2 पतरस 3:14 - बुक्सा

¹⁴ इसताँई पियारे दोस्तौ, जब तुम इन बातौं की आस रक्‍खौ हौ तौ ऐंसी कोसिस करे करौ कै तुम लोग परभु की नजरौ मै बिना कलंक के और बिना गलती के बाके संग मेल-जोल रखे करौ।

2 पतरस 3:14 Mawu Ofanana

मत्‍ती 24:26

“अगर बे तुम लोगौ सै कैंऐ, ‘देखौ, बौ बियाबान मै है’ तौ बहाँ मत जईओ और अगर बे कैंऐ, ‘देखौ, बौ उन कमरौ मै लुको भओ है,’ तौ उनको बिसवास मत करिओ।

मत्‍ती 25:7

तब बे सबई कुँआरी उठकै अपनी अपनी मसाल ठीक करल लगीं।

लूका 12:43

धन्‍न है बौ नौकर, जिसकै बाको मालिक आकै ऐंसोई करतो भओ देखै।

लूका 2:29

“परभु, अब तू अपने बादे के अनुसार अपने दास कै सान्‍ति के संग मरन दे।

1 कुरन्‍थियों 1:8

परमेसर अन्‍त तक तुम लोगौ कै बिसवास मै मजबूत बनाए रखैगो, जिस्सै हमरे परभु ईसु मसी के फिर सै आनै के दिन तुम निरदोस पाए जाऔ।

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

फिलिप्‍पीऔ 1:10

ताकि तुम अच्‍छी सै अच्‍छी बातौं कै परख सकौ जिस्सै कै मसी के आनै के दिन तक पबित्‍तर और सच्‍चे बने रौह।

फिलिप्‍पीऔ 2:15

ताकि तुम निरदोस और पबित्‍तर होकै टेड़े लोग और बुरे रस्ता मै लेजानै बारौं के बीच मै परमेसर की निरदोस औलाद बन जाऔ और आसमान के तारौं के हाँई चमकते रौहौ।

फिलिप्‍पीऔ 3:20

पर हमरो घर तौ सुरग मै है, और बहीं सै हम अपने मुक्‍ति दैनै बारे परभु ईसु मसी के आनै को पैंड़ो देख रऐ हैं।

1 थिसलुनीकियौ 3:13

हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्‍तर लोगौ के संग आय, तौ बा बखत मै बी तुम परमेसर के सामने पबित्‍तर और निरदोस ठैर सकौ।

1 थिसलुनीकियौ 5:23

सान्‍ति दैनै बारो परमेसर खुदई तुमकै पूरी तरै पबित्‍तर करै; और तुमरी आत्‍मा, पिरान और सरीर कै हमरे परभु ईसु मसी के आनै तक निरदोस रखैगो।

1 तीमुथियुस 6:14

तू हमरे परभु ईसु मसी के दुबारा आनै तक जौ हुकम बगैर कलंक और बगैर गलती के माने करौ।

इबरानिओ 9:28

बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।

याकूब 1:27

हमरे परम पिता परमेसर की नजरौ मै सुद्‍द और बिना दोस की भक्‍ति जौ है, कै मुसीबतौं मै पड़े अनाथौं और राँड़ौ की सायता करौ, और दुनिया के कलंक सै खुद कै बचाए रक्‍खौ।

1 पतरस 1:7

जौ इसताँई होवै है कै तुमरो परखो भओ बिसवास, जो आग सै ताए भए नास होनै बारे सौने सै बी जादा कीमती है, जब ईसु मसी परकट होगो तौ तुम लोगौ कै बड़ाई, इज्‍जत और महिमा मिलैगी।

2 पतरस 3:1

हे मेरे पियारे भईयौ, अब मैं जौ दूसरी चिट्‌ठी लिख रओ हौं। और इन दौनौ चिट्‌ठिऔ सै तुमकै याद दिब्बाते भए तुमरे सच्‍चे मन कै जगानो चाँहौ हौं।

2 पतरस 3:16

जैसो बानै अपनी सिगरी चिट्‌ठिऔ मै इन बातौं के बारे मै बताओ है, जिनमै सै कुछ बातौं कै समजनो मुसकल है; नासमज और एक बात के ऊपर ना टिके रैहनै बारे लोग उन बातौं कै बी और पबित्‍तर सास्तर के बचनौ कै बी तोड़ मड़ोड़ कै गलत मतलब लिकारकै खुदई अपने नास की बजै बनै हैं।

1 यहून्‍ना 3:3

और जो कोई बाके ऊपर ऐंसी आस रक्‍खै है, बौ खुद कै बैसेई पबित्‍तर रक्‍खै है, जैसो मसी पबित्‍तर है।