ईसु के मरनै के बाद परमेसर नै बाकै फिर सै जिन्दो करो और बौ बादो हमरी औलाद के ताँई पूरो करो, जैसो भजन किरतन की किताब मै लिखो है, “‘तू मेरो लौंड़ा है, और मैंनै आज सबकै दिखा दओ है कै मैं तेरो अब्बा हौं।’
कैसेकै परमेसर नै एक दिन ऐंसो ठैराओ है, जिसमै बौ बा आदमी के दुआरा दुनिया के लोगौ को सच्चाई सै नियाय करैगो जिसकै बानै ठैरार खाओ है, और बाकै मरे भएऔं मै सै फिर सै जिन्दो करकै जा बात को सबूत दे दओ है।”
इब्राहिम, इसहाक, याकूब के परमेसर और हमरे बापदादौं के परमेसर नै अपने सेवक ईसु की महिमा करी। पर तुमनै बाकै पकड़बाओ, और जब पीलातुस नै बाकै छोड़ दैनै की सोची, तौ तुमनै बाके सामने बाको इनकार करो।
पर तुम सबई और सिगरे ईसराइल के लोग जा बात कै जान लैं कै जौ काम नासरत के ईसु मसी के नाम सै भओ है जिसकै तुमनै कुरूस मै चढ़ाओ, और परमेसर नै बाकै मरे भएऔं मै सै जिन्दो करो और जौ आदमी बाई की बजै सै अच्छो खासो तुमरे सामने खड़ो है।
