चेलौ के काम 1:14 - बुक्सा

¹⁴ इनौके संग कुछ बईयरैं और ईसु की अईया मरियम और ईसु के भईया बी हे। जे सबई एक मन होकै पिराथना करे करै हे।

चेलौ के काम 1:14 Mawu Ofanana

मत्‍ती 12:46

जब ईसु लोगौ कै उपदेस देरओ हो, तौ देखौ, बाकी अईया और भईया बाहार खड़े हे, और बासै बात कन्‍नो चाँहै हे।

मत्‍ती 21:22

और जो कुछ तुम पिराथना मै बिसवास सै माँगौगे बौ सबई कुछ तुमकै मिलैगो।”

मत्‍ती 27:55

बहाँ भौत सी बईयरैं जो गलील सै ईसु की सेवा करती भई उसके संग-संग आँई हीं, दूर सै देख रई हीं।

मरकुस 15:40

कई बईयरैं बी बहाँ दूर सै खड़ी देख रई हीं, उनमै मरियम मगदलनी, छोटे याकूब और योसेस की अईया मरियम और सलोमी हीं।

मरकुस 16:1

आराम कन्‍नै बारो दिन बीत जानै के बाद मरियम मगदलनी और याकूब की अईया मरियम और सलोमी नै खसबोई बारी चीज मोल लंई, जिस्सै जाकै ईसु के लाहस मै लगाऐ।

लूका 11:13

जब तुम बुरे होते भए बी, अपने बालकौ कै अच्‍छी चीज दैनो चाँहौ हौ, तौ तुमरो सुरग मै रैहनै बारो पिता अपने माँगनै बारौ कै सबसै अच्‍छो ईनाम पबित्‍तर आत्‍मा काए ना देगो?”

लूका 18:1

फिर ईसु नै उनकै जौ बतानै के ताँई कै बे लगातार पिराथना करते रैंह और हिम्मत ना हारैं, जौ दासतान सुनाई:

लूका 23:49

पर बे सबई जो बाकै जानै हे, उन बईयरौं समेत, जो गलील सै बाके पीछे-पीछे आ रई हीं, इन बातौं कै कुछ दूर सै खड़े होकै देख रए हे।

लूका 23:55

बे बईयरैं जो गलील सै ईसु के संग आई हीं, यूसप के पीछे हो लंई। उनौनै बौ कबर देखी, और देखो कै बाकी लाहस कबर मै कैसे रक्‍खी गई।

लूका 24:10

जिनौनै भेजे भए चेलौ सै जे बात कैंई, बे मरियम मगदलनी और योअन्‍ना और याकूब की अईया मरियम और उनके संग की और बी बईयरैं हीं।

लूका 24:33

फिर बे तुरन्‍त खड़े भए और बापस ऐरूसलेम सैहर कै चल दए। बहाँ उनकै गियारै चेला और उनके साती इखट्‍टे मिले।

लूका 24:53

और मन्‍दर मै परमेसर की बड़ाई करते भए बे अपनो बखत बिताल लगे।

लूका 8:20

लोगौ नै ईसु सै कैई, “कै तेरी अईया और तेरे भईया बाहार खड़े हैं और तेसै मिलनो चाँह रए हैं।”

चेलौ के काम 2:1

जब पिन्‍तेकुस तौहार को दिन आओ तौ सबई बिसवासी लोग एक जघै मै इखट्‍टे भए।

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

चेलौ के काम 2:46

बे हर रोज एक मन होकै मन्‍दर मै इखट्‍टे होवै हे और आपस मै घर घर जाकै मिलजुलकै खुसी के संग रोटी खावै हे,

चेलौ के काम 6:4

और हम पिराथना और परमेसर के बचन के परचार मै लगे रैहंगे।”

रोमियो 12:12

उमीद सै खुस रैहऔ, तुम मुसीबत मै हौसला रक्‍खौ और हमेसा पिराथना मै लगे रौह।

1 कुरन्‍थियों 14:13

इसताँई जो दूसरी भासा मै बोलै हैं, बे पिराथना करैं कै बे बाको मतलब बी बता सकैं।

इफिसिऔ 6:18

और तुम हमेसा आत्‍मा मै हर तरै सै पिराथना और बिनती करते रौह, और चौकस रैहते भए हर बखत पक्‍के रैहकै सबई पबित्‍तर लोगौ के ताँई पिराथना करते रौह।

कुलुसिऔं 4:2

तुम लोग पिराथना मै चौकस होकै लगे रौह, और परमेसर को धन्‍नबाद करते रौह।