चेलौ के काम 11:14 - बुक्सा

¹⁴ और बौ तुमकै ऐंसी बात सुनागो जिस्सै तू और तेरो सिगरो टब्बर मुक्‍ति पागो।”’

चेलौ के काम 11:14 Mawu Ofanana

मरकुस 16:16

जो बिसवास करै और जल संस्कार लै उनकै मुक्‍ति मिलैगी, पर जो बिसवास ना करै बौ दोसी ठैराओ जागो।

लूका 19:10

और याद रक्‍खौ कै ‘मैं’ आदमी को लौंड़ा, इनके जैसे खोए भएऔं कै ढूंड़नै और उनको छुटकारो कन्‍नै आऔं हौं।”

यहून्‍ना 12:50

और मैं जानौ हौं कै बाकी आगियाँ हमेसा की जिन्‍दगी है। इसताँई मैं जो कुछ बोलौ हौं ठीक बैसोई बोलौ हौं जैसो अब्बा नै मैंसै कैई है।”

यहून्‍ना 20:31

पर जे इसताँई लिखे गए हैं कै तुम बिसवास करौ, कै ईसुई परमेसर को लौंड़ा मसी है, और बिसवास करकै बाके नाम सै जिन्‍दगी पाऔ।

यहून्‍ना 4:53

तब अब्बा समज गओ कै जौ उसई टैम मै अच्‍छो भओ हो जब ईसु नै कैई ही, “तेरो लौंड़ा जिन्‍दो है,” और खुद बानै और बाके सैरे घर बारौ नै बिसवास करो।

यहून्‍ना 6:63

आत्‍माई है जो जिन्‍दगी देवै है, और सरीर सै कुछ फाएदा ना है। जो बचन मैंनै तुमसै कैए हे, बे आत्‍मा और जिन्‍दगी हैं।

यहून्‍ना 6:68

समौन पतरस नै बाकै जबाब दओ, “परभु, हम किसके धौंरे जाँय? हमेसा की जिन्‍दगी के बचन तौ तेरे धौंरे हैं।

चेलौ के काम 10:2

बौ और बाके टब्बर के लोग परमेसर के भक्‍त हे, बौ यहूदी गरीब लोगौ कै दान देवै हो और हमेसा पिराथना करै हो।

चेलौ के काम 10:22

तब उन्‍नै कैई कै, “हमकै बड़े सूबेदार कुरनेलियुस नै भेजो है। बौ परमेसर के भक्‍त और धरमी आदमी है। सिगरे यहूदिऔं मै बाकी बेसानी इज्‍जत है। बाकै पबित्‍तर सुरगदूत नै ऐंसो कैई कै तेकै अपने घर बुलाकै तेसै बचन सुनै।”

चेलौ के काम 10:43

परमेसर की ओर सै सिगरे नबिऔ नै बाके बारे मै जौ गभाई दई कै जो कोई बी बाके ऊपर बिसवास करैगो तौ ईसु के नाम सै बा आदमी के पाप माफ हो जांगे।”

चेलौ के काम 10:6

बौ चमड़ा को काम कन्‍नै बारे समौन नाम के आदमी के संग रैह रओ है जिसको घर समन्‍दर के किनार है।”

चेलौ के काम 11:13

“कुरनेलियुस नै हमकै कैई कै, ‘मैंनै एक सुरगदूत कै अपने घर मै खड़ो देखो, और बा सुरगदूत नै मैंसै कैई कै, “अपने आदमिऔ कै याफा सैहर मै भेजकै समौन जिसको नाम पतरस है बाकै हिंया बुलबा ले।

चेलौ के काम 16:15

बानै अपने पूरे टब्बर के संग जल संस्कार लओ और तबई बानै हम सै बिनती करकै कैई, “अगर तुम मैंकै परभु की भक्‍तन मानौ हौ, तौ मेरे घर चलौ और बहाँ रुकिओ।” तब हमकै बानै अपने घर मै लेजानै के ताँई राजी कर लओ।

चेलौ के काम 18:8

तबई किसपुस नै जो यहूदी पिराथना घर को मुखिया हो, बानै अपने सिगरे टब्बर के संग परभु मै बिसवास करो। और उन भौस्से कुरिन्‍थुस के लोगौ नै जिनौनै पौलुस सै बचन सुनो हो, बिसवास करो और जल संस्कार लओ।

चेलौ के काम 2:39

कैसेकै जौ बादो तुमरे और तुमरी औलादौं और उन सबई के ताँई है जो दूर-दूर हैं। मतलब बे सबई जिनकै परभु हमरो परमेसर अपने धौंरे बुलागो।”

1 कुरन्‍थियों 1:16

हाँ मैंनै सितेफनुस के टब्बर कै जल संस्कार देओ है। जहाँ तक मैंकै पतो है, मैंनै इनके अलाबा किसी और कै जल संस्कार ना दओ।