2 पतरस 1:19 - बुक्सा

¹⁹ नबिऔ को जौ बचन हमरे ताँई जा घटना सै और बी जादा पक्‍को भओ है; तुम जौ अच्‍छो करौ हौ कै जौ समजकै जामै धियान देवौ हौ कै बौ बचन एक दिया है जो इन्धेरे मै बा बखत तक चमकतो रैहबै है जब तक दिन को उज्‍जेरो ना होए और सकारे को तारो तुमरे दिल मै ना चमक उठै।

2 पतरस 1:19 Mawu Ofanana

मत्‍ती 4:16

जो लोग इन्‍धेरे मै जी रए हे, उनौनै एक बड़ो उज्‍जेरो देखो और जो मौत की छाँई के परदेस मै रैह रए हे, उनके ऊपर रौसनी चमकी।”

यहून्‍ना 5:35

बौ तौ पजरतो और चमकतो भओ दिया हो, और तुमकै कुछ देर ताँई बाकी जोती मै खुस होनो अच्‍छो लगो।

यहून्‍ना 5:39

तुम पबित्‍तर सास्तर मै ढूंड़ौ हौ, कैसेकै तुम सोचौ हौ कै बामै हमेसा की जिन्‍दगी मिलै है, पर जे सिगरे पबित्‍तर सास्तर मेरी गभाई देवै हैं।

यहून्‍ना 8:12

ईसु नै फिर आदमिऔ सै कैई, “दुनिया को उज्‍जेरो मैं हौं। जो मेरे पीछे हो लंगे, बे इन्धेरे मै ना चलंगे, पर जिन्‍दगी को उज्‍जेरो उनकै मिलैगो।”

चेलौ के काम 15:29

“तुम बैबिचार ना करिओ और ना मूरतिऔं मै चढ़ाए भए चढ़ाबे कै खइओ और ना साँस गोट कै मारे भए जनाबर के मांस कै और खून कै ना खइओ। अगर तुम खुद कै इन बातौं सै बचाकै रखौगे तबई तुमरो भलो होगो, अग्गे अच्‍छो होए।”

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

इबरानिओ 2:2

कैसेकै जो बचन सुरगदूतौं के दुआरा कैओ गओ हो बौ सच्‍चो साबित भओ। अगर हर एक अपराद और कैहनो ना माननै बारौ नै सई सजा पाई

याकूब 2:8

जैसो पबित्‍तर सास्तर मै लिखो है कै, “अपने पड़ोसी सै बैसेई पियार करौ, जैसो तुम अपने आप सै करौ हौ।” और अगर तुम परमेसर के राज की जा आगियाँ कै पूरी करौ हौ, तौ तुम अच्‍छो करौ हौ।

1 पतरस 1:10

जा मुक्‍ति के बारे मै उन नबिऔ नै भौत मैहनत के संग खोजबीन और जाँच पड़ताल करी, जिनौनै उस किरपा के बारे मै जो तुमरे ऊपर होनै बारी ही, बाकी भबिसबानी करी ही।

1 यहून्‍ना 5:10

जो परमेसर के लौंड़ा के ऊपर बिसवास करै है, बौ अपने भीतर बा गभाई कै रक्‍खै है। अगर कोई परमेसर मै बिसवास ना करै है, तौ बौ परमेसर कै झूँटो ठैराबै है। कैसेकै बानै बा गभाई को बिसवास ना करो, जो परमेसर नै अपने लौंड़ा के बारे मै दई ही।

3 यहून्‍ना 1:6

उन्‍नै बिसवासिऔ की मंडली मै तेरे पियार की गभाई दई है, अगर तू उनकै ऐंसे बिदा करै जैसो परमेसर के लोगौं के ताँई ठीक समजो जावै है, तौ अच्‍छो होतो।

परकासन 22:16

मैं ईसु हौं और मैंनै अपने सुरगदूत कै इसताँई भेजो, कै तुमरे धौंरे बिसवासिऔ की मंडलिऔ के ताँई इन बातौं की गभाई दे सकौं। मैं दाऊद की जड़ और उसको बंस हौं और सुबे को चमकनै बारो तारो हौं।