7 और भक्ति मै भाई चारे कै और भाई चारे मै पियार कै जोड़ते जाऔ।
तुम मसी भईयौ के जैसो एक दूसरे कै पूरे दिल सै पियार करौ, और एक दूसरे कै अपने सै अच्छो मानौ।
इसताँई जो बी हमकै मौको मिलै है, तौ हमकै सबई के संग भलाई कन्नी चँईऐ, खास करकै बिसवासी लोगौ के संग।
इन बातौं के अलाबा पियार के संग चलौ और पियार सबई कै आपस मै पूरी तरै सै जोड़े रक्खै है।
और परभु ऐंसो करै कै जैसो हम तुमसै पियार करै हैं, बैसोई तुम लोग बी आपस मै करौ, और तुमरो पियार सबई आदमिऔ के संग बढ़तो जाय।
और तुम जा बात को धियान रक्खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्नै की कोसिस करे करौ।
तुम्मै भईया और बहनो को पियार बनो रैह।
अब देखौ जब तुमनै सच्चाई की बातौं कै मानो है और अपनी आत्मा कै पबित्तर करो है तौ तुम सच्चे दिल सै एक दूसरे सै पियार रक्खौ, और आनै बारे बखत मै बी पूरे दिल सै पियार करौ।
सबई लोगौ की इज्जत करौ, बिसवासी लोगौ सै पियार रक्खौ और परमेसर सै डरौ, राजा की इज्जत करौ।
आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।
हम जानै हैं कै हम मौत सै लिकरकै जिन्दगी मै आ गए हैं, कैसेकै हम अपने भईयौ सै पियार करै हैं; जो पियार ना करै है, बौ मौत के बस मै है।
मसी नै हमरे ताँई अपनी जिन्दगी दे दई, इसई सै हम जान गए हैं कै पियार का है? हमकै बी अपने भईयौ के ताँई अपनी जान देनी चँईऐ।
इसताँई हमकै मसी सै जौ आगियाँ मिली है कै जो परमेसर सै पियार करै है बाकै अपने भईया कै बी पियार कन्नो चँईऐ।
