2 कुरन्‍थियों 9:13 - बुक्सा

¹³ तुमरो जौ सेवा को काम देक्‍कै बे परमेसर की बड़ाई करंगे कैसेकै तुम ईसु मसी की अच्‍छी खबर के हिसाब से चलौ हौ और बाके आधीन रैहबौ हौ और जो तुम परमेसर के लोगौ के ताँई और सबई के ताँई दान देवौ हौ, तौ बे जाके ताँई परमेसर को धन्‍नबाद करै हैं।

2 कुरन्‍थियों 9:13 Mawu Ofanana

मत्‍ती 5:16

इसई तरै तुमरो उज्‍जेरो लोगौ के सामने चमकै कै बे तुमरे भले कामौ कै देखकै तुमरे अब्बा की, जो सुरग मै है, बड़ाई करैं।

मत्‍ती 9:8

जब भीड़ मै लोगौ नै जौ देखो तौ बे डर गए और परमेसर की महिमा करल लगे जिसनै आदमिऔ कै ऐंसो हक दओ है।

लूका 6:46

“जब तुम मेरो कैनो ना मानौ हौ, तौ मैंकै काए हे परभु, हे परभु, कैबौ हौ?

यहून्‍ना 15:8

तुम भौत फल लाऔ और मेरे चेला बने रौह, इसई सै मेरे अब्बा की बड़ाई होवै है।

चेलौ के काम 11:18

जौ बात सुनकै बे चुप हो गए, और परमेसर की बड़ाई करल लगे और उन्‍नै कैई कै, “परमेसर नै गैर यहूदी लोगौ कै बी गलत काम सै मन फिरानै को मौको दओ है जो जिन्‍दगी की ओर ले जावै है।”

चेलौ के काम 4:21

फिर उनौनै उनकै धमकाकै छोड़ दओ, और उनकै सजा दैनै के ताँई उनमै कोई बहानो ना मिलो। कैसेकै जो चमत्कार को काम भओ हो बाकै देक्‍कै लोग परमेसर की बड़ाई कर रए हे।

रोमियो 10:16

पर उन सबई नै अच्‍छी खबर ना मानी। कैसेकै यसाया नबी कैबै है, “हे परभु, हमरी खबर मै किसनै बिसवास करो है?”

रोमियो 12:8

अगर कोई सला दैनै बारो है तौ बौ सला देतो रैह। और जो दान दैनै बारो है बौ खुले दिल सै दान देतो रैह। और लोगौं की अगवाई कन्‍नै बारो तन मन सै, लोगौं की अगवाई करतो रैह, और जो दया कन्‍नै बारो है, बौ खुसी खुसी दया करतो रैह।

रोमियो 15:31

जिस्सै मैं यहूदिया देस के अबिसवासिऔं सै बचो रौंह, और मेरी बौ सेवा जो ऐरूसलेम के ताँई है, बौ पबित्‍तर लोगौ कै अच्‍छी लगै।

रोमियो 16:26

अनन्‍त परमेसर नै अब अपनी आगियाँ के दुआरा नबिऔ की किताबौ मै सैरी जातिऔं कै उस लुके भए राज कै परकट करो है जिस्सै कै बे सब बिसवास करैं और उसकै मानै।

2 कुरन्‍थियों 10:5

और इनई हतियारौं सै हम लोगौ के बिरोद और घमंड की सोचकै खतम करै हैं, जो परमेसर के गियान के खिलाप उठै हैं, और हर एक सोचकै कैद करकै मसी की आगियाँ माननै बारी बना देवै हैं।

2 कुरन्‍थियों 2:12

जब मैं मसी की अच्‍छी खबर कै सुनानै के ताँई तरोआस नाम की जघै मै आओ हो, तौ परभु नै मेरे ताँई पैलेई सै एक रस्ता खोलर खाई ही।

2 कुरन्‍थियों 8:4

बे ऐरूसलेम मै रैहनै बारे परमेसर के लोगौ की सायता कन्‍नै के ताँई हम सै बेरमबेरा बिनती करै हैं।

2 कुरन्‍थियों 9:14

और बे तुमरे ताँई बड़े पियार के संग परमेसर सै पिराथना करै हैं, कैसेकै बे जानै हैं कै परमेसर नै तुम लोगौ के ऊपर बड़ी किरपा करी है।

गलातिऔ 1:24

और जो काम परमेसर नै मेरी जिन्‍दगी मै करे हे बाकी बजै सै बे परमेसर की बड़ाई करै हे।

1 तीमुथियुस 6:12

बिसवास के ताँई हमेसा अच्‍छे सै मैहनत करते रौह, और बा हमेसा की जिन्‍दगी कै थामे रौह, जिसके ताँई परमेसर नै तुमकै बुलाऔ है, और जिसके बारे मै तुमनै भौस्से लोगौ के सामने अपने बिसवास की गभाई दई है।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

इबरानिओ 10:23

हम बगैर सक के अपनी बा आस मै पक्‍के बने रैंह जिसकै हमनै मानो है, कैसेकै जिसनै हम सै बादो करो है बौ भरोसेमंद है।

इबरानिओ 13:16

भलाई कन्‍नी और अपनी चीजौ कै दूसरे के संग बाँटनो ना भूलिओ कैसेकै ऐंसे बलिदानौ सै परमेसर खुस होवै है।

इबरानिओ 3:1

इसताँई हे मेरे बिसवासी भईयौ और बहनौ, तुम बी सुरग की बुलाहट मै हिस्सेदार हौ, इसताँई तुमरो सिगरो धियान ईसु की ओर होए जो परमेसर को भेजो भओ आदमी और बड़ो पुजारी है जिसकै हम मानै हैं।

इबरानिओ 4:14

जब हमरे धौंरे एक ऐंसो बड़ो पुजारी है, जो सुरग मै गओ है, और बौ परमेसर को लौंड़ा ईसु है। इसताँई हम जो मानै हैं बामै पक्‍के रैंह।

इबरानिओ 5:9

और बौ बड़ो पुजारी बनकै उन सबई लोगौ के ताँई हमेसा की मुक्‍ति को सोता बन गओ, जो बाकी बातौं कै मानै हैं।

1 पतरस 2:9

पर तुम एक चुनो भओ बंस, राज कन्‍नै बारे बड़े पुजारी को समाज, पबित्‍तर लोग, और परमेसर के अपने लोग हौ। इसताँई तुम परमेसर की अच्‍छाई के बारे मै बोलौ, जिसनै तुमकै इन्धेरे सै अपनी एक अनौखी जोती मै बुलाओ है।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।