2 तीमुथियुस 2:7 - बुक्सा

⁷ जो बात मैं कैरओ हौं बामै धियान दो। परभु तुमकै इन सिगरी बातौं के ताँई अकल देगो।

2 तीमुथियुस 2:7 Mawu Ofanana

लूका 21:15

कैसेकै मैं तुमकै ऐंसो बोल और बुद्‍धि दंगो, कै तुमरे सब बिरोदी तुमरो सामनो ना कर सकंगे और तुमरी बात कै काट बी ना सकंगे।

लूका 24:45

फिर पबित्‍तर सास्तरौं कै समजनै के ताँई बानै उनको दिमाक खोल दओ।

लूका 9:44

“अब जो मैं तुमसै कैरओ हौं, उन बातौं मै धियान दो। आदमी को लौंड़ा, लोगौ के हातौ मै सौंप दओ जागो।”

यहून्‍ना 14:26

पर सायता कन्‍नै बारो यानी पबित्‍तर आत्‍मा जिसकै अब्बा मेरे नाम सै भेजैगो, बौ तुमकै सब बात सिकागो, और सब कुछ जो मैंनै तुमकै कैई, तुमकै याद करागो।

यहून्‍ना 16:13

पर जब बौ यानी सच्‍चाई को आत्‍मा आगो तौ बौ तुमकै सब सच्‍चाई के रस्ता बतागो, कैसेकै बौ अपनी ओर सै कुछ ना कैगो, पर जो कुछ सुनैगो, बौई कैगो और आनै बारी बातौं कै तुमकै बतागो।

चेलौ के काम 7:10

इसताँई परमेसर नै यूसप कै सिगरे दुखौ सै बचाओ और बुद्‍धि दई और मिसर के राजा की नजरौ मै बाके ताँई किरपा भरी और राजा नै बाकै अपने देस और राजमहल को अधकारी बना दओ।

1 कुरन्‍थियों 12:8

कैसेकै परमेसर के आत्‍मा के दुआरा किसी कै बुद्‍धि की बात दंई हैं, और किसी कै बाई आत्‍मा के दुआरा गियान की बात दंई हैं।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

कुलुसिऔं 1:9

और जिस दिन सै हमनै जौ बात सुनी है, तब सै रोज हम तुमरे ताँई पिराथना और बिनती करै हैं कै, परमेसर तुमकै आत्मा के दुआरा सिगरी समज और बुद्‍धि दे, जिस्सै कै तुम बाकी इच्‍छा कै पूरे तरीका सै जान सकौ।

1 तीमुथियुस 4:15

इन बातौं के बारे मै सोचिओ और धियान रखिओ जिस्सै कै सिगरे लोग तेरी जिन्‍दगी की तरक्‍की कै देख सकैं।

2 तीमुथियुस 2:6

मैहनत कन्‍नै बारे किसान कै फसल को हिस्सा सबई सै पैले मिलै है।

2 तीमुथियुस 2:8

ईसु मसी कै याद करते रौह, जो मरे भएऔं मै सै जिन्‍दो भओ, और बौ दाऊद के खानदान को है। जौई बौ अच्‍छी खबर है, जिसको मैं परचार करौ हौं।

इबरानिओ 12:3

इसताँई बाको धियान करौ जिसनै पापी लोगौ को इत्‍तो बिरोद सैह लओ जिस्सै कै तुमरो मन थक कै हार ना मानै।

इबरानिओ 13:7

जो तुमरे अगुबा हे, जिनौनै परमेसर को बचन तुमकै सुनाओ हो उनकै याद रक्‍खौ और धियान दो कै बे कैसे जीए और कैसे मरे और उनके बिसवास की नकल करौ।

इबरानिओ 3:1

इसताँई हे मेरे बिसवासी भईयौ और बहनौ, तुम बी सुरग की बुलाहट मै हिस्सेदार हौ, इसताँई तुमरो सिगरो धियान ईसु की ओर होए जो परमेसर को भेजो भओ आदमी और बड़ो पुजारी है जिसकै हम मानै हैं।

इबरानिओ 7:4

जरा तुम जा बात मै गौर करौ कै, मलकीसदेक कितनो बड़ो आदमी हो, जिसकै हमरे बुजरग इब्राहिम नै बी जीती भई सबसै अच्‍छी चीजौ को दसमो हिस्सा दओ।

याकूब 1:5

अगर तुम्मै सै किसी मै समज की कमी होए, तौ परमेसर सै माँगै, कैसेकै बौ सबई कै बिना डाँटे दिल खोलकै देवै है।

याकूब 3:15

ऐंसो गियान सुरग सै ना मिलै है, पर जौ तौ दुनिया की ओर सै, सरीर के ओर सै और सैतान के ओर सै मिलै है।

याकूब 3:17

पर जो गियान परमेसर की ओर सै आवै है, बौ पैले तौ पबित्‍तर होवै है, फिर सान्‍ति बारो, नरम सौभाब बारो, खुली सोच बारो, दया और अच्‍छे करमौ सै भरो भओ, और भेदभाब ना कन्‍नै बारो और खरो आदमी।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।