चेलौ के काम 17:1 - बुक्सा

¹ तबई बे अफिपुलिस और अपुलोनिया सैहर सै होते भए थिसलुनीके मै पौंचे और बहाँ यहूदी लोगौ को पिराथना घर हो।

चेलौ के काम 17:1 Mawu Ofanana

चेलौ के काम 14:1

इकुनिया मै पौलुस और बरनबास यहूदी लोगौ के पिराथना घर मै गए और उन्‍नै उनकै ऐंसे बचन सुनाए कै यहूदी और गैर यहूदी लोगौ मै सै भौस्से लोगौ नै बिसवास करो।

चेलौ के काम 15:21

कैसेकै पुराने जमाने मै मूसा के जौ नियम को परचार कन्‍नै बारे गाम-गाम मै और अपने आराम कन्‍नै बारे दिन मै पिराथना घरौं मै जाकै पढ़ै करै हे।”

चेलौ के काम 16:13

आराम कन्‍नै बारे दिन हम सैहर के गेट के बाहार नद्‍दी के किनार जौ सोचकै गए कै बहाँ पिराथना कन्‍नै की जघै होगी। इसताँई हम बहाँ बैठकै उन बईयरौं सै बात करल लगे जो इखट्‍टी भई हीं।

चेलौ के काम 17:10

तबई बहाँ के बिसवासी लोगौ नै रातौं रात पौलुस और सीलास कै बिरिया मै भेज दओ, और बे बहाँ पौंच कै यहूदिऔं के पिराथना घर मै गए।

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

चेलौ के काम 17:13

पर जब थिसलुनीके के यहूदी लोगौ कै जौ बात पतो लगो कै पौलुस बिरिया मै बी परमेसर के बचन को परचार कर रओ है तौ तबई बे बहाँ बी आकै लोगौ कै उकसाल लगे और भड़काल लगे।

चेलौ के काम 20:4

और बाके संग बिरिया सैहर के पिरुस को लौंड़ा सोपतुस, थिसलुनीके सैहर को अरितरखुस और सिकन्‍दर, और दिरबे को गयुस, और एसिया इलाके को तुखिकुस और तुरफिमुस, और तीमुथियुस बी हो।

चेलौ के काम 27:2

और हम अदरमुतियुम नाम की जघै सै एक पानी के जिहाज मै जाकै बैठे जो एसिया के छोटे छोटे मुलक सै होकै जानै के ताँई तईयार हो। अरितरखुस नाम को एक आदमी हो और बौ मकदूनी के थिसलुनीकिया सैहर को रैहनै बारो हमरे संग सफर कर रओ हो।

फिलिप्‍पीऔ 4:16

जब मैं थिसलुनीके मै हो, तौ तुम लोगौ नै मेरी जरूरतौं कै पूरो कन्‍नै के ताँई एक दफै ना, बलकन एक दफै सै जादा बार दान भेजो हो।

1 थिसलुनीकियौ 1:1

जौ चिट्‌ठी पौलुस, सिलवानुस, और तीमुथियुस की ओर सै थिसलुनीकी के बिसवासिऔ की मंडली के नाम मै है जो परम पिता परमेसर और परभु ईसु मसी मै बिसवास करै है। तुमकै किरपा और सान्‍ति मिलती रैह।

1 थिसलुनीकियौ 2:2

और तुम जौ बात बी जानौ हौ कै तुमरे धौंरे आनै सै पैले फिलिप्‍पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्‍छी खबर कै सुनाओ है।

2 थिसलुनीकियौ 1:1

जौ चिट्‌ठी पौलुस, सिलवानुस, और तीमुथियुस की ओर सै थिसलुनीकी के बिसवासिऔ की मंडली के नाम जो हमरे अब्बा परमेसर और परभु ईसु मसी मै हैं।

2 तीमुथियुस 4:10

कैसेकै देमास नै मैंकै छोड़कै जा दुनिया की बातौं सै पियार करो और थिसलुनीके देस मै चलो गओ। करेसकेन्स तौ गलातिया कै चलो गओ और तीतुस दलमतिया कै चलो गओ।