2 कुरन्‍थियों 7:7 - बुक्सा

⁷ और सिरप बाके आनै सैई ना बलकन बा तसल्‍ली सै बी जो बाकै तुम लोगौ की ओर सै मिलै है। मेरी खुसी और बी जादा इसताँई बढ़ गई कै बानै मेरे ताँई तुमरी लगन, तुमरे दुख और तुमरे हिम्मत की खबर मैंकै दई।

2 कुरन्‍थियों 7:7 Mawu Ofanana

मत्‍ती 26:75

तब पतरस कै ईसु की कैई भई बात याद आई कै, मुरगा के बाँक दैनै सै पैले तू तीन दफै मेरो इनकार करैगो। और बौ बाहार जाकै फूट-फूटकै रोल लगो।

मत्‍ती 5:4

धन्‍न हैं बे, जो सोक करैं हैं, कैसेकै उनकै तसल्‍ली देई जागी।

लूका 22:44

तब ईसु बड़ी बेचैनी के संग और जोर सै पिराथना करल लगो। और उसको पसीना खून की बूंद के हाँई जमीन मै टपक रओ हो।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

रोमियो 1:12

मतलब, हम उस बिसवास के दुआरा जो मैं मै और तुम्मै है एक दूसरे सै हिम्मत लैं।

1 कुरन्‍थियों 5:2

का तुमकै जा बात को दुख बिलकुल ना है। तुमरे बीच मै ऐंसे बुरे काम कन्‍नै बारौ कै बाहार लिकान्‍नै की बजाए तुम घमंड करौ हौ।

2 कुरन्‍थियों 1:14

जैसो अबी तुमनै हमकै थोड़ो समजो है। जब परभु ईसु को फिर सै आनै को दिन आगो तौ जैसो हम तुमरे ऊपर घमंड करै हैं, बैसेई तुम बी हमरे ऊपर करौगे।

2 कुरन्‍थियों 1:4

बौ हमरी हर एक मुसीबत मै हमकै तसल्‍ली देवै है, जिस्सै कै हम बी दूसरे लोगौ की हर एक मुसीबत मै बैसेई तसल्‍ली दैं जिस तरै परमेसर नै हमकै दई है।

2 कुरन्‍थियों 2:9

मैंनै परखनै के ताँई जे बात तुमकै लिखी हीं कै तुम उनमै खरे लिकरौगे कै ना, और मेरी बातौं कै मानौगे कै ना।

2 कुरन्‍थियों 5:2

और जब तक हम जा घर के हाँई सरीर मै पड़े हैं, तब तक कैंखते रैहबैं हैं, और जौ चाँहबै हैं कै हम अपने सुरग के घर मै कब बसैं।

2 कुरन्‍थियों 7:6

तौबी दुखौ मै तसल्‍ली दैनै बारे परमेसर नै तीतुस कै हमरे धौंरे भेजकै हमरी हिम्मत बढ़ा दई है,

2 कुरन्‍थियों 7:8

मैंनै अपनी चिट्‌ठी सै तुम लोगौ के दिल मै चोट पौंचाई है। पर फिर बी मैंकै जाकै लिखनै को कुछ दुख ना है। मैंकै तौ जौ देक्‍कै दुख भओ हो कै बा चिट्‌ठी नै तुम लोगौ कै थोड़े बखत के ताँई दुखी कर दओ हो।

2 कुरन्‍थियों 8:16

परमेसर को धन्‍नबाद होए, जिसनै तीतुस के दिल मै तुम लोगौ के ताँई हमरे जैसो पियार भरो।

फिलिप्‍पीऔ 1:20

मेरी इच्‍छा और आस जौई है कै चाँहे मैं मरौं या जिन्‍दो रैहऔ मेरी किसी बात मै बेजती ना होए, पर मेरे सरीर सै हमेसा पूरी हिम्मत के संग मसी की महिमा होती रैहऐ जैसी हमेसा होवै है, और अब्बी हो रई है।

कुलुसिऔं 2:5

मैं अबी तुमसै भौत दूर हौं पर दिल सै तुम लोगौ के संग हौं और मैंकै जौ बात सुनकै भौत खुसी होवै है कै, तुम अपनी जिन्‍दगी मै नियम सै चल रए हौ और तुमरो बिसवास मसी मै पक्‍को है।

1 थिसलुनीकियौ 3:6

पर अब तीमुथियुस तुमरे बिसवास और पियार की खबर लेकै लौहटो है। बौ हमकै बताबै है कै तुम हमेसा हमकै पियार सै याद करौ हौ और हम सै फिर मिलनै के ताँई जितने तुम बेचैन हौ उत्‍तेई हम बी हैं।

1 थिसलुनीकियौ 3:8

हम जौ बात सुनकै भौत खुस हैं कै तुम बिसवास मै मजबूत होकै खड़े हौ और परभु के संग हौ।

इबरानिओ 2:1

इसताँई हमनै जो कुछ सुनो है बामै खास करकै धियान देनो चँईऐ, जिस्सै कै हम भटकनै ना पांऐ।

याकूब 5:17

एलिया बी तौ हमरेई हाँई एक आदमी हो जिसनै पिराथना करी कै बरखा ना बरसै, और साड़े तीन बरस तक धरती मै बरखा ना पड़ी।

2 यहून्‍ना 1:4

मैं जौ देक्‍कै भौत खुस हौं कै मैंनै तेरे बालकौ कै जैसी हमरे परम पिता नै हमकै आगियाँ दई है बैसेई सच्‍चाई मै चलते भए देखो।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।