चेलौ के काम 1:1 - बुक्सा

^1-2 हे थियोफुलुस, मैंनै अपनी पैली किताब मै उन सबई कामौ के बारे मै लिखो है, जिनकै ईसु नै सुरू सै लेकै जिस दिन पबित्‍तर आत्‍मा के दुआरा अपने चुने भए चेलौ कै हुकम देकै सुरग मै उठाओ ना गओ उस दिन तक करते और सिकाते रैहओ।

चेलौ के काम 1:1 Mawu Ofanana

मत्‍ती 11:5

कै अन्धे देख रए हैं, लंगड़े चल रए हैं, कोढ़ी सुद्‍द करे जा रए हैं, बैहरे सुन रए हैं, मुरदे जिन्‍दे करे जा रए हैं, और कंगालौ कै अच्‍छी खबर सुनाई जा रई है।

लूका 1:24

थोड़े दिनौ के बाद उसकी बईयर ऐलिसिबा गरबबती भई, और पाँच महीना तक अपने आपकै जौ कैह कै छिपाय रक्‍खो।

लूका 1:3

इसताँई मैंकै बी जौ ठीक मालूम पड़ो कै उन सब बातौं को सैरो हाल सुरू सै ठीक-ठीक जाँच करकै उनकै तेरे ताँई एक-एक करकै लिखौ।

लूका 14:22

नौकर नै फिर कैई, ‘हे मालिक, जैसे तैनै कैई ही, बैसेई करो गओ है; फिर बी जघै बची है।’

लूका 24:19

ईसु नै उनसै पूँछी, “कौन सी बात?” उनौनै बासै कैई, “नासरत के ईसु के बारे मै है, बौ एक ऐंसो सकतिसाली आदमी हो जिसनै जो करो और कैओ बौ परमेसर और सबई लोगौं के सामने दिखा दओ कै बौ एक नबी हो।

लूका 3:23

ईसु नै जब अपनो सेवा को काम सुरू करो तौ बौ लगभग तीस साल को हो। लोग उसकै यूसप को लौंड़ा मानै हे। यूसप ऐली को लौंड़ा हो,

चेलौ के काम 2:22

“हे ईसराइल के लोगौ इन बचनौ कै सुनौ, परमेसर नै ईसु नासरी के दुआरा तुम लोगौ के बीच मै ताजुब के काम करे और चिन्‍न, चमत्कार दिखाए जिस्सै कै जौ पतो लगै है कै ईसु कै परमेसर की ओर सै तुमरे धौंरे भेजो गओ है और तुम खुद बी जानौ हौ।