2 तीमुथियुस 2:18 - बुक्सा

¹⁸ ऐंसे लोग सच्‍चाई सै भटक गए हैं और बे जौ कैबै हैं कै, “मरे भए पैलेई जिन्‍दे हो चुके हैं।” इस तरै सै जे लोगौ कै बिसवास सै भटकावै हैं।

2 तीमुथियुस 2:18 Mawu Ofanana

मत्‍ती 15:13

बानै जबाब दओ, “हर बौ पेड़ जो मेरे सुरग के अब्बा नै ना लगाओ है, उखेड़ो जागो।

मत्‍ती 22:29

ईसु नै उनकै जबाब दओ, “तुम लोग ना तौ पबित्‍तर सास्तर जानौ हौ और नाई परमेसर की सकति कै, इसताँई भरम मै पड़े भए हौ।

लूका 8:13

पथरीली जमीन मै गिरे भए बीज बे लोग हैं, जो बचन सुनतेई बाकै खुसी सै मानै हैं, पर जड़ ना पकड़ै हैं, बे कुछई टैम तक बिसवास करैं हैं और मुसीबत के टैम मै बे बहक जावै हैं।

चेलौ के काम 5:39

पर जे परमेसर की ओर सै हैं तौ तुम उनकै खतम ना कर सकौ हौ, और कहीं ऐंसो ना होए कै तुम परमेसर के बिरोद मै लड़ाई करौ।”

1 कुरन्‍थियों 11:19

तुमरे बीच मै फूट पड़नी तौ हैई। जिस्सै कै जितने तुमरे बीच मै सच्‍चे हैं, बे लोग सामने आ जाँय।

1 कुरन्‍थियों 15:12

अब अगर मसी के बारे मै जौ अच्‍छी खबर सुनाई जावै है कै बौ मरे भएऔं मै सै जिन्‍दो करो गओ, तौ फिर तुम्मै सै कुछ लोग ऐंसो काए कैबै हैं कै मरनै के बाद फिर सै जिन्‍दो कोई ना हो सकै है?

कुलुसिऔं 3:1

अगर जब तुम लोगौ कै मसी के संग जिन्‍दो करो गओ है, तौ सुरग की चीजौ कै ढूंड़नै मै लगे रौह, जहाँ परमेसर के खाने हात की ओर मसी बैठो है।

1 तीमुथियुस 1:19

ईसु मसी के बिसवास मै अग्गे बढ़ और अपने भीतर के मन कै साप रख। कैसेकै कुछ लोग अपने भीतर के मन मै धियान ना देवै हैं, और अपने बिसवास कै खो कै नास कर देवै हैं।

1 तीमुथियुस 6:10

कैसेकै पैसा को लालच हर तरै की बुराई की जड़ है, और कुछ लोग सेट बन्‍नै के लालच मै आकै बिसवास सै भटक गए और बे भौत दुख झेलै हैं।

1 तीमुथियुस 6:21

कुछ लोग जा गियान कै माननै की बजै सै बिसवास की रस्ता सै भटक गए हैं। तुम सबई जनी के ऊपर परमेसर की किरपा बनी रैह।

2 तीमुथियुस 2:14

उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

तीतुस 1:11

इनको मौह बन्‍द कन्‍नो चँईऐ। जे लोग नीच कमाई के ताँई जो बात ना सिकानी चँईऐ उन बातौं कै बी सिकाकै घर के घर बिगाड़ देवै हैं।

इबरानिओ 3:10

इसई बजै सै मैं उन लोगौ सै घुस्सा भओ और मैंनै जौ कैई ही कै, ‘इनके मन हमेसा भटकते रैहबैं हैं, और इन लोगौ नै मेरी रस्ता कै ना पैचानो।’

याकूब 5:19

हे मेरे भईयौ, अगर तुम लोगौ मै सै कोई सच्‍चाई की रस्ता सै भटक जाय, और कोई दूसरो बाकै बापस लौहटार लाए।

1 यहून्‍ना 2:19

बे मसी बिरोदी हमरे बीच मैई सै लिकरकै गए हैं, कैसेकै बे हमरे अपने ना हे, अगर बे हमरे अपने होते, तौ बे हमरेई संग रैहते। पर बे चले गए, जिस्सै जौ साप-साप पतो लगै है, कै उनमै सै कोई बी हमरो अपनो ना हो।