चेलौ के काम 11:12 - बुक्सा

¹² पबित्‍तर आत्‍मा नै मैंकै कैई कै, डरिए मत तू इन लोगौ के संग चलो जा। और बे छै भईया बी मेरे संग गए और हम कुरनेलियुस के घर गए।

चेलौ के काम 11:12 Mawu Ofanana

मत्‍ती 1:20

जब बौ इस बात कै सोचई रओ हो तौ परभु को सुरगदूत उसकै सपने मै दिखाई देकै कैललगो, “ओ! यूसप दाऊद की औलाद, मरियम कै अपनी बईयर बनाने सै मत डर कैसेकै जो बालक बाके गरब मै है, बौ पबित्‍तर आत्‍मा की ओर सै है।

यहून्‍ना 16:13

पर जब बौ यानी सच्‍चाई को आत्‍मा आगो तौ बौ तुमकै सब सच्‍चाई के रस्ता बतागो, कैसेकै बौ अपनी ओर सै कुछ ना कैगो, पर जो कुछ सुनैगो, बौई कैगो और आनै बारी बातौं कै तुमकै बतागो।

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 10:23

तबई पतरस उनकै भीतर ले गओ और उनकी सेवा करी। फिर दूसरे दिन बौ उनके संग चलो गओ और याफा के कुछ बिसवासी लोग बी बाके संग चल दए।

चेलौ के काम 10:45

पतरस के संग जो यहूदी बिसवासी आए हे बे अचम्बे मै पड़ गए, कै पबित्‍तर आत्‍मा को बरदान गैर यहूदी लोगौ कै बी मिलो है।

चेलौ के काम 11:13

“कुरनेलियुस नै हमकै कैई कै, ‘मैंनै एक सुरगदूत कै अपने घर मै खड़ो देखो, और बा सुरगदूत नै मैंसै कैई कै, “अपने आदमिऔ कै याफा सैहर मै भेजकै समौन जिसको नाम पतरस है बाकै हिंया बुलबा ले।

चेलौ के काम 13:2

जब बे बरत रैहकै परभु के भजन किरतन कर रए हे, तबई पबित्‍तर आत्‍मा नै उनसै कैई कै, “मेरे जा काम के ताँई बरनबास और साऊल कै अगल करौ जिसके ताँई मैंनै उनकै बुलार खाओ है।”

चेलौ के काम 13:4

पबित्‍तर आत्‍मा नै बरनबास और साऊल कै सिलुकिया नाम की जघै मै भेजो और बे बहाँ सै पानी के जिहाज मै बैठकै कुपरूस नाम के टापू मै पौंचे।

चेलौ के काम 15:7

सला कन्‍नै के बाद पतरस नै खड़े होकै कैई कै, “हे भईयौ, तुम जौ बात जानौ हौ कै कुछ दिनौ पैले परमेसर नै तुम्मै सै मैंकै छाँटो, कैसेकै मेरे मौह सै गैर यहूदी लोगौ नै परमेसर की अच्‍छी खबर सुनी और बिसवास करो।

चेलौ के काम 15:9

और परमेसर नै उनके बिसवास के दुआरा उनके मनौ कै सुद्‍द करो और हम्मै और उनके बीच मै कोई फरक ना रक्‍खो।

चेलौ के काम 28:15

जब रोम के बिसवासी भईयौ कै हमरे बारे मै पतो चलो तौ तबई बे अपियुस के चौराए मै तीन सराए नाम की जघै मै हम सै मिलनै के ताँई आए। पौलुस नै जब उनकै देखौ तौ परमेसर कै धन्‍नबाद दओ और भौत खुस भओ।

चेलौ के काम 8:29

तबई पबित्‍तर आत्‍मा नै फिलिप्‍पुस सै कैई कै, “रथ के धौंरे जा और बाके संग-संग चल।”

रोमियो 3:22

ईसु मसी मै बिसवास कन्‍नै सै परमेसर सबई बिसवासी लोगौ कै धरमी बनाबै है। इसमै कोई फरक ना है।

2 थिसलुनीकियौ 2:2

कै आत्‍मा या बचन या कोई चिट्‌ठी के दुआरा जो मानौ हमरी ओर सै हो और बामै लिखो होए कै परभु को दिन आ चुको है, तौ तुम अपने मन कै बेचैन ना होन देईओ और ना घबरइओ।

परकासन 22:17

आत्‍मा और दुलहैन दौनौ कैबै हैं, “आ!” और सुन्‍नै बारो बी कैए, कै “आ!” और जो पियासो होए, बौ आए और जो कोई चाँहै बौ जिन्‍दगी को जल मुफत मै पी ले।