2 तीमुथियुस 2:21 - बुक्सा

²¹ अगर कोई अपने आपकै गलत बातौं सै दूर रखैगो, तौ बौ इज्‍जत को बरतन बनैगो और पबित्‍तर ठैरैगो, और मालिक के काम मै आगो और हर अच्‍छे काम के ताँई तईयार रैहगो।

2 तीमुथियुस 2:21 Mawu Ofanana

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

1 कुरन्‍थियों 5:7

बासी खट्‍टो चून कै लिकार फैंकौ, जिस्सै कै तुम नए माड़े भए चून के हाँई सुद्‍द बन जाऔ, जैसे तुम हकिकत मै हौ, कैसेकै मसी फसै को मैमना है, जिसको बलिदान करो गओ है।

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

2 कुरन्‍थियों 9:8

परमेसर तुमकै अच्‍छे सै अच्‍छो बरदान देवै है, जिस्सै कै तुमरी सिगरी जरूरत पूरी हौं, और सिगरे अच्‍छे कामौ के ताँई तुमरे धौंरे जरूरत से बी जादा देओ गओ है।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

2 तीमुथियुस 2:16

पर दुनिया की और बेकार की बातचीत सै बचे रौह, कैसेकै जे बात लोगौ कै परमेसर सै दूर ले जावै हैं।

2 तीमुथियुस 2:20

सेट के घर मै बस सौने और चाँदी केई बरतन ना पर लकड़ी और मट्‍टी के बी होवै हैं। पर किसी कै इज्‍जत के ताँई और किसी कै बेजती के काम के ताँई काम मै लेबै हैं।

2 तीमुथियुस 3:17

जिस्सै परमेसर को सेवक सिगरे अच्‍छे काम कन्‍नै के ताँई पूरे तरै सै तईयार रैह।

2 तीमुथियुस 4:11

मेरे धौंरे बस लूका है। जब तू मेरे धौंरे आगो तौ मरकुस कै बी अपने संग लईए, कैसेकै सेवा के काम मै बौ मेरी सायता करै है।

तीतुस 3:1

लोगौ कै याद दिब्बातो रैह, कै बे राजाऔं और अधकारिऔं के आधीन रैंह, और उनकी आगियाँ मानै, और हर एक अच्‍छे काम के ताँई तईयार रैंह,

तीतुस 3:14

जिस्सै हमरे लोग बी जरूरतौं कै पूरी कन्‍नै के ताँई अच्‍छे कामौ मै लगे रैहनो सीकैं जिस्सै बे बेकार ना रैंह।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

1 पतरस 1:22

अब देखौ जब तुमनै सच्‍चाई की बातौं कै मानो है और अपनी आत्‍मा कै पबित्‍तर करो है तौ तुम सच्‍चे दिल सै एक दूसरे सै पियार रक्‍खौ, और आनै बारे बखत मै बी पूरे दिल सै पियार करौ।

1 पतरस 1:7

जौ इसताँई होवै है कै तुमरो परखो भओ बिसवास, जो आग सै ताए भए नास होनै बारे सौने सै बी जादा कीमती है, जब ईसु मसी परकट होगो तौ तुम लोगौ कै बड़ाई, इज्‍जत और महिमा मिलैगी।

1 यहून्‍ना 3:3

और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।