2 कुरन्‍थियों 8:23 - बुक्सा

²³ जो कोई तीतुस के बारे मै पूँछै, तौ बौ मेरो साती और तुमरे ताँई सायता कन्‍नै बारो है, और अगर कोई तुमरे संग जानै बारे हमरे भईयौ के बारे मै पूँछै, तौ बे बिसवासिऔ की मंडलिऔ के भेजे भए और मसी की बड़ाई कन्‍नै बारे हैं।

2 कुरन्‍थियों 8:23 Mawu Ofanana

लूका 5:10

जौई हालत जबदी के लौंड़ा याकूब और यहून्‍ना की बी भई, जो समौन के साजेदार हे, ईसु नै समौन सै कैई, “डर मत, अब सै तू आदमिऔ कै बटोरै करैगो।”

लूका 5:7

उनौनै दूसरी किसती के अपने सातिऔं कै इसारो करो कै आकै हमरी सायता करौ। बे आए और उनौनै दौनौ किसतिऔ कै मच्‍छिऔं सै इत्‍तो भर लओ कै किसती डूबनै कै हो गई।

यहून्‍ना 13:16

मैं तुमसै सच-सच कैबौ हौं कै नौकर अपने मालिक सै बड़ो ना है, और नाई भेजो भओ अपने भेजनै बारे सै बड़ो होवै है।

1 कुरन्‍थियों 11:7

आदमी कै अपनो मूड़ ढकनो सई ना है, कैसेकै बौ परमेसर को रूप है और आदमी परमेसर की बड़ाई कै दिखाबै है और बईयर आदमी की बड़ाई कै दिखाबै है।

2 कुरन्‍थियों 12:18

मैंनै तीतुस सै तुमरे धौंरे जानै के ताँई बिनती करी और बाके संग एक बिसवासी भईया कै बी भेजो। का तीतुस नै तुमरो गलत फाएदा उठाओ? का हम एकई आत्‍मा के दुआरा एक जैसी चाल ना चलै हे?

2 कुरन्‍थियों 7:6

तौबी दुखौ मै तसल्‍ली दैनै बारे परमेसर नै तीतुस कै हमरे धौंरे भेजकै हमरी हिम्मत बढ़ा दई है,

2 कुरन्‍थियों 8:16

परमेसर को धन्‍नबाद होए, जिसनै तीतुस के दिल मै तुम लोगौ के ताँई हमरे जैसो पियार भरो।

2 कुरन्‍थियों 8:18

और तीतुस के संग हमनै एक भईया कै बी भेजो है जिसको नाम अच्‍छी खबर के संग सिगरे बिसवासिऔ की मंडलिऔ मै फैलो है।

2 कुरन्‍थियों 8:19

और इतनोई ना, पर बाकै बिसवासिऔ की मंडली के लोगौ नै चुनो कै बौ जा दान के काम मै हमरे संग जाय, और जौ सेवा हम इसताँई करै हैं कै परभु की महिमा और हमरी सायता कन्‍नै की इच्‍छा परकट हो जाय।

2 कुरन्‍थियों 8:22

और हम तुमरे संग अपने एक भईया कै बी भेज रए हैं, जिसकै हमनै बेरमबेरा परखो है, और बौ तुमरी सायता कन्‍नै के ताँई भौत बेचैन है। पर अब बाकै तुमरे ऊपर बड़ो भरोसो है, इस बजै सै बौ तुमरी सायता कन्‍नै के ताँई भौत खुस है।

2 कुरन्‍थियों 8:6

इसताँई हमनै तीतुस सै बिनती करी ही कै, जैसे बानै दान की सेवा के काम कै सुरू कन्‍नै मै तुमरी सायता करी ही, बैसेई बौ तुमरे बीच मै बा सेवा के काम कै पूरो कन्‍नै मै सायता करै।

फिलिप्‍पीऔ 2:25

मैं जौ जरूरी समजौ हौं कै इपफरूदितुस कै तुमरे धौंरे बापस भेज दौं जो मेरो भईया और संग काम कन्‍नै बारो और संगी सिपाई और तुमरो दूत और जरूरी बातौं मै मेरी सेवा कन्‍नै बारो है।

फिलिप्‍पीऔ 4:3

और हे मेरे सच्‍चे साती मैं तेसै बी बिनती करौ हौं कै तू इन बईयरौं की सायता कर। कैसेकै बे मेरे संग अच्‍छी खबर फैलानै मै, कलेमेस और मेरे उन और सातिऔं समेत मैहनत करी, जिनके नाम जिन्‍दगी की किताब मै लिखे भए हैं।

कुलुसिऔं 1:7

और हमरे संग काम कन्‍नै बारो पियारो भईया इपफरास जो हमरी ओर सै मसी को बिसवासी सेवक है, और तुमकै बाई सै जा अच्‍छी खबर को गियान मिलो है।

1 थिसलुनीकियौ 2:2

और तुम जौ बात बी जानौ हौ कै तुमरे धौंरे आनै सै पैले फिलिप्‍पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्‍छी खबर कै सुनाओ है।

2 तीमुथियुस 4:10

कैसेकै देमास नै मैंकै छोड़कै जा दुनिया की बातौं सै पियार करो और थिसलुनीके देस मै चलो गओ। करेसकेन्स तौ गलातिया कै चलो गओ और तीतुस दलमतिया कै चलो गओ।

तीतुस 1:4

मैं अपने सच्‍चे लौंड़ा तीतुस कै बा बिसवास के संग लिख रओ हौं जो हम्मै एक जैसो है। पिता परमेसर और हमरे मुक्‍तिदाता ईसु मसी की ओर सै तेकै किरपा और सान्‍ति मिलती रैह।

फिलेमौन 1:17

अगर तू मैंकै साजेदार समजै है, तौ उसको बी मेरे जैसेई सुआगत करिए।

फिलेमौन 1:24

और मेरे संग काम कन्‍नै बारे मरकुस, अरितरखुस, देमास, और लूका जे सब तुमकै नमस्कार करै हैं।

3 यहून्‍ना 1:8

इसताँई हम बिसवासिऔ कै ऐंसे लोगौ की सायता कन्‍नी चँईऐ, जिस्सै कै हम बी सच्‍चाई की सेवा मै उनके संग चलनै बारे बनै।