चेलौ के काम 15:9 - बुक्सा

⁹ और परमेसर नै उनके बिसवास के दुआरा उनके मनौ कै सुद्‍द करो और हम्मै और उनके बीच मै कोई फरक ना रक्‍खो।

चेलौ के काम 15:9 Mawu Ofanana

चेलौ के काम 10:15

दूसरी दफै फिर अबाज सुनाई दई कै, “जिन चीजौ कै परमेसर नै खुद सुद्‍द कर दओ है बाकै तू असुद्‍द काए समजै है।”

चेलौ के काम 10:28

“तुम जौ बात जानौ हौ कै एक यहूदी आदमी कै दूसरे जाति के लोगौ के संग मिलजुलकै रैहनो या उनके धौंरे जानो नियम के खिलाप है, पर परमेसर नै मैंकै जौ दिखाओ है कै कोई बी आदमी अपबित्‍तर और अछूत ना है।

चेलौ के काम 10:34

तबई पतरस नै कैई कै, “अब मैं सच्‍ची मैई समज गओ हौं कै परमेसर किसी के संग बी भेदभाब ना करै है।

चेलौ के काम 11:12

पबित्‍तर आत्‍मा नै मैंकै कैई कै, डरिए मत तू इन लोगौ के संग चलो जा। और बे छै भईया बी मेरे संग गए और हम कुरनेलियुस के घर गए।

चेलौ के काम 14:1

इकुनिया मै पौलुस और बरनबास यहूदी लोगौ के पिराथना घर मै गए और उन्‍नै उनकै ऐंसे बचन सुनाए कै यहूदी और गैर यहूदी लोगौ मै सै भौस्से लोगौ नै बिसवास करो।

चेलौ के काम 14:27

बे जब बहाँ पौंचे तौ उन्‍नै बिसवासिऔ की मंडली के लोगौ कै इखट्‍टो करो, और परमेसर नै जो कुछ उनके संग करो, बे बात उन लोगौ कै बताँई और जौ बात बी बताई कै गैर यहूदी लोगौ के ताँई बी परमेसर नै बिसवास को मौहड़ो खोल दओ है।

रोमियो 3:22

ईसु मसी मै बिसवास कन्‍नै सै परमेसर सबई बिसवासी लोगौ कै धरमी बनाबै है। इसमै कोई फरक ना है।

रोमियो 3:9

तौ फिर का भओ? का हम यहूदी लोग गैर यहूदी लोगौ सै अच्‍छे हैं? बिलकुल ना, कैसेकै हमनै जौ दिखार खाओ है कै चाँहे हम यहूदी हौं या गैर यहूदी सबके सब पाप के बस मै हैं।

रोमियो 9:24

उस दया के हकदार हम हैं, जो बानै ना सिरप यहूदिऔं मै सै बलकन गैर यहूदिऔं मै सै बी बुलाए।

1 कुरन्‍थियों 1:2

परमेसर के उन बिसवासिऔ की मंडली के लोगौ के ताँई जो कुरन्‍थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्‍तर जिन्‍दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।

1 कुरन्‍थियों 7:18

अगर परमेसर के दुआरा किसी कै बुलाओ गओ है, और बाको खतना हो गओ है, तौ बौ जा बात कै लुकानै की कोसिस ना करै और अगर किसी कै परमेसर दुआरा बिना खतना बारे कै बुलाओ गओ है, तौ बौ अपनो खतना ना कराऐ।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

इफिसिऔ 3:6

बौ भेद की बात जौ है कै ईसु मसी मै अच्‍छी खबर के दुआरा यहूदी लोगौ के संग गैर यहूदी लोग बी बारिस बने और एकई सरीर के अंग बने और बादे मै बी बे सामिल हैं।

कुलुसिऔं 3:11

और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।