2 पतरस 1:12 - बुक्सा

¹² इसताँई तुम लोग इन बातौं कै जानौ हौ और बा सच्‍चाई मै पक्‍के बने भए हौ, फिर बी मैं तुमकै इन बातौं कै हमेसा याद दिब्बातो रैहंगो।

2 पतरस 1:12 Mawu Ofanana

चेलौ के काम 16:5

तबई सिगरे बिसवासिऔ की मंडली के लोग बिसवास मै पक्‍के होते गए और संखिया मै बढ़ते गए।

फिलिप्‍पीऔ 3:1

इसताँई हे मेरे भईयौ, परभु मै खुस रौहौ, उनई बातौं कै बेरमबेरा लिखनै मै मैंकै तौ कोई दुख ना होवै है, और जौ तुमकै बचाकै रखैगो।

कुलुसिऔं 1:5

कैसेकै जो आस तुमकै है, बौ सुरग मै तुमरे ताँई रक्‍खी पड़ी है। तुमनै जा आस के बारे मै तब सुनो जब सच्‍च की अच्‍छी खबर तुमरे धौंरे पौंची।

कुलुसिऔं 2:7

और बाई मै तुम गैहराई सै जड़ पकड़ौ और बढ़ते जाऔ और जैसो तुमकै सिकाओ है बैसेई बिसवास मै मजबूत होते जाऔ, और परमेसर को जादा सै जादा धन्‍नबाद करते रौह।

1 तीमुथियुस 4:6

अगर तू बिसवासी लोगौ कै इन बातौं कै याद दिब्बातो रैहगो, तौ तू ईसु मसी को अच्‍छो सेवक बनो रैहगो। और बिसवास और बा सई उपदेस की बातौं कै जिनकै तू सच्‍चे दिल सै मानते भओ आओ है।

2 तीमुथियुस 1:6

इसताँई मैं तुमकै जौ याद दिब्बाबौ हौं कै तू परमेसर के बा बरदान कै इस्तमाल कर जो तुमरे ऊपर मेरे हात रखनै सै मिलो है।

इबरानिओ 10:32

अपने बे पुराने दिन याद करौ जब तुमरे ऊपर परमेसर को उज्‍जेरो चमको हो तब दुख और परेसानिऔ कै सैहते भए कैसे तुम टिके रैहए।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

1 पतरस 5:12

मैंनै जौ छोटी सी चिट्‌ठी सिलवानुस के हात सै लिखबाई है, जिसकै मैं बिसवासजोग भईया मानौ हौं। मैं तुमकै समजाबौ हौं और अपनी जौ गभाई देवौ हौं कै, परमेसर की सच्‍ची किरपा जौई है और जाई मै बने रौह।

2 पतरस 1:13

मैंकै जौ सई लगै है कै जब तक मैं जिन्‍दो हौं तब तक तुमकै हमेसा याद दिब्बाते भए होसिआर करतो रैहंगो।

2 पतरस 1:15

इसताँई मैं जौ कोसिस करंगो कै मेरे मर जानै के बाद बी तुम इन बातौं कै हमेसा याद करते रौह।

2 पतरस 3:1

हे मेरे पियारे भईयौ, अब मैं जौ दूसरी चिट्‌ठी लिख रओ हौं। और इन दौनौ चिट्‌ठिऔ सै तुमकै याद दिब्बाते भए तुमरे सच्‍चे मन कै जगानो चाँहौ हौं।

2 पतरस 3:17

पियारे भईयौ, तुम इन बातौं कै पैलेई सै जानौ हौ इसताँई चौकस रौह। कहीं ऐंसो ना होए कै तुम उन दुसट आदमिऔ के बैहकाबे मै आकै अपनी रस्ता सै ना भटकिओ और अपनी मजबूती कै हात सै जान मत देईओ।

1 यहून्‍ना 2:21

मैं तुम लोगौ कै इसताँई ना लिखौ हौं कै तुम सच्‍चाई ना जानौ हौ बलकन इसताँई कै तुम सच्‍चाई जानौ हौ कैसेकै कोई बी झूँट सच्‍चाई की ओर सै ना आवै है।

2 यहून्‍ना 1:2

और जाई सच्‍चाई की बजै सै बौ हम्मै बनो रैहबै है, और जो हमेसा हमरे संग रैहगो।

यहूदा 1:17

पर पियारे सातिऔं, तुम उन बातौं कै याद रक्‍खौ जो हमरे परभु ईसु मसी के भेजे भए चेलौ नै पैलेई कैई हीं।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।

यहूदा 1:5

मैं तुमकै याद दिब्बानो चाँहौ हौं, बलकन तुम उन बातौं कै पैलेई सै जानौ बी हौ कै परभु मिसर देस सै ईसराइली लोगौ कै बचाकै लाओ और बाद मै जिन्‍नै बिसवास ना करो हो उन लोगौ कै नास करो।