2 कुरन्‍थियों 9:8 - बुक्सा

⁸ परमेसर तुमकै अच्‍छे सै अच्‍छो बरदान देवै है, जिस्सै कै तुमरी सिगरी जरूरत पूरी हौं, और सिगरे अच्‍छे कामौ के ताँई तुमरे धौंरे जरूरत से बी जादा देओ गओ है।

2 कुरन्‍थियों 9:8 Mawu Ofanana

चेलौ के काम 9:36

याफा मै तबीता नाम की एक बिसवासी बईयर रैहबै ही। तबीता कै यूनानी मै दोरकास कैबै हैं जिसको मतलब “हिरन” है। बौ भले काम करै ही और गरीबौ कै दान देवै ही।

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

2 कुरन्‍थियों 13:3

कैसेकै तुम तौ जा बात को सबूत चाँहै हे कै, मसी मेरे दुआरा बात करै है। और मसी तुमरे ताँई कमजोर ना है पर तुमरे दुआरा अपनी तागत दिखाबै है।

2 कुरन्‍थियों 8:19

और इतनोई ना, पर बाकै बिसवासिऔ की मंडली के लोगौ नै चुनो कै बौ जा दान के काम मै हमरे संग जाय, और जौ सेवा हम इसताँई करै हैं कै परभु की महिमा और हमरी सायता कन्‍नै की इच्‍छा परकट हो जाय।

2 कुरन्‍थियों 8:2

कैसेकै बे बेसानी दरद मै पड़े हे पर फिर बी उनकै खुसी होवै ही और बे कंगाल हो गए हे, तौबी बड़ी इच्‍छा सै दान देवै हे।

2 कुरन्‍थियों 8:7

पर तुम सिगरी बातौं मै अच्‍छे हौ, जैसे कै बिसवास मै, बचन मै, गियान मै, और हर तरै की हिम्मत मै, और जो पियार तुम हम सै करौ हौ बामै बढ़ते जाबौ हौ, बैसेई तुम बी जा दान की सेवा के काम मै बी बढ़ते जाऔ।

2 कुरन्‍थियों 9:11

तुम हर एक बातौं मै सेट करे जाऔगे जिस्सै कै तुम हर मौके मै दिल खोलकै दैनै बारे बनौ और जब तुमरे दान कै उन लोगौ तक पौंचाओ जागो जिनकै जरूरत है, तौ बे परमेसर कै धन्‍नबाद दंगे।

इफिसिऔ 2:10

कैसेकै हम परमेसर की कलाकारी हैं, और हमकै ईसु मसी मै भले काम कन्‍नै के ताँई बनाओ गओ है जिसकी योजना परमेसर नै हमरे ताँई पैलेई बनार खाई ही।

इफिसिऔ 3:20

अब परमेसर अपनी बा सकति के दुआरा जो हमरे भीतर काम करै है, जित्‍तो हम माँग सकै हैं, या जहाँ तक हम सोच सकै हैं, बासै बी भौत जादा बौ कर सकै है।

फिलिप्‍पीऔ 4:11

मैं जौ बात किसी बी चीज की कमी की बजै सै ना कैबौ हौं, कैसेकै मैं जैसी बी हालत मै हौं, मैंनै उसई मै खुस रैहनो सीक लओ है।

कुलुसिऔं 1:10

ताकि तुमरो चाल-चलन बैसोई होए जैसो परभु कै परसन्‍द है, जिस्सै बौ खुस होए और तुम्मै हर तरै के भले काम के फल लगैं और परमेसर के गियान मै मजबूत होते जाऔ।

2 थिसलुनीकियौ 2:17

बौ तुमरे मनौ मै सान्‍ति दै और सिगरे अच्‍छे काम और बचन मै पक्‍को बनाऐ रक्‍खै।

2 तीमुथियुस 2:21

अगर कोई अपने आपकै गलत बातौं सै दूर रखैगो, तौ बौ इज्‍जत को बरतन बनैगो और पबित्‍तर ठैरैगो, और मालिक के काम मै आगो और हर अच्‍छे काम के ताँई तईयार रैहगो।

2 तीमुथियुस 3:17

जिस्सै परमेसर को सेवक सिगरे अच्‍छे काम कन्‍नै के ताँई पूरे तरै सै तईयार रैह।

तीतुस 2:14

जिसनै अपने आपकै हमरे ताँई दे दओ कै हमकै हर तरै की बुराई सै छुटाले, और सुद्‍द करकै अपने ताँई खुद ऐंसी परजा बना ले जो भले कामौ मै तईयार हो।

तीतुस 3:14

जिस्सै हमरे लोग बी जरूरतौं कै पूरी कन्‍नै के ताँई अच्‍छे कामौ मै लगे रैहनो सीकैं जिस्सै बे बेकार ना रैंह।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

1 पतरस 4:10

परमेसर की ओर सै जिसकै जो खास बरदान मिलो है, बाकै एक अच्‍छे भन्डारी के हाँई, एक दूसरे की सेवा के काम के ताँई लगाऐ।