2 कुरन्‍थियों 7:11 - बुक्सा

¹¹ तुम देखौ हौ, जो दुख परमेसर की ओर सै आए हैं, उन दुखौ की बजै सै तुमरी जिन्‍दगी बदलल लगी ही। तुम खुद कै निरदोस साबित कन्‍नै के ताँई पूरे जोस सै भरे भए, तुम्मै अनियाय के ताँई घुस्सा, मुसीबत के ताँई हमेसा तईयार, मैंसै जल्दी मिलनै के ताँई इच्‍छा, सेवा की भक्‍ति और गलत काम कन्‍नै बारौ कै सजा दैनै के ताँई हमेसा तईयार हौ। तुमनै ऐंसो करकै जौ बता दओ है कै तुमनै सबई कुछ सई कन्‍नै मै कोई कसर ना छोड़ी है।

2 कुरन्‍थियों 7:11 Mawu Ofanana

मरकुस 3:5

उनके मन की कठोरता देक्‍कै ईसु कै दुख भओ फिर ईसु नै घुस्सा मै भरकै चारौ ओर देखो और उस आदमी सै कैई, “अपनो हात बढ़ा,” उसनै ऐंसोई करो और बाको हात ठीक हो गओ।

यहून्‍ना 2:17

तब उसके चेलौ कै याद आई कै पबित्‍तर सास्तर मै लिखो है, “तेरे घर के ताँई मेरो पियार मैंकै खा जागो।”

चेलौ के काम 17:16

जब पौलुस एथेन्स मै सीलास और तीमुथियुस को पैंड़ो देख रओ हो, तबई बौ बा सैहर मै मूरतिऔं कै जघै-जघै देक्‍कै तिलमिला उठो और इस्सै बाको मन दुखी भओ।

रोमियो 11:20

जौ सच है, कै बे अपने अबिसवास के कारन काटकै अगल कर दए गए, मगर तुम अपने बिसवास के कारन अपनी जघै मै बने भए हौ। तुम घमंड ना करौ, पर चौकस रैहओ।

रोमियो 14:18

जो मसी की सेवा ऐंसे करै है, उस्सै परमेसर खुस रैहबै है और लोग उसकै इज्‍जत देवै हैं।

रोमियो 3:5

इसताँई अगर हमरे बुरे काम परमेसर के अच्‍छे काम कै दिखामै हैं, तौ हम का करैं? मैं आदमी की सोच के हिसाब सै कैरओ हौं कै, का परमेसर को हमरे ऊपर घुस्सा कन्‍नो, गलत है?

1 कुरन्‍थियों 12:25

जिस्सै कै सरीर मै फूट ना पड़ै, पर सरीर को हर एक अंग सबई कै एक जैसो मानकै एक दूसरे की फिकर करै।

1 कुरन्‍थियों 5:13

पर दूसरे लोगौ को नियाय परमेसर करैगो, इसताँई उस कुकरमी कै अपने बीच मै सै लिकार दो।

1 कुरन्‍थियों 5:2

का तुमकै जा बात को दुख बिलकुल ना है। तुमरे बीच मै ऐंसे बुरे काम कन्‍नै बारौ कै बाहार लिकान्‍नै की बजाए तुम घमंड करौ हौ।

2 कुरन्‍थियों 13:7

हम परमेसर सै पिराथना करै हैं कै तुम कुछ बुराई ना करौ। इसताँई ना कै हम भले दिखाई देवै हैं, पर इसताँई कै तुम बौई करौ जो सई है चाँहे हम्मै खोट दिखाई दै।

2 कुरन्‍थियों 2:6

ऐंसे आदमी के ताँई बौ सजा भौत है, जो तुम सबई बिसवासी लोगौ की ओर सै होवै है।

2 कुरन्‍थियों 6:4

पर परमेसर के सेवक होनै के नाते सै हम खुद कै अच्‍छो बनाबै हैं, हम हिम्मत के संग, बड़े दुख, परेसानी और मुसीबत के बीच,

2 कुरन्‍थियों 7:1

हे मेरे पियारे सातिऔं, जब हमकै जे बादे मिले हैं, तौ आऔ हम बा चीज कै सुद्‍द करैं जो हमरे सरीर और आत्‍मा कै असुद्‍द बनाबै हैं, और परमेसर को डर मानते भए पबित्‍तर बनौ।

2 कुरन्‍थियों 7:7

और सिरप बाके आनै सैई ना बलकन बा तसल्‍ली सै बी जो बाकै तुम लोगौ की ओर सै मिलै है। मेरी खुसी और बी जादा इसताँई बढ़ गई कै बानै मेरे ताँई तुमरी लगन, तुमरे दुख और तुमरे हिम्मत की खबर मैंकै दई।

2 कुरन्‍थियों 7:9

अब मैं खुस हौं, पर इसताँई ना कै मैंनै तुमरे दिल कै चोट पौंचाई पर इसताँई कै बा दुख की बजै सैई तुमरो मन बदल गओ है। कैसेकै तुमरो बौ दुख परमेसर की ओर सै हो कै हमरी ओर सै तुमकै किसी बी बात मै नुकसान ना पौंचै।

2 कुरन्‍थियों 9:2

कैसेकै मैं जानौ हौं कै तुम सायता कन्‍नै के ताँई तईयार हौ, इसताँई मैं मकिदुनिया मुलक के रैहनै बारौ के सामने घमंड सै कैबौ हौं कै अखाया के लोग परके साल सै तईयार हैं, और तुमरो हौसला देक्‍कै उनमै सै भौस्से लोग सायता कन्‍नै के ताँई तईयार हैं।

इफिसिऔ 4:26

घुस्सा तौ करौ पर पाप ना करौ और दिन छिपे सै पैले तुमरो घुस्सा खतम हो जानो चँईऐ।

इफिसिऔ 5:11

जो लोग इन्धेरे के गलत काम करै हैं, तुम उनके कामौ मै सात मत देईयो और उनके गलत कामौ कै सबई के सामने लाऔ।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

1 थिसलुनीकियौ 4:6

इसताँई तुम बी बिसवासी भईया या बहन के संग पाप ना करिओ और ना गलत फाएदा उठईओ, कैसेकै परभु इन सिगरी बातौं को बदलो लेगो। जे सिगरी बात मैंनै तुमकै पैलेई बता दंई और ढंग सै समजा बी दंई हैं।

1 तीमुथियुस 5:20

जो लोग पाप करते रैहबैं हैं। उनकै सबई के सामने चितौनी दो, जिस्सै कै दूसरे लोग बी पाप कन्‍नै सै डरै।

2 तीमुथियुस 2:15

खुद कै परमेसर की सेवा के लायक बनाऔ और ऐंसे काम कन्‍नै की कोसिस करौ जिसमै तुमरी इज्‍जत होए और सच्‍चे बचन कै सई तरीका सै काम मै लाऔ।

तीतुस 3:8

जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्‍खैं। जे बात भली और आदमिऔ के काम की हैं।

इबरानिओ 4:1

इसताँई जब तक परमेसर की ठैराई भई आराम कन्‍नै की जघै मै जानै को बादो अबी बी बनो भओ है तब तक हमकै चौकस रैहनो चँईऐ जिस्सै कै कोई बी आदमी बा बादे सै छुट ना जाऐ।

याकूब 3:17

पर जो गियान परमेसर की ओर सै आवै है, बौ पैले तौ पबित्‍तर होवै है, फिर सान्‍ति बारो, नरम सौभाब बारो, खुली सोच बारो, दया और अच्‍छे करमौ सै भरो भओ, और भेदभाब ना कन्‍नै बारो और खरो आदमी।

1 पतरस 1:17

और अगर तुम, हर एक के करमौ के हिसाब सै बिना भेदभाब के नियाय कन्‍नै बारे परमेसर कै, हे अब्बा, कैह कै बुलाबौ हौ, तौ तुमकै अपनी जिन्‍दगी परदेसी के हाँई डरते भए काटनी चँईऐ।

1 पतरस 2:2

नए जलमे बालक के हाँई सुद्‍द, और आत्‍मिक दूद पीनै के ताँई तरसते रौह ताकि बासै बढ़ौ और तुम मुक्‍ति मै बढ़ते जाऔ।

यहूदा 1:23

दूसरे लोगौ कै नरक की आग सै खैंच कै बचाऔ और डर के संग औरौं के ऊपर दया करौ; पर जो लोग सरीर की बुरी इच्‍छाऔं के हिसाब सै चलै हैं उनके लत्‍तौ सै बी नफरत करौ जिनके गलत कामौ के दाग उनके लत्‍तौ के ऊपर दिखाई देवै हैं।

परकासन 3:19

“मैं जिनसै पियार करौं हौं, उनकै डाँटौ और डन्ड देवौ हौं, इसताँई जोसीलो बन और मन फिरा।