2 थिसलुनीकियौ 2:13 - बुक्सा

¹³ ओ भईयौ और बहनौ, और परभु के पियारे लोगौ हम हमेसा तुमरे बारे मै परमेसर कै धन्‍नबाद देवै हैं, कैसेकै परमेसर नै सुरू सैई तुमकै चुन लओ हो कै तुम परमेसर की आत्‍मा की सकति के दुआरा पबित्‍तर बनकै और सच्‍चाई मै बिसवास करकै मुक्‍ति पाऔ।

2 थिसलुनीकियौ 2:13 Mawu Ofanana

लूका 1:75

और अपने जिन्‍दगी भर रोज बाके सामने हम पबित्‍तर और धरमी रैह सकैं।

यहून्‍ना 1:1

सुरू मै बचन हो और बचन परमेसर के संग हो और बचनई परमेसर हो।

यहून्‍ना 14:6

ईसु नै बासै कैई, “रस्ता, सच्‍चाई और जिन्‍दगी मैंई हौं। बिना मेरे दुआरा कोई अब्बा के धौंरे ना जा सकै है।

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

चेलौ के काम 15:9

और परमेसर नै उनके बिसवास के दुआरा उनके मनौ कै सुद्‍द करो और हम्मै और उनके बीच मै कोई फरक ना रक्‍खो।

रोमियो 6:17

पर परमेसर को धन्‍नबाद हो, कै तुम जो पाप के दास हे, तौबी तुम मन सै उस सिक्‍छा मै चलल लगे, जो तुमकै देई गई हैं।

रोमियो 8:33

अगर परमेसर अपने चुने भए लोगौ कै धरमी ठैराबै है, तौ कौन है जो उनके ऊपर दोस लगागो?

रोमियो 9:11

तौ बालकौ के पैदा होनै सै पैले और उनको कुछ बी भलो बुरो कन्‍नै सै पैले परमेसर नै उनके करमौ के अनुसार ना छाँटो पर परमेसर नै अपनी मरजी सै एक बौ चुनो जिस्सै बाकी मरजी पूरी हो जाऐ।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

इफिसिऔ 2:8

कैसेकै परमेसर की किरपा के दुआरा बिसवास की बजै सैई तुमकै मुक्‍ति मिली है जौ तुमकै खुद की बजै सै ना मिलो है बलकन जौ तौ परमेसर को बरदान है।

कुलुसिऔं 1:5

कैसेकै जो आस तुमकै है, बौ सुरग मै तुमरे ताँई रक्‍खी पड़ी है। तुमनै जा आस के बारे मै तब सुनो जब सच्‍च की अच्‍छी खबर तुमरे धौंरे पौंची।

कुलुसिऔं 3:12

तुम परमेसर के छाँटे भए पबित्‍तर और पियारे लोग हौ। इसताँई दया, भलाई, दीनता, कोमलता और सबर कै पैहरलो।

1 थिसलुनीकियौ 1:4

ओ पियारे भईयौ और बहनौ, हम जानै हैं कै परमेसर तुमसै पियार करै है और बानै तुमकै चुन लओ है।

1 थिसलुनीकियौ 2:12

बैसेई हम तुम सबई कै बी उपदेस, और सान्‍ति देवै हैं, और समजाबै बी हैं कै तुमरो चाल-चलन परमेसर कै परसन्‍द आनै बारो होए, जो तुमकै अपने राज और महिमा मै बुलाबै है।

1 थिसलुनीकियौ 4:7

कैसेकै परमेसर नै हमकै असुद्‍द ना पर पबित्‍तर होनै के ताँई बुलाओ है।

1 थिसलुनीकियौ 5:9

कैसेकै परमेसर नै हमकै अपनी घुस्सा की सजा के ताँई ना पर इसताँई ठैराओ है कै हम अपने परभु ईसु मसी के दुआरा मुक्‍ति पांऐ।

2 थिसलुनीकियौ 1:3

ओ भईयौ और बहनौ, हमकै तुमरे ताँई परमेसर को हमेसा धन्‍नबाद दैनो चँईऐ और जौ सई बी है, कैसेकै तुमरो बिसवास बेसानी बढ़तो जावै है और आपसी पियार बी बढ़तो जावै है।

2 थिसलुनीकियौ 2:10

और सिगरे नास होनै बारौ कै पाप कन्‍नै के ताँई हर तरै को लालच देगो, कैसेकै उन्‍नै सच्‍चाई कै पियार ना करो, जिस्सै उनकै मुक्‍ति मिलती।

2 थिसलुनीकियौ 2:12

और उन सिगरे लोगौ कै सजा मिलैगी जिन्‍नै सच्‍चाई मै बिसवास ना करो पर बुराई के कामौ मै लगे रैहए।

2 थिसलुनीकियौ 2:16

हमरो परभु ईसु मसी खुदई और हमरो पिता परमेसर जिसनै हम सै पियार करो है और अपने किरपा सै हमेसा की हिम्मत और अच्‍छी आस दई है,

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

2 तीमुथियुस 2:15

खुद कै परमेसर की सेवा के लायक बनाऔ और ऐंसे काम कन्‍नै की कोसिस करौ जिसमै तुमरी इज्‍जत होए और सच्‍चे बचन कै सई तरीका सै काम मै लाऔ।

2 तीमुथियुस 3:15

और मैंकै पतो है कै तू बालक सैई पबित्‍तर सास्तर कै जानै है, बौ तेकै बा बुद्‍धि कै दे सकै है जिस्सै ईसु मसी मै बिसवास कन्‍नै के दुआरा मुक्‍ति मिलै है।

इबरानिओ 1:10

परमेसर जौ बी कैबै है कै, “हे परभु, सुरू मै जब दुनिया बनाई जा रई ही तौ तैनैई धरती की नीह धरी और आसमान मै जो कुछ है बौ सबई तेरी हात की कलाकारी है।

याकूब 1:18

परमेसर नै अपनी मरजी सै हमकै सच्‍चाई के बचन सै पैदा करो है, जिस्सै कै हम बाकी बनाई भई चीजौ मै सै पैलो फल बनै।

1 यहून्‍ना 4:10

पियार की पैचान जौ है कै हमनै पैले परमेसर कै ना, बलकन परमेसर नै हम सै पियार करो है और हमरे पापौं कै मिटानै के ताँई बानै अपनो लौंड़ा बलि होनै के ताँई भेजो।

1 यहून्‍ना 4:19

हम इसताँई पियार करै हैं कैसेकै पैले परमेसर नै हम सै पियार करो है।