2 पतरस 3:9 - बुक्सा

⁹ परभु अपने बादे कै पूरो कन्‍नै के ताँई देर ना करै है, जैसो कै कुछ लोग समजै हैं, पर बौ तुमरे ओर सबर रक्‍खै है कै कोई बी नास ना होए, पर सबई कै पापौं सै मन फिरानै को मौको मिलै।

2 पतरस 3:9 Mawu Ofanana

रोमियो 13:11

तुम लोग जानौ हौ कै नींद सै जगनै को टैम आ चुको है। जिस टैम हमनै बिसवास करो हो, उस टैम के हिसाब सै बी जादा अब हमरी मुक्‍ति धौंरे है।

रोमियो 13:12

रात लगभग बीतई चुकी है, दिन लिकर नैई बारो है, इसताँई हम उन कामौ कै छोड़ दैं जो इन्धेरे के हैं। आऔ हम उज्‍जेरे के औजारौं कै ले लैं।

रोमियो 2:4

का तू परमेसर की महान दया, सैनसीलता और धीरज कै नकारै है? तू ना समजै है कै परमेसर की दया तेकै गलत काम सै मन फिरानै की ओर ले जावै है।

रोमियो 9:22

तौ का भओ अगर परमेसर नै अपनी घुस्सा दिखानै और अपनी सकति परकट कन्‍नै के ताँई उन लोगौ की जो घुस्सा के हकदार हे और जिसको बिनास होनै बारो हो, बड़े सबर के संग उनकी बरदास करी।

1 तीमुथियुस 1:16

पर मुज जैसे सबई सै बड़े पापी के ऊपर ईसु मसी नै दया करकै अपनो सबर इसताँई दिखाओ कै, मैंकै एक उदाहरन के रूप मै उन लोगौ कै दिखाऐ जो आदमी मसी के ऊपर बिसवास करै है बौ हमेसा की जिन्‍दगी पांऐ।

1 तीमुथियुस 2:4

परमेसर ऐंसो चाँहै है कै सिगरे लोग बच जाँय और बे सच्‍चाई कै अच्‍छे सै जानै।

इबरानिओ 10:37

कैसेकै “थोड़ोई बखत रैह गओ है जो आनै बारो है बौ आगो और बौ अबेर ना करैगो।

1 पतरस 3:20

जिनौनै बा बखत मै परमेसर की बात ना मानी हीं, जब परमेसर सबर के संग पैंड़ो देख रओ हो और नूह को जिहाज बनाओ जा रओ हो, बा बड़े जिहाज मै थोड़े सेई मतलब आठ आदमी बचे हे।

2 पतरस 1:4

इसताँई उसनै हमकै बड़े और कीमती बादे दए हैं, ताकि तुम नास होनै सै बच सकौ जो जा दुनिया मै बुरी इच्‍छा सै आवै है, और तुम परमेसर के सौभाब के हिस्सेदार हो जाऔ।

2 पतरस 3:15

हमरे परभु के सबर सै तुमकै मुक्‍ति पानै के ताँई मौको मिलै है, जैसो हमरे पियारे भईया पौलुस नै बी बा गियान सै तुमकै लिखो है, जो बाकै परमेसर सै मिलो हो।

परकासन 2:21

मैंनै बाकै मन फिरानै के ताँई मौको दओ, पर बौ अपने रन्डीपने सै मन फिरानो ना चाँहै है।