2 कुरन्‍थियों 7:13 - बुक्सा

¹³ इसताँई हमकै तसल्‍ली मिली। और जाके संग-संग, तीतुस कै खुस देक्‍कै हमकै और बी जादा खुसी मिली, कैसेकै तुम सबई की बजै सै बाके दिल मै चैन पड़ गओ।

2 कुरन्‍थियों 7:13 Mawu Ofanana

रोमियो 12:15

जो खुस हैं, उसके संग खुस रैहऔ। और जो रोबैं हैं, उनके संग रोओ।

रोमियो 15:32

और मैं परमेसर की इच्‍छा सै तुमरे धौंरे खुसी के संग आकै तुमरे संग आराम कर पांऔ।

1 कुरन्‍थियों 12:26

इसताँई अगर सरीर के एक अंग मै चोट लगै है, तौ बाके संग-संग सिगरे अंगौ मै बी दरद होवै है, और अगर सरीर के एक अंग कै इज्‍जत मिलै है तौ बाके संग बाकी के सिगरे अंगौं कै बी खुसी होवै है।

1 कुरन्‍थियों 16:13

चौकस रौह और मजबूती के संग बिसवास मै पक्‍के बने रौह और हिम्मत रक्‍खौ, तागत बारे बनौ।

1 कुरन्‍थियों 16:18

उनौनै मेरी और तुमरी फिकर कै दूर कर दओ है। ऐंसे आदमी इज्‍जत लायक हैं।

2 कुरन्‍थियों 2:13

जब मैंनै अपने भईया तीतुस कै बहाँ ना देखो तौ मेरो दिल बेचैन हो गओ। इसताँई मैं उनौसै बिदा लेकै मकिदुनिया की ओर चल दओ।

2 कुरन्‍थियों 2:3

और मैंनै जौ बात इसताँई लिखी कै कहीं ऐंसो ना हो जाय कै जब मैं आऔं तौ जिन लोगौ सै मैंकै खुसी मिलनी चँईऐ, कहीं बे मैंकै दुख दैं। कैसेकै मैंकै तुम सबई के ऊपर जा बात को पक्‍को बिसवास है कै जो मेरी खुसी है, बौई तुमरी बी खुसी है।

2 कुरन्‍थियों 7:14

मैंनै तुमरे बारे मै तीतुस के सामने जो कुछ घमंड के संग बोलो है, बाके ताँई मैंकै सरम सै खोपड़ी नीचे कन्‍नी ना पड़ी है। पर जैसो हमनै तुमसै सबई कुछ सच-सच कैओ हो, तौ बैसेई हमरो घमंड बी जो तीतुस के सामने दिखाओ हो बौ सच लिकरो।

2 कुरन्‍थियों 7:15

जब बौ जौ याद करै है कै तुमनै बाको हुकम कैसे मानो और डर के संग इज्‍जत सै बाको कैसे सुआगत करो हो, तौ तीतुस को पियार तुमरे ताँई और बी जादा बढ़तो जावै है।

2 कुरन्‍थियों 7:6

तौबी दुखौ मै तसल्‍ली दैनै बारे परमेसर नै तीतुस कै हमरे धौंरे भेजकै हमरी हिम्मत बढ़ा दई है,

फिलिप्‍पीऔ 2:28

इसताँई मेरो मन बी बाकै भेजनै के ताँई भौत उताबलो हो, जिस्सै कै बाकै फिर देक्‍कै तुम खुस हो जाऔ और मेरी फिकर बी खतम हो जागी।

2 तीमुथियुस 1:16

उनेसिफुरूस के टब्बर के ऊपर परभु दया करै कैसेकै बानै मेरे दिल कै कई दफै तसल्‍ली दई है और मेरे जेल मै रैहनै सै बाकी खोपड़ी सरम सै नीची ना भई।

फिलेमौन 1:20

हाँ भईया! जौ खुसी मैंकै परभु मै तेरी ओर सै मिल जाऐ कै, तू मसी मै मेरे जी कै सकून दे।

फिलेमौन 1:7

हे भईया, मैंकै तेरे पियार सै भौस्सी खुसी और हिम्मत मिली है, कैसेकै तेरी बजै सै पबित्‍तर लोगौ के मन हरे-भरे हो गए हैं।

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।