चेलौ के काम 13:13 - बुक्सा

¹³ तबई पौलुस और बाके संग के साती पाफुस सैहर सै पानी के जिहाज सै पंफूलिया जिला के पिरगा सैहर मै पौंचे और यहून्‍ना उनकै छोड़कै ऐरूसलेम गओ।

चेलौ के काम 13:13 Mawu Ofanana

चेलौ के काम 12:12

जब बौ बा घटना की सच्‍चाई कै जान गओ तौ बौ यहून्‍ना जिसकै मरकुस बी कैबै हैं बाकी अईया मरियम के घर गओ। बहाँ भौस्से लोग इखट्‍टे होकै पिराथना कर रए हे।

चेलौ के काम 15:36

कुछ दिनौ के बाद पौलुस नै बरनबास सै कैई, “चल उन सैहरौं मै चलैं जिनमै हमनै परभु को बचन को परचार करो हो। बहाँ जाकै बिसवासी भईयौ कै देखलैं कै बे कैसे हैं।”

चेलौ के काम 15:38

पर पौलुस नै बाकै अपने संग लेजानो सई ना समजो कैसेकै बानै पैले बी उनको सात पंफूलिया मै छोड़ दओ हो और परभु के काम कै बी आधो छोड़कै चलो गओ हो।

चेलौ के काम 2:10

और फिरगिया, पंफूलिया, मिसर, और लीबिया देस जो कुरैन के धौंरे है। इन सबई देसौ के रैहनै बारौ और रोमी सै आए यातरी,

चेलौ के काम 27:13

जब दखनैर हवा चलल लगी और उन्‍नै सोची कै हम अग्गे बढ़ सकै हैं इसताँई तबई पानी के जिहाज कै रोकनै बारे लंगरौ कै उठा लओ और जिहाज कै करेत टापू की आड़ सै होते भए अग्गे लेजाल लगे।

चेलौ के काम 27:5

तबई हम समन्‍दर के किनार किनार किलिकिया और पंफूलिया के सैहरौं सै होते भए लुकिया इलाके के मूरा सैहर मै पौंचे।

कुलुसिऔं 4:10

अरितरखुस, जो मेरे संग जेल मै कैद है और मरकुस जो बरनबास को चचेरो भईया लगै है, बाकी ओर सै बी तुमकै नमस्कार; और मरकुस के बारे मै मैंनै तुमकै पैलेई जौ आगियाँ देर खाई ही कै जब बौ तुमरे धौंरे आगो तौ तुम बाको सुआगत करिओ।

2 तीमुथियुस 4:11

मेरे धौंरे बस लूका है। जब तू मेरे धौंरे आगो तौ मरकुस कै बी अपने संग लईए, कैसेकै सेवा के काम मै बौ मेरी सायता करै है।