2 थिसलुनीकियौ 3:6 - बुक्सा

⁶ ओ भईयौ और बहनौ, मैं तुमकै परभु ईसु मसी के नाम सै हुकम देवौ हौं कै जो बिसवासी लोग आलस करै हैं, और हमरी देई भई सिक्‍छा के हिसाब सै ना चलै हैं, उनसै दूर रौह।

2 थिसलुनीकियौ 3:6 Mawu Ofanana

मत्‍ती 18:17

अगर बौ उनकी बी ना मानै, तौ बिसवासिऔ की मंडली कै बता दे, पर अगर बौ बिसवासिऔ की मंडली की बी ना मानै, तौ तू उसकै पराए लोगौं और चुंगी लैनै बारो जैसो जान।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

1 कुरन्‍थियों 11:2

मैं तुमरी बड़ाई इसताँई बतकावौं हौं, कैसेकै तुम सिगरी बातौं मै मैंकै याद करौ हौ, और जिन मसी सिक्‍छाऔ कै मैंनै तुमकै सिकाओ हो उनके ऊपर तुम अच्‍छे सै चलौ हौ।

1 कुरन्‍थियों 5:4

जब तुम हमरे परभु ईसु मसी के नाम सै इखट्‍टे होबौ हौ और मैं बी आत्‍मा के संग तुमरे धौंरे हौं, तौ ऐंसे आदमी कै, परभु ईसु मसी की सकति सै,

1 कुरन्‍थियों 5:9

मैंनै अपनी चिट्‌ठी मै तुमकै लिखो हो कै, बैबिचार कन्‍नै बारौ सै मेल-जोल ना रक्‍खौ।

2 कुरन्‍थियों 2:10

अगर किसी बात मै किसी आदमी कै तुम माफ करौ हौ तौ मैं बी बाकै माफ करौ हौं, कैसेकै मैंनै बी जो कुछ माफ करो है, तौ बौ तुमरी बजै सै मसी की जघै मै होकै करो है,

इफिसिऔ 4:17

मैं तुम लोगौ सै परभु के नाम मै जौ चितौनी देरओ हौं कै तुम अब दुनिया के लोगौ के हाँई अपनो चाल-चलन ना रखिओ जो बेकार की बातौं की फिकर करै हैं।

कुलुसिऔं 3:17

तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

1 थिसलुनीकियौ 4:11

जैसी आगियाँ तुमकै देर खाई है, बैसेई सान्‍ति के संग जिन्‍दगी जिऔ और दूसरे के काम मै टांग ना अड़इयो पर अपने हातौ सै कमइयो,

1 थिसलुनीकियौ 5:14

ओ भईयौ और बहनौ, हम तुमसै बिनती करैं हैं कै जो लोग आबारा हैं उनकै चितौनी दो। डरनै बारौ की हिम्मत बढ़ाऔ और कमजोरौ की सायता करौ और सबई के संग सबर रक्‍खौ।

2 थिसलुनीकियौ 2:15

इसताँई ओ पियारे भईयौ और बहनौ, पक्‍के रौह और उन सिक्‍छाऔ कै थामे रौह जो तुमनै हम सै और चिट्‌ठी के दुआरा सिकीं।

2 थिसलुनीकियौ 3:7

कैसेकै तुम खुदई जानौ हौ कै तुमकै हमरे हाँई जिन्‍दगी कैसे जीनी है, कैसेकै तुमरे बीच मै रैहते भए हम आलसी ना हे।

1 तीमुथियुस 5:21

परमेसर, ईसु मसी और चुने भए सुरगदूतौं के सामने, मैं तुमकै जौ हुकम देवौ हौं कै तुम इन बातौं कै पूरे दिल सै मानौ और कोई बी काम कै भेदभाब सै ना करौ।

1 तीमुथियुस 6:5

और उन लोगौ के बीच मै बेकार की लड़ाई होवै हैं। उनकी बुद्‍धि बेकार हो गई है और सच्‍चाई सै दूर भाजै हैं। बे ऐंसो समजै हैं कै भक्‍ति कमाई को जरिया है।

2 तीमुथियुस 3:5

बे परमेसर की भक्‍ति को ढौंग करै हैं, और बाकी सकति कै ना मानै हैं जो उनकै धरमी बना सकै है। ऐंसे लोगौ सै दूर रैहईओ।

2 तीमुथियुस 4:1

परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

2 यहून्‍ना 1:10

अगर कोई तुमरे धौंरे आय, और जौई सिक्‍छा ना देए, तौ बाकै ना तौ घर मै आन देईओ और ना बाकै नमस्ते करिओ।