चेलौ के काम 12:3 - बुक्सा

³ जब बानै जौ देखो कै ऐंसो कन्‍नै सै यहूदी लोग खुस होवै हैं, तौ तबई बानै पतरस कै बी पकड़ लओ। बे दिन बिना खट्‍टे चून की रोटी के तौहार के चल रए हे।

चेलौ के काम 12:3 Mawu Ofanana

मत्‍ती 26:17

बिना खट्‍टे चून के तौहार के पैले दिन, चेला ईसु के धौंरे आकै पूँछल लगे, “तू कहाँ चाँहै है कै हम तेरे ताँई फसै खानै की तईयारी करैं?”

यहून्‍ना 12:43

कैसेकै आदमिऔ के दुआरा देई गई इज्‍जत परमेसर के दुआरा देई गई इज्‍जत सै जादा पियारी लगै है।

यहून्‍ना 19:11

ईसु नै जबाब दओ, “अगर तेकै परमेसर की ओर सै ना देओ जातो तौ तेरो मेरे ऊपर कोई अधकार ना होतो, इसताँई जिस आदमी नै मैंकै तेरे हात मै दओ है, बाको पाप जादा है।”

यहून्‍ना 21:18

मैं तेसै सच-सच कैबौ हौं, जब तू जमान हो तौ अपनी कमर मै परना बांधकै जहाँ चाँहबै हो बहाँ फिरै हो, पर जब तू बुड्‍ढो होगो तौ तू अपने हात फैलागो और कोई दूसरो तेरी कमर बांधैगो और जहाँ तू ना चाँहैगो बहाँ तेकै ले जागो।”

चेलौ के काम 12:4

हेरोदेस नै पतरस कै बी पकड़कै जेल मै डार दओ और चार चार सिपाईऔं कै चौकीदारी कन्‍नै के ताँई चार टोली लगबा दंई। जिस्सै कै बौ फसै के तौहार के बाद बाके ऊपर मुकदमा चलाऐ।

चेलौ के काम 2:14

फिर उन गियारै भेजे भए चेलौ के संग पतरस खड़ो भओ और जोर सै कैललगो, “हे यहूदिऔं और ऐरूसलेम के सबई लोगौ, इसको मतलब मैंकै बतानदो, मेरी बातौं कै धियान सै सुनौ।

चेलौ के काम 20:6

और हम बिना खट्‍टे चून को तौहार के बाद फिलिप्‍पी सै पानी के जिहाज मै पाँच दिन मै तरोआस सैहर मै उनके धौंरे पौंचे और उनके संग सात दिन तक रुके।

चेलौ के काम 24:27

पर ऐंसोई चलतो रैहओ और दो साल बीत गए तबई फेलिक्‍स की जघै मै पुरकियुस फेस्तुस राजपाल आओ। फेलिक्‍स नै यहूदी लोगौ कै खुस कन्‍नै के ताँई पौलुस कै जेल मैई कैदी बने रैहन दओ।

चेलौ के काम 25:9

तबई फेस्तुस नै यहूदी लोगौ कै खुस कन्‍नै के ताँई पौलुस सै कैई कै, “का तू ऐरूसलेम जानै की सोचै है, जिस्सै कै जो तेरे ऊपर इलजाम लगे हैं उनको फैसला मैं बहाँ सुना सकौं?”

चेलौ के काम 4:13

जब उनौनै पतरस और यहून्‍ना की हिम्मत देखी और जौ पतो लगो कै जे अनपड़ और सीदे सादे लोग हैं, तौ उनकी आँख फटी की फटी रैह गंई, फिर उनकै पतो चलो कै जे ईसु मसी के संग रैहबै हे।

गलातिऔ 1:10

का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

1 थिसलुनीकियौ 2:4

पर परमेसर नै हमकै अच्‍छी खबर कै सौंपनै के ताँई लायक समजो है। इसताँई हम लोगौ कै खुस कन्‍नै के ताँई ना पर हमरे दिल कै परखनै बारे परमेसर कै खुस कन्‍नै के ताँई सुनावै हैं।