चेलौ के काम 16:16 - बुक्सा

¹⁶ जब हम पिराथना कन्‍नै की जघै मै जा रए हे तौ तबई हमकै एक दासी मिली जिसमै ऐंसी दुसट आत्‍मा ही जो आनै बारे बखत के बारे मै बताबै ही और अपने मालिक के ताँई भौस्से पैसौ की कमाई को जरिया बन गई ही।

चेलौ के काम 16:16 Mawu Ofanana

चेलौ के काम 16:13

आराम कन्‍नै बारे दिन हम सैहर के गेट के बाहार नद्‍दी के किनार जौ सोचकै गए कै बहाँ पिराथना कन्‍नै की जघै होगी। इसताँई हम बहाँ बैठकै उन बईयरौं सै बात करल लगे जो इखट्‍टी भई हीं।

चेलौ के काम 16:18

बौ भौत दिनौ तक ऐंसोई करती रैहई, तबई पौलुस परेसान हो गओ और पिच्‍छे मुड़कै बा दुसट आत्‍मा सै कैई, “मैं तेकै ईसु मसी के नाम सै हुकम देवौ हौं कै, जामै सै तुरन्‍त लिकर जा।” तबई दुसट आत्‍मा लिकर गई।

चेलौ के काम 16:19

जब बाके मालिकौं नै देखो कै, “हमरी कमाई की आस खतम हो गई है,” तौ तबई पौलुस और सीलास कै पकड़कै चौराए मै अधकारिऔं के धौंरे खैंच के ले गए।

चेलौ के काम 19:24

कैसेकै दमेतियुस नाम को एक सुनार हो और बौ अरतिमिस की देबी के छोटे छोटे मन्‍दर बनबाऐ करै हो, जिसके ताँई बौ कारीगरौं कै खूब काम देए करै हो।

गलातिऔ 5:20

मूरती पूजा, जादू-टोना, दुसमनी, लड़ाई, जरन, घुस्सा, मतलबी सोच, फूट, बिरोद,

1 तीमुथियुस 6:10

कैसेकै पैसा को लालच हर तरै की बुराई की जड़ है, और कुछ लोग सेट बन्‍नै के लालच मै आकै बिसवास सै भटक गए और बे भौत दुख झेलै हैं।

2 तीमुथियुस 3:8

जैसो यूनेस और यम्बरेस नै मूसा को बिरोद करो हो बैसेई जे गलत सिक्‍छा दैनै बारे बी सच्‍चाई को बिरोद करै हैं। ऐंसे लोगौ की बुद्‍धि भरस्ट हो गई है, और इनको बिसवास दिखावे को है।

2 पतरस 2:3

अपने फाएदा के ताँई झूँटे सिकानै बारे अपनी बनाई भई बातौं सै तुमसै पैसा कमांगे। उनकी सजा पैलेई सै ठैराई जा चुकी है और उनको नास होनैई बारो है।