चेलौ के काम 15:8 - बुक्सा

⁸ मनौ कै जाँचनै बारे परमेसर नै बैसेई हमरे हाँई उनकै बी पबित्‍तर आत्‍मा देकै, उनकी गभाई दई।

चेलौ के काम 15:8 Mawu Ofanana

यहून्‍ना 21:17

ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।

यहून्‍ना 5:37

और अब्बा जिसनै मैं भेजो हौं, बाई नै मेरी गभाई दई है, तुमनै ना बाकी अबाज सुनी, और ना बाको रूप देखो।

चेलौ के काम 1:24

तब उनौनै जौ पिराथना करी कै, “हे परभु, तू तौ सबई के मनौ कै जानै है, हमकै बता कै इन दौनौ मै सै तैनै किसकै चुनो है,

चेलौ के काम 10:47

तबई पतरस नै कैई कै, “का हम्मै सै कोई इनकै पानी मै सै जल संस्कार लैनै सै रोक सकै है? कैसेकै इनकै बी हमरे हाँई पबित्‍तर आत्‍मा मिलो है।”

चेलौ के काम 14:3

पौलुस और बरनबास भौस्से दिन तक बहाँ रैहए और परभु के बारे मै बिना डरे लोगौ कै कैते रैहए। उनके हातौ सै परभु चिन्‍न और चमत्कार के कामौ कै करबाबै हो और अपने किरपा को सबूत देवै हो।

चेलौ के काम 15:28

पबित्‍तर आत्‍मा और हमकै जौ अच्‍छो लगै है कै तुमरे ऊपर इन जरूरी बातौं के अलाबा कोई दूसरी बात को बोज ना डारैं।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

चेलौ के काम 4:31

जब बे जौ पिराथना कर चुके हे, तौ बौ जघै जहाँ बे इखट्‍टे हे हल गई, और पबित्‍तर आत्‍मा सै भरकै, परमेसर को बचन हिम्मत के संग सुनाते रैहए।

इबरानिओ 2:4

परमेसर नै खुद चिन्‍नौ, चमत्कारौं और अचम्बे के कामौ के दुआरा अपनी इच्‍छा के अनुसार बाँटे भए पबित्‍तर आत्‍मा के आत्‍मिक दानौ के दुआरा गभाई दई।

इबरानिओ 4:13

परमेसर की नजरौ सै कुछ बी छिप ना सकै है। जो कुछ बानै बनार खाओ है बौ सिगरो बाके सामने उघड़ो भओ और खुलो है और हम सबई जनी कै बाकै अपनो अपनो हिसाब दैनो है।

परकासन 2:23

मैं बाके बालकौ कै महामारी सै मार डारंगो, तब सैरे बिसवासिऔ की मंडलिऔ कै पतो हो जागो, कै मनौ और दिलौ कै जाँचनै बारो मैंई हौं, और मैं तुम मै सै हर एक कै उसके कामौ के अनुसार फल दंगो।