2 तीमुथियुस 3:12 - बुक्सा

¹² बे सिगरे लोग जो ईसु मसी मै सच्‍चाई के संग जिन्‍दगी जीनी चाँहै हैं, उनकै सताब सैहनोई पड़ैगो।

2 तीमुथियुस 3:12 Mawu Ofanana

मत्‍ती 16:24

तब ईसु नै अपने चेलौ सै कैई, “अगर कोई मेरे पीछे आनो चाँहै, तौ अपने आप को इनकार करै और रोज बाकै दुख झेलनो पड़ैगो चाँए मौत बी आ जाय। तबई बौ मेरे पीछे आ सकै है।

मत्‍ती 23:34

देखौ! मैं तुमरे धौंरे नबिऔ, बुद्‍धिमानौ और सास्तरिऔं कै भेजौ हौं, तुम उनमै सै कुछ कै मार डारौगे और कुरूस मै चढ़ाऔगे, कुछ कै अपने सभाघरौ मै कोड़ा लगाऔगे और एक सैहर सै दूसरे सैहर उनको पिच्‍छो करते फिरौगे।

मरकुस 10:30

और बे इस टैम सौ गुना जादा घरौं, भईयौ, बहनौ, और अईऔं और बाल-बच्‍चौं और खेतौ कै पांगे। पर उनके ऊपर मुसीबत बी आंगी और आनै बारे युग मै परमेसर उसकै हमेसा की जिन्‍दगी देगो।

यहून्‍ना 16:2

बे तुमकै पिराथना घर सै बाहार कर दंगे, पर बौ टैम आ रओ है कै जो कोई तुमकै मार डारैगो, बौ जौ समजैगो कै परमेसर की सेवा कर रओ हौं।

यहून्‍ना 16:33

मैंनै जे बात तुमसै इसताँई कैंई कै मेरे दुआरा तुमकै सान्‍ति मिलै। दुनिया मै तुमकै दुख मिलो है मगर हौसला रक्‍खौ, मैंनै दुनिया जीत लई है।”

यहून्‍ना 17:14

मैंनै उनकै तेरो बचन दओ है, और दुनिया नै उनसै नफरत करी है, कैसेकै जैसे मैं दुनिया को ना हौं, बैसे बे बी दुनिया के ना हैं।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

1 कुरन्‍थियों 15:19

अगर हम बस जाई जिन्‍दगी के ताँई मसी सै उमीद रक्‍खै हैं, तौ हमरी हालत सबई आदमिऔ सै बी जादा दुख बारी है।

2 कुरन्‍थियों 1:12

हमकै घमंड है, कै हम जौ बात कै साप मन सै बोल सकै हैं, हमनै जा दुनिया के संग और खास करकै जैसो परमेसर नै चाँहो बैसोई हमनै तुम लोगौ के संग ईमानदारी और सच्‍चाई के संग बरताब करो है। जे बात परमेसर की किरपा सै मिलै हैं ना कै दुनिया की मन की समज सै।

2 कुरन्‍थियों 4:9

हमकै सताओ जावै है, पर परमेसर हमकै ना छोड़ै है, हमकै गिराओ तौ जावै है पर हम नास ना होवै हैं।

1 तीमुथियुस 2:2

राजाऔं और सिगरे अधकारिऔं के ताँई पिराथना कन्‍नी जरूरी है कै हम चैन और सान्‍ति के संग जिन्‍दगी जीऐं और भक्‍ति और ईमानदारी के संग रैंह।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

1 तीमुथियुस 6:3

अगर कोई उनके हाँई सिक्‍छा देवै है और हमरे परभु ईसु मसी की सच्‍ची बातौं कै और हमरी धरम की सिक्‍छा कै ना मानै है,

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

तीतुस 2:12

और बाकी किरपा हमकै चितौनी देवै है, कै हम अधरम के कामौ और दुनिया की मोह-माया सै मन फेरकै इस युग मै संयमी और धरमी होकै भक्‍ति सै जिन्‍दगी बिताऐ,

1 पतरस 3:14

और अगर तुमकै धरम के काम करते भए दुख बी सैहनो पड़ै, तौ तुम धन्‍न हौ इसताँई नाई उनकी धमकिऔं सै घबराऔ और नाई डरौ।

2 पतरस 3:11

जब जे सबई चीज ऐंसेई नास होनै बारी हैं, तौ सोचौ तुमकै कैसो आदमी होनो चँईऐ और तुमरो चाल-चलन पबित्‍तर और तुमरी जिन्‍दगी परमेसर कै परसन्‍द आनै बारी हो।

परकासन 12:4

उसनै अपनी पूँछ सै आसमान के तारौं को एक तिहाई हिस्सा खैंच कै धरती मै फैंक दओ। बौ बईयर जो बालक कै जलम दैनै बारी ही, अजगर उसके सामने खड़ो हो गओ ताकि बौ जैसेई उस बालक कै जलम दे, बौ उसके बालक कै खा जाऐ।

परकासन 7:14

मैंनै उस्सै कैई, “हे परभु, तूई जानै है।” उसनै मैंसै कैई, “जे बे हैं, जो उस बड़ी मुसीबत मै सै लिकरकै आँए हैं, इनौनै अपने अपने लत्‍ता मैमना के खून मै धोकै सपेद करे हैं।