चेलौ के काम 1:17 - बुक्सा

¹⁷ कैसेकै बौ हमरे संगई गिनो गओ और बा सेवा मै बी बौ हमरे संगई हो।”

चेलौ के काम 1:17 Mawu Ofanana

मत्‍ती 10:4

समौन कनानी, और यहूदा इसकरोती, जिसनै ईसु पकड़बा बी दओ।

मरकुस 3:19

और यहूदा इसकरोती, जिसनै ईसु धोके सै पकड़बाओ हो।

लूका 22:47

जब ईसु बात करई रओ हो तौ देखौ, एक भीड़ आ पौंची और बारैह चेलौ मै सै एक जो यहूदा कैलाबै हो, भीड़ के अग्गे-अग्गे चलो आ रओ हो, बौ ईसु कै चूमनै के ताँई उसके धौंरे आओ।

लूका 6:16

और याकूब को लौंड़ा यहूदा और यहूदा इसकरोती, जौ ईसु कै पकड़बानै बारो बनो।

यहून्‍ना 17:12

जब मैं उनके संग हो, तौ मैंनै तेरे बा नाम सै जो तैनै मैंकै दओ उनकै बचाकै रक्‍खो और रक्छा करी है, बामै सै कोई नास ना होओ, सिरप बाई को जिसको नास होनो पक्‍को हो। इसताँई कै पबित्‍तर सास्तर की बात पूरी हो।

चेलौ के काम 1:25

कै बौ जा सेवा के काम कै और भेजे भए चेला की जघै कै पूरी करै, जिस्सै आजाद होकै यहूदा सजा काटनै के ताँई चलो गओ जो बाके ताँई चुनी गई ही।”

चेलौ के काम 12:25

जब बरनबास और साऊल अपने सेवा को काम पूरो करकै ऐरूसलेम लौहट रए हे तौ उन्‍नै अपने संग यहून्‍ना कै बी ले लओ जिसकै मरकुस बी कैबै हैं।

चेलौ के काम 20:24

पर मेरे नजरौ मै मेरी जान की कोई कीमत ना है, कैसेकै मैं अपनी दौड़ पूरी कन्‍नै की सोचौ हौं और परमेसर के किरपा की अच्‍छी खबर कै सुनानै के काम कै पूरो कन्‍नो चाँहौ हौं जिसके ताँई मैंकै परभु नै चुनो है।

चेलौ के काम 21:19

तब पौलुस नै उनकै नमस्कार कन्‍नै के बाद उन सिगरे कामौ के बारे मै बताओ जिसकै परमेसर नै बाकी सेवा के दुआरा गैर यहूदी लोगौ के बीच मै करबाए।

2 कुरन्‍थियों 4:1

कैसेकै परमेसर की दया सै जौ सेवा हमकै मिली है, जिसके ताँई हम हिम्मत ना हारै हैं।

2 कुरन्‍थियों 5:18

जे सिगरी बात परमेसर की ओर सै हैं, जिसनै मसी के दुआरा अपने संग मेल करबाओ, और हमकै दूसरे लोगौ के संग परमेसर सै मेल कन्‍नै के ताँई सेवा दई है।