चेलौ के काम 15:4 - बुक्सा

⁴ जब बे ऐरूसलेम मै पौंचे, तौ तबई बिसवासी लोग और भेजे भए चेलौ और बिसवासिऔ की मंडली के मुखियौं नै खुसी के संग उनको सुआगत करो और उनके दुआरा परमेसर नै जो कुछ करबाओ उन कामौ के बारे मै बताओ।

चेलौ के काम 15:4 Mawu Ofanana

मत्‍ती 10:40

“जो तुमरी इज्‍जत करै है, बौ मेरी इज्‍जत करै है, और जो मेरी इज्‍जत करै है, बौ बाकी इज्‍जत करै है, जिसनै मैं भेजो हौं।

चेलौ के काम 11:30

तब उन्‍नै बैसोई करो; और बौ दान बरनबास और साऊल के हात सै बिसवासिऔ की मंडली के मुखियौं के धौंरे भेजो।

चेलौ के काम 14:27

बे जब बहाँ पौंचे तौ उन्‍नै बिसवासिऔ की मंडली के लोगौ कै इखट्‍टो करो, और परमेसर नै जो कुछ उनके संग करो, बे बात उन लोगौ कै बताँई और जौ बात बी बताई कै गैर यहूदी लोगौ के ताँई बी परमेसर नै बिसवास को मौहड़ो खोल दओ है।

चेलौ के काम 15:12

बरनबास और पौलुस की बातौं कै सिगरे जनी चुपचाप सुन रए हे कै परमेसर नै उनके दुआरा गैर यहूदी लोगौ मै कैसे बड़े-बड़े चिन्‍न और ताजुब के काम करे हैं।

चेलौ के काम 15:2

इन बातौं कै लेकै पौलुस और बरनबास की उनके संग बैहैस बाजी हो गई और जा बात के निपटारे के ताँई पौलुस, बरनबास और कुछ लोगौ कै ऐरूसलेम मै भेजे भए चेलौ और बिसवासिऔ की मंडली के मुखियौं के धौंरे भेजो।

चेलौ के काम 15:22

तबई सिगरे बिसवासी लोग, और भेजे भए चेलौ और बिसवासिऔ की मंडली के मुखियौं नै जौ ठानो कै हम्मै सै कुछ लोगौ कै पौलुस और बरनबास के संग अन्‍ताकिया मै भेज दंगे। तबई उन्‍नै बरसब्बा जिसकै यहूदा बी कैबै हैं बाकै और सीलास कै छाँटो जो सिगरे भईयौ के मुखिया हे उनकै भेजो।

चेलौ के काम 15:3

जब बिसवासिऔ की मंडली के लोगौ नै उनकै बिदा करो तौ बे फिनीकिया और सामरिया सै होते भए गैर यहूदी लोगौ कै पापौं सै मन फिरानै की अच्‍छी खबर सुनाते भए गए। जा खबर कै सुनकै सिगरे बिसवासी लोग भौत खुस भए।

चेलौ के काम 15:6

तबई भेजे भए चेला और बिसवासिऔ की मंडली के मुखिया जा बात के ताँई इखट्‍टे भए।

चेलौ के काम 16:4

सिगरे सैहरौं मै जाते भए बे उन सिगरे नियमौ कै बी लोगौ कै सिकाते गए जो ऐरूसलेम मै भेजे भए चेलौ नै और बिसवासिऔ की मंडली के मुखियौं नै बनाए हे।

चेलौ के काम 18:27

जब अपोलुस नै अखाया जानै की सोची तौ तबई इफिसुस के बिसवासी भईयौ नै बाको सुआगत कन्‍नै के ताँई अखाया के बिसवासी लोगौ कै चिट्‌ठी लिखी। जब बौ बहाँ पौंचैगो तौ, जिन लोगौ नै परमेसर की किरपा सै बिसवास करो हो उनके ताँई बड़ी सायता कन्‍नै बारो है।

चेलौ के काम 21:17

ऐरूसलेम मै पौंचतेई हमकै बिसवासी लोग मिले और हमकै देक्‍कै भौत खुस भए।

चेलौ के काम 21:19

तब पौलुस नै उनकै नमस्कार कन्‍नै के बाद उन सिगरे कामौ के बारे मै बताओ जिसकै परमेसर नै बाकी सेवा के दुआरा गैर यहूदी लोगौ के बीच मै करबाए।

रोमियो 15:18

कैसेकै मैं बस उनई बातौं कै कैनै की हिम्मत रक्‍खौ हौं जिनकै मसी नै गैर यहूदिऔं कै परमेसर की आगियाँ माननै को रस्ता दिखानै को काम मेरे बचनौ, करमौ,

रोमियो 15:7

इसताँई एक दूसरे कै अपनाऔ जैसे मसी नै तुमकै परमेसर की महिमा के ताँई अपनाओ।

1 कुरन्‍थियों 15:10

पर मैं जो कुछ बी हौं, बौ परमेसर की किरपा सै हौं। बाकी किरपा जो मेरे ऊपर भई, बौ बेकार ना गई। पर मैंनै सबई सै जादा मैहनत करी, तौबी जौ मेरी ओर सै ना पर परमेसर की किरपा सै भओ, जो मेरे ऊपर ही।

2 कुरन्‍थियों 5:19

हमरी बात जौ है कै परमेसर नै लोगौ के पाप को लेखो-जोखो ना लओ पर मसी के दुआरा जा दुनिया के लोगौ को अपने संग मेल करबाओ, और जौ मेल-जोल को बचन हमकै देओ है।

2 कुरन्‍थियों 6:1

हम परमेसर के संग मिलकै काम कन्‍नै बारे साती हैं। इसताँई हम तुमसै बिनती करै हैं कै तुम परमेसर के किरपा कै बेकार ना जान दो।

कुलुसिऔं 4:10

अरितरखुस, जो मेरे संग जेल मै कैद है और मरकुस जो बरनबास को चचेरो भईया लगै है, बाकी ओर सै बी तुमकै नमस्कार; और मरकुस के बारे मै मैंनै तुमकै पैलेई जौ आगियाँ देर खाई ही कै जब बौ तुमरे धौंरे आगो तौ तुम बाको सुआगत करिओ।

2 यहून्‍ना 1:10

अगर कोई तुमरे धौंरे आय, और जौई सिक्‍छा ना देए, तौ बाकै ना तौ घर मै आन देईओ और ना बाकै नमस्ते करिओ।