2 तीमुथियुस 2:12 - बुक्सा

¹² अगर हम सबर बी रखै हैं और बाके संग दुख बी उठाबै हैं, तौ हम बाके संग राज बी करंगे। और अगर हम बाकै पैचान्‍नै सै मनैह करै हैं, तौ बौ बी हमकै पैचान्‍नै सै मनैह करैगो।

2 तीमुथियुस 2:12 Mawu Ofanana

मत्‍ती 10:33

पर जो कोई सब लोगौ के सामने मेरो इनकार करैगो बाको मैं बी अपने सुरग मै रैहनै बारे अब्बा के सामने इनकार करंगो।

मत्‍ती 26:35

तब पतरस नै बासै कैई, “अगर तेरे संग मरनो बी पड़ै, मैं तेरो कबी इनकार ना करंगो।” और सबई चेलौ नै बी जौई कैई।

मत्‍ती 26:75

तब पतरस कै ईसु की कैई भई बात याद आई कै, मुरगा के बाँक दैनै सै पैले तू तीन दफै मेरो इनकार करैगो। और बौ बाहार जाकै फूट-फूटकै रोल लगो।

मरकुस 10:33

“देखौ, हम ऐरूसलेम जा रए हैं, आदमी के लौंड़ा कै धोके सै पकड़बाकै, मुक्‍ख पुजारिऔं और सास्तरिऔं कै सौंप दओ जागो और बे उसकै मौत की सजा सुनाकै गैर यहूदिऔं के हवाले कर दंगे।

मरकुस 8:38

अगर कोई मैंकै और मेरी बातौं कै, बैबिचारी और पापी लोगौ के डर सै मेरो इनकार करैगो, तौ ‘मैं’ आदमी को लौंड़ा बी जब पबित्‍तर सुरगदूतौं के संग अपने अब्बा की महिमा मै आंगो, तब मैं बी उसको इनकार कर दंगो।”

लूका 12:9

पर जो आदमिऔ के सामने मेरो इनकार करैगो, आदमी को लौंड़ा बी उसको परमेसर के सुरगदूतौं के सामने इनकार करैगो।

लूका 22:29

इसताँई जैसे मेरे अब्बा नै मेरे हात मै राज कन्‍नै के ताँई एक राज दओ है, बैसेई मैं बी तुमकै एक राज देरओ हौं।

लूका 22:30

जिस्सै मेरे राज मै तुम मेरी मेज मै खाऔ और पिऔ और ईसराइल के बारैह गोतौं को फैसला कन्‍नै के ताँई सिंगासनौ मै बैठौ।

लूका 9:26

जो कोई मैंकै और मेरी बातौं कै लोगौ के बीच मै माननै सै सरमागो तौ ‘मैं’ आदमी को लौंड़ा बी, जब अपनी और अपने अब्बा की, और पबित्‍तर सुरगदूतौं की महिमा के संग आंगो, तौ मैं बी उसकै ना मानंगो।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

रोमियो 5:17

अगर एक आदमी की गलती के कारन, मौत नै उस एकई के दुआरा राज करो, तौ उस्सै बढ़कै बी जो लोग परमेसर के किरपा और धारमिकता के बरदान कै जादा सै जादा पावै हैं, उस एकई ईसु मसी के दुआरा जिन्‍दगी मै राज करंगे।

रोमियो 8:17

और अगर औलाद हैं, तौ बारिस बी हैं, और परमेसर के बारिस और मसी संग के बी बारिस हैं, अगर हम उसके संग दुख उठाबै हैं तौ हमकै उसके संग महिमा बी मिलै है।

फिलिप्‍पीऔ 1:28

और बिरोद कन्‍नै बारौं की किसी बी बात सै डरिओ मत, जौ तौ उनके ताँई नास को, पर तुमरे ताँई मुक्‍ति को चिन्‍न है, जो परमेसर की ओर सै है।

1 तीमुथियुस 5:8

पर कोई अपने रिस्तेदारौ की और खास करकै अपने टब्बर के आदमिऔ की फिकर ना करै है, बौ बिसवास मै पिच्‍छे हट गओ है, और बौ उनसै बी बुरो बन गओ है, जो बिसवास ना करैं हैं।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

परकासन 1:6

उसनै हमकै अपने पिता परमेसर के ताँई राज और पुजारिऔं को समू बनाओ, उसई की महिमा और पराकरम युगौं-युगौं तक रैह। ऐंसोई होए।

परकासन 1:9

मैं यहून्‍ना, जो तुमरो भईया और ईसु मै दुख सैहनै और राज और धीरज मै तुमरो संगी साती हौं, परमेसर के बचन और ईसु की गभाई के कारन पतमुस नाम के टापू मै हो।

परकासन 2:13

“मैं जौ जानौ हौं कै तू बहाँ रैहबै है जहाँ सैतान को राज है। तू मेरे नाम मै खड़ो रैहबै है, और मेरे ऊपर बिसवास कन्‍नै सै उन दिनौ मै बी पीछे ना हटो जब मेरो ईमानदार गभा अन्‍तिपास, तुमरे बीच उस जघै मै मारो गओ जहाँ सैतान को अड्‍डा है।

परकासन 20:4

फिर मैंनै सिंगासनौ कै देखो जिनमै कुछ लोग बैठे हे। उन लोगौ कै नियाय कन्‍नै को अधकार देओ गओ हो, और मैंनै उन लोगौ की आत्‍माऔ कै बी देखो, जिनकी खोपड़ी ईसु की गभाई दैनै और परमेसर के बचन के कारन काटी गंई हीं। और जिनौनै उस जनाबर या उसकी मूरती की कबी पूजा ना करी ही, और अपने हातौ या माथे मै उसको निसान ना लगाओ हो। बे फिर सै जिन्‍दे हो गए और उनौनै मसी के संग एक हजार बरस तक राज करो।

परकासन 20:6

बौ धन्‍न और पबित्‍तर है जो पैले जी उठनै मै सामिल हो रओ है। इन आदमिऔ मै दूसरी मौत को कोई अधकार ना मिलैगो। बलकन बे तौ परमेसर और मसी के अपने पुजारी हौंगे और उसके संग एक हजार बरस तक राज करंगे।

परकासन 3:10

तुम मेरे बचनौ मै पक्‍के बने रैहए हे, इसताँई मैं बी तुमकै इस मुसीबत की घड़ी मै बचाकै रखंगो, जो सिगरी दुनिया मै आनै बारी है और जो धरती मै रैहनै बारे हैं उनकै परखैगी।

परकासन 3:21

“जो जीत जागो उसकै मैं अपने संग अपने सिंगासन मै बैठांगो, जैसे मैं बी जीत पाकै अपने अब्बा के संग बाके सिंगासन मै बैठ गओ।

परकासन 3:8

“मैं तेरे कामौ कै जानौ हौं। देख, मैंनै तेरे ताँई एक मौहड़ो खोलर खाओ है, जिसकै कोई बन्‍द ना कर सकतो। मैं जानौ हौं कै तेरी सकति थोड़ी सी है, फिर बी तैनै मेरे बचन को पालन करो है और मेरे नाम को इनकार ना करो।

परकासन 5:10

और बे हमरे परमेसर के ताँई एक राज और पुजारी बनाए और बे धरती मै राज करैं हैं।”