चेलौ के काम 1:5 - बुक्सा

⁵ यहून्‍ना नै तौ पानी सै जल संस्कार देओ हो, पर कुछ दिनौ के बाद पबित्‍तर आत्‍मा सै जल संस्कार पाऔगे।”

चेलौ के काम 1:5 Mawu Ofanana

मत्‍ती 3:11

मैं तौ पानी सै तुमकै मन फिरानै को जल संस्कार देवौ हौं, पर जो मेरे बाद आनै बारो है, बौ मैंसै महान है, मैं तौ उसके जूता के फीता खोलनै के लायक बी ना हौं, बौ तुमकै पबित्‍तर आत्‍मा और आग सै जल संस्कार देगो।

मत्‍ती 3:6

और अपने अपने पापौं कै मानकै यरदन नद्‍दी मै बासै जल संस्कार लओ।

मरकुस 1:8

मैंनै तौ तुमकै पानी सै जल संस्कार दओ है पर बौ तुमकै पबित्‍तर आत्‍मा सै जल मै डुबकी देगो।”

लूका 3:16

तबई यहून्‍ना नै उन सबई कै जौ कैते भए जबाब दओ “मैं तौ तुमकै पानी सै जल संस्कार, देरओ हौं, पर जो मैंसै जादा सकतिसाली है बौ आ रओ है, और मैं तौ उसके जूता के फीता खोलनै कै लायक बी ना हौं, पर बौ तुमकै पबित्‍तर आत्‍मा और आग सै संस्कार देगो।

यहून्‍ना 1:26

यहून्‍ना नै उनकै जबाब दओ, “मैं तौ पानी सै जल संस्कार देवौ हौं, पर तुमरे बीच मै एक आदमी खड़ो है, जिसकै तुम ना जानौ हौ।

यहून्‍ना 1:31

और मैंनै बी बौ ना पैचानो हो, पर मैं इसताँई पानी सै जल संस्कार देतो भओ आओ हो जिस्सै ईसराइल के लोग उसकै जान लैं।”

यहून्‍ना 1:33

और मैं तौ बाकै ना पैचानै हो, पर जिसनै मैंकै पानी सै जल संस्कार दैनै भेजो, बाई नै मैंसै कैई, ‘जिसमै तू आत्‍मा कै उतरते और ठैरते देखै, पबित्‍तर आत्‍मा सै जल संस्कार दैनै बारो बौई है’।

चेलौ के काम 10:45

पतरस के संग जो यहूदी बिसवासी आए हे बे अचम्बे मै पड़ गए, कै पबित्‍तर आत्‍मा को बरदान गैर यहूदी लोगौ कै बी मिलो है।

चेलौ के काम 19:4

पौलुस नै कैई कै, “यहून्‍ना नै तौ गलत काम सै मन फिरानै को जल संस्कार दओ कै, ‘जो मेरे बाद आनै बारो है,’ यानी ईसु मै बिसवास करौ।”

1 कुरन्‍थियों 12:13

कैसेकै हम सबई चाँहे यहूदी हौं, या गैर यहूदी या गुलाम, या आजाद हौं, पर सबई नै एकई आत्‍मा सै एकई सरीर होनै के ताँई जल संस्कार लओ है। पियास बुझानै के ताँई सबई कै एकई आत्‍मा दई गई है।

तीतुस 3:5

तौ बानै हमकै मुक्‍ति दई, और जौ हमरे धरम के कामौ के कारन ना, पर अपनी दया के अनुसार उसनै हमरी रक्छा उस इसनान के दुआरा करी जिसमै हम फिर पैदा होवै हैं और पबित्‍तर आत्‍मा के दुआरा नए बनाए जावै हैं।