चेलौ के काम 13:5 - बुक्सा

⁵ और सलमीस सैहर मै पौंच कै परमेसर को बचन बहाँ के यहूदी लोगौ के पिराथना घरौं मै सुनाओ और यहून्‍ना बी उनकी सायता कन्‍नै के ताँई संग हो।

चेलौ के काम 13:5 Mawu Ofanana

मत्‍ती 20:26

पर तुम्मै ऐंसो ना होनो चँईऐ, जो कोई तुम्मै बड़ो होनो चाँहै, बौ तुमरो नौकर बनै।

चेलौ के काम 12:12

जब बौ बा घटना की सच्‍चाई कै जान गओ तौ बौ यहून्‍ना जिसकै मरकुस बी कैबै हैं बाकी अईया मरियम के घर गओ। बहाँ भौस्से लोग इखट्‍टे होकै पिराथना कर रए हे।

चेलौ के काम 12:25

जब बरनबास और साऊल अपने सेवा को काम पूरो करकै ऐरूसलेम लौहट रए हे तौ उन्‍नै अपने संग यहून्‍ना कै बी ले लओ जिसकै मरकुस बी कैबै हैं।

चेलौ के काम 13:14

उतै बे पिरगा सैहर सै अग्गे बढ़ते भए पिसिदिया जिला के अन्‍ताकिया सैहर मै पौंचे, और बे आराम कन्‍नै बारे दिन यहूदी लोगौ के पिराथना घर मै बैठे।

चेलौ के काम 13:46

तबई पौलुस और बरनबास नै बेधड़क होकै कैई कै, “जौ जरूरी हो, कै सबसै पैले तुमरे बीच मै परमेसर को बचन सुनाओ जाऐ, पर तुमनै तौ बाकै मानो ना और खुद कै हमेसा की जिन्‍दगी के ताँई लायक ना समजो, इसताँई हम गैर यहूदी लोगौ की ओर गए।

चेलौ के काम 14:1

इकुनिया मै पौलुस और बरनबास यहूदी लोगौ के पिराथना घर मै गए और उन्‍नै उनकै ऐंसे बचन सुनाए कै यहूदी और गैर यहूदी लोगौ मै सै भौस्से लोगौ नै बिसवास करो।

चेलौ के काम 15:37

पर मरकुस जिसकै यहून्‍ना बी कैबै हैं बरनबास नै बाकै अपने संग लेजानै की सोची।

चेलौ के काम 17:17

इसताँई बौ रोज यहूदी लोगौ के पिराथना घर मै जाकै और यहूदी और गैर यहूदी लोगौ के संग बातचीत करल लगो और जो लोग बाकै घाट बजारौं मै मिलते उनके संग बैहैस करतो रैहतो।

चेलौ के काम 18:4

पौलुस आराम कन्‍नै बारे दिन यहूदी पिराथना घरौं मै जाकै और उनसै बैहसबाजी करकै यहूदी और यूनानी लोगौ कै समजाबै हो।

चेलौ के काम 19:22

और बानै अपनी सायता कन्‍नै बारौ मै सै तीमुथियुस और इरातुस कै मकिदुनिया मै भेजो और खुद एसिया मै कुछ दिन और रुको।

चेलौ के काम 19:29

तबई सिगरे सैहर मै भगदड़ मच गई और लोग मकिदुनिया के रैहनै बारे गयुस और अरितरखुस कै जो पौलुस के संग हे उनकै पकड़कै नौटंकी की जघै मै लाए।

चेलौ के काम 19:8

पौलुस तीन महीना तक दूसरे यहूदी पिराथना घर मै जातो रैहओ, और बिना डरे परमेसर के राज के बारे मै समजातो रैहओ।

चेलौ के काम 9:20

और तबई बौ तुरन्‍त यहूदी पिराथना घरौं मै जाकै ईसु को परचार करल लगो कै, “ईसुई परमेसर को लौंड़ा है।”

कुलुसिऔं 4:10

अरितरखुस, जो मेरे संग जेल मै कैद है और मरकुस जो बरनबास को चचेरो भईया लगै है, बाकी ओर सै बी तुमकै नमस्कार; और मरकुस के बारे मै मैंनै तुमकै पैलेई जौ आगियाँ देर खाई ही कै जब बौ तुमरे धौंरे आगो तौ तुम बाको सुआगत करिओ।

2 तीमुथियुस 4:11

मेरे धौंरे बस लूका है। जब तू मेरे धौंरे आगो तौ मरकुस कै बी अपने संग लईए, कैसेकै सेवा के काम मै बौ मेरी सायता करै है।