिसुस मै आओ और बाकै बहाँ कुछ चेला मिले।

चेलौ के काम 8:12

पर जब उन्‍नै परमेसर के राज और ईसु मसी के बारे मै फिलिप्‍पुस सै अच्‍छी खबर सुनकै बाकी बातौं मैं बिसवास करो और का बईयरैं का आदमी सिगरे जनी जल संस्कार लेल लगे।

1 कुरन्‍थियों 1:2

परमेसर के उन बिसवासिऔ की मंडली के लोगौ के ताँई जो कुरन्‍थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्‍तर जिन्‍दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।

2 कुरन्‍थियों 1:1

परमेसर की मरजी सै मसी ईसु को भेजो भओ चेला मैं पौलुस और तीमुथियुस दौनौ की ओर सै परमेसर के उस बिसवासिऔ की मंडली के ताँई जो कुरन्‍थी मै हैं और अखाया के सिगरे इलाके के बिसवासी लोगौ कै जौ चिट्‌ठी लिख रओ हौं।

2 कुरन्‍थियों 1:23

परमेसर मेरो गभा है कै, मैं फिर सै कुरन्‍थी सैहर मै इसताँई ना आओ कै मैं तुमकै दुख ना पौंचा सकौं।

2 कुरन्‍थियों 6:11

कुरन्‍थी के लोगौ, हमनै पूरी ईमानदारी सै सबई कुछ कैह दओ है, और हमरो दिल तुमरे ताँई हमेसा खुलो रैहगो।

2 तीमुथियुस 4:20

इरातुस तौ कुरिन्‍थुस सैहर मै रुक गओ और तुरफिमुस बेमार हो इसताँई मैं बाकै मिलेतुस सैहर मैई छोड़ी आओ।