ऐंसो कौन आदमी है जो अपनोई खरचा करकै सैना की सेवा करै? और ऐंसो कौन होगो जो अंगूर को बगीचा लगाकै बी बाको फल ना खाऐ? और ऐंसो कौन है जो अपनी भेड़ौ की देखरेख करै, पर बाको दूद ना पिऐ?
अगर हम दुख झेलै हैं, तौ बौ तुमरी सायता और मुक्ति के ताँई है, और अगर हमकै तसल्ली मिलै है। तौ जौ तुमरी तसल्ली के ताँई है, और बाईके असर की बजै सै तुम सबर के संग दुख कै सैह लेबौ हौ, जिसकै हम बी सैहबैं हैं।
जौ चिट्ठी पौलुस की ओर सै है जो परमेसर की मरजी सै परभु ईसु मसी को भेजो भओ चेला हो और जिसकै ईसु मसी मै जिन्दगी पानै बारे बादे के परचार कन्नै के ताँई भेजो हो।
इसताँई ना तौ तू हमरे परभु की गभाई दैनै सै और ना मैंसै जो बाको कैदी है, सरमईओ। पर बा सकति के दुआरा अच्छी खबर कै सुनानै के ताँई मेरे संग दुख उठाऔ जो परमेसर की ओर सै मिलै है।
बिसवास की बजै सैई मूसा मिसर देस छोड़कै चलो गओ और बानै राजा के घुस्सा की परवा ना करी बलकन बौ अग्गे बढ़तो गओ, मानौ जैसे कै बौ परमेसर कै देख रओ होए, जो अनदेखो है।
