चेलौ के काम 11:30 - बुक्सा

³⁰ तब उन्‍नै बैसोई करो; और बौ दान बरनबास और साऊल के हात सै बिसवासिऔ की मंडली के मुखियौं के धौंरे भेजो।

चेलौ के काम 11:30 Mawu Ofanana

चेलौ के काम 14:23

पौलुस और बरनबास नै अगल अगल बिसवासिऔ की मंडली मै अगल अगल मुखियौं कै ठैराओ और बरत और पिराथना करकै उनौनै परभु के हात मै सौंप दओ जिसमै उन्‍नै बिसवास करो।

चेलौ के काम 12:25

जब बरनबास और साऊल अपने सेवा को काम पूरो करकै ऐरूसलेम लौहट रए हे तौ उन्‍नै अपने संग यहून्‍ना कै बी ले लओ जिसकै मरकुस बी कैबै हैं।

याकूब 5:14

अगर तुम्मै सै कोई बेमार है, तौ बौ बिसवासिऔ की मंडली के मुखियौं कै बुलाऐ और बे परभु के नाम सै पिराथना करैं और बाके ऊपर तेल लगाऐ।

तीतुस 1:5

मैं इसताँई तेकै करेत सैहर मै छोड़ आओ हो, कै तू बाकी बची भई बातौं कै सुदारै और मेरी आगियाँ के अनुसार हर सैहर मै बिसवासिऔ की मंडली के ताँई मुखियौं कै चुनकै खड़ो करै।

1 तीमुथियुस 5:17

बिसवासिऔ की मंडली मै जो अच्‍छी देखभाल कन्‍नै बारे अगुबे लोग हैं, उनकी दुगनी इज्‍जत करे करौ, खास करकै उनकै जिनको काम परचार कन्‍नै और सिकानै को है।

चेलौ के काम 20:17

पौलुस नै इफिसुस के बिसवासिऔ की मंडली के मुखियौं धौंरे जौ खबर भिजबाई कै बे मैंकै मिलेतुस मै मिलैं।

चेलौ के काम 16:4

सिगरे सैहरौं मै जाते भए बे उन सिगरे नियमौ कै बी लोगौ कै सिकाते गए जो ऐरूसलेम मै भेजे भए चेलौ नै और बिसवासिऔ की मंडली के मुखियौं नै बनाए हे।

चेलौ के काम 15:6

तबई भेजे भए चेला और बिसवासिऔ की मंडली के मुखिया जा बात के ताँई इखट्‍टे भए।

चेलौ के काम 15:4

जब बे ऐरूसलेम मै पौंचे, तौ तबई बिसवासी लोग और भेजे भए चेलौ और बिसवासिऔ की मंडली के मुखियौं नै खुसी के संग उनको सुआगत करो और उनके दुआरा परमेसर नै जो कुछ करबाओ उन कामौ के बारे मै बताओ।

1 पतरस 5:1

मैं बी एक बिसवासिऔ की मंडली को मुखिया हौं और मसी के दुखौ को गभा हौं; बाकी आनै बारी महिमा मै साजेदार हौं और तुमरे मुखियौं कै हिम्मत देते भए जौ बिनती करौ हौं कै।

2 यहून्‍ना 1:1

मैं बुजरग, बा बईयर कै जो परमेसर की चुनी भई है, और बाके बालकौ के नाम जिनकै मैं सच्‍चाई सै पियार करौ हौं, और मैंई ना बलकन बे सबई, जो सच कै जानै हैं बे सब पियार करै हैं।

1 तीमुथियुस 5:19

जो कोई अगुबौं के ऊपर दोस लगाबैं, तौ जब तक बौ दो या तीन गभा कै ले कै ना आय तब तक बाकी बात ना मानौ।

चेलौ के काम 21:18

और दूसरे दिन पौलुस हमरे संग याकूब सै मिलनै गओ और जहाँ सबई बिसवासिऔ की मंडली के मुखिया बैठै हे।

चेलौ के काम 15:23

जो चिट्‌ठी उनके हातौ सै भेजी ही बामै जौ लिखो हो कै, अन्‍ताकिया, सीरिया और किलिकिया के गैर यहूदी भईयौ कै भेजे भए चेलौ और बिसवासिऔ की मंडली के मुखियौं की ओर सै नमस्कार।

चेलौ के काम 15:2

इन बातौं कै लेकै पौलुस और बरनबास की उनके संग बैहैस बाजी हो गई और जा बात के निपटारे के ताँई पौलुस, बरनबास और कुछ लोगौ कै ऐरूसलेम मै भेजे भए चेलौ और बिसवासिऔ की मंडली के मुखियौं के धौंरे भेजो।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”

चेलौ के काम 12:1

बाई बखत मै राजा हेरोदेस नै बिसवासिऔ की मंडली के लोगौ कै परेसान कन्‍नो सुरू कर दओ।

1 तीमुथियुस 4:14

तुमकै जो बरदान मिलो है बाको तुम इस्तमाल करौ कैसेकै जौ तुमकै भबिसबानी के दुआरा और अगुबौं के हात रखनै सै मिलो है।

3 यहून्‍ना 1:1

मैं बुजरग, जौ चिट्‌ठी पियारे गयुस के नाम लिख रओ हौं, जिस्सै मैं सच्‍चो पियार करौ हौं।